الموضوع: الحقونى العربية فصلت وحالفة ماتدور

المشاركة الأصلية كتبت بواسطة ahmedsayed77

السلام عليكم
بص يا باشا انا حصلت عندى المشكلة دى امبارح و رحت بالعربية للميكانيكى اللى باتعامل معاه و هاقولك بالترتيب على اللى عمله :
1 - فك السلك اللى جاى من المموبينة لوش الاسبراتير و قربه من جسم العربية و انا فتحت كونتاكت و اديت سنة مارش لقى فى شرارة كهرباء يبقى الموبينة شغالة
2 - ركب سلك الموبينة تانى و خلع سلك من بتوع البوجيهات و جاب بوجيه قديم من عنده و ركبه فى السلك المخلوع و قربه من ارضى للعربية و سنة مارش من عندى ملقاش كهرباء و عرف ان الاسبراتير مش موصل كهرباء للبوجيهات
3 - شك ان العيب يكون من السلك راح مجرب سلك تانى لقى برضه انه مافيش كهرباء
4 - طلعت المشكلة من الاسبراتير فك وش الاسبراتير لقى الشاكوش متهالك و مكسور
5 - فك مسمارين الشاكوش بمفتاح النكيه رقم 4 و بعتنا جبنا واحد استيراد فرنساوى ماركة sagem بحوالى 50 جنيه مع المصلحة المستخبية بين الميكانيكى و بتاع الاستيراد ( سألت على الجديد كان صينى ب 60 جنيه ) و فضلت انى اجيب الفرنساوى الاستيراد
6 - سنفر لوامس النحاس بتاعت الشاكوش قبل التركيب و ركبه و العربية دارت و زى الفل

علي فكرة انا تشتريت الشكوش دة للاوبل فكترا 91 من حرفيين القاهرة الشتا اللي فات ب 30 جنية بس و مستورد كمان

المشاركة الأصلية كتبت بواسطة tananybasha

1. موبينا
2. وش اسبراتير
3. سلك موبينا
بس كده
و سؤال اخبار سير الكاتينه ايه

واله يا طنانى انا فكيت الكفر البلاستيك لقيت سير الكاتينة سليم

النهارده يا جماعة انا انتنفخت بمعنى انتنفخت من العربية
النهارده جبت الكهربائى يبص على العربيةقعد يجرب ويقيس بسلوك ويشوف ويقولى دور كونتاك وهو بيعمل الحكاية دى اسمع صوت فرقعة من الشكمان قعد يجرب وقالى فية كهربا واصلة بس انا شاكك فى الموبينة والمشط بتاعها وقالى صوت الفرقعة بيحصل من حاجتين يا من الموبينة يا من الكاتينة ممكن تكون مرحلة بس هو قاللى هات موبينة ومشط وركبهم زى ما هم راكبين علشان انا سايب شغل فى المحل ومش هاعرف اجيلك تانى النهارده
المهم رحت جبت موبينة بس وجيت اجربها لقيت العربية زى ما هى ورحت رجعتها تانى
رحت لواحد تانى جبت منة موبينة ومشط مع بعض طبعا بعد مشورة ونفخ وبحث عن المشط
وجيت وركبتهم صح زى ما كانت راكبة فى الموبينة القديمة وشلت فيشة المشط وحطتها فى الجديد
والمفاجاءة العربية مادرتش وحالفة ماتدور والبطارية نامت ورحت شحنتها وحاجة زفت
اتصلت بالميكانيكى وحكتيت لة قالى لحسن يكون سير الكاتينة قطع قولتلة انا شوفتة سليم وهراجع علية بكرة
تانى
المهم قالى تابع مع الكهربائى لحد الاخر ولو قالك ده عيب ميكانيكا كلمنى
وقولت للميكانيكى ممكن يكون اسبراتير قاللى لا طالما الموبينة بتعمل شرارة يبقى الاسبراتير سليم لانة بيدى ارضى للموبينة
طب قولتلة انا شاكك فى المارش لانة صوتة متغير كده تحث ان فية عاتلة خفيفة قاللى شوف الكهربائى هيقولك ايه علية
انتم يا جماعة ايه رايكم بعد الحوار ده هل المشكلة تتلخص فى ايه
- اسبراتير الكهربائى والميكانيكى مستبعدينة والكهربائى قالى مش بيبوظ
- مارش بس هل المارش لو فية حاجة العربية تقطع فجاءة وانا ماشى ومش تدور تانى بالرغم ان صوت الدوارة غريب يعنى فيه صوت مارش عادى بس صةتة متغير الى حد ما كانك شايل كابل الموبينة او شايل البوجيهات من الموتور وبتدور العربية من غيرهم
- سير كاتينة وانا هشيك علية بكرة مع انى مستبعده لانة لو فيه قطع كان بان قدامى بس لو طلع العيب منة يبقى ايه حلة
تقتكرو بخبراتكم واللى اتمرمط زىى كده يبقى المشكلة فى ايه
واخيرا معلش دوشتكم معايا بس انتم عارفين بقى قرف العربيات وجاية تعملها على العيد

طب ابص على ايه فية طب والمارش ممكن يعمل كده ولا لا

هيا كده المكنه واصل ليها بنزين اصلا عشان تدور؟؟