ايه رأيكم فى المحمل موتورز

**batalalkom** · 20-10-2012 10:54 AM

يا ريت حد يفدنى يا شباب عايز أحجز صنى سوبر صالون عند المحمل موتورز فى فرع قليوب ....
ايه رأيكم ...ولا اروح السبع أو اوتو ايجيبت افضل .
سؤال تانى لو سمحتم : هجيب العربية قسط تبع بنك ناصر ومش عارف ابدأ منين من المعرض ولا البنك والخطوات ايه ...وهل ممكن اتعرض لنصب ولا حاجة.
ولكم جزيل الشكر

**saint2011** · 20-10-2012 02:49 PM

شوف حضرتك خليك مع الموزعين الكبار أتو أيجيبت أو السبع بالنسبة لبنك ناصر تروح تعرف الشروط الأول والمطلوب من أوراق وهما هيقلولك على كل حاجة ومبدئيا هيطلبوا منك عرض سعر رسمى بثمن العربية والمواصفات للسيارة من الموزع أللى حضرتك هتحجز منه وربنا يوفقك

**_hema** · 21-10-2012 04:32 PM

بنك ناصر بيطلب مفردات مرتب + 2 ضامنين مع تحويل المرتب على البنك

المعروفين اوى فى سوق السياران بالنسبه لنيسان

السبع
اتوايجبت
مودرن ايجبت

وهناك بعض المعارض تتعامل مع التوكيلات مثل سمير ريان ودا بيتعامل فى كثيرا من الاحيان مع المحمل فرع قليوب

المصريه للسيارات

الاحمدى موتورز

ابو حته
بس اشهرهم فى هذا المجال سمير ريان وهتلاقى عنده كافه مناديب البنوك وكذا شركات التأمين المختلفه

خليك فى المضمون وتعامل مع الوكيل مباشره وانا كنت اعرف ان السبع بيقسط

رغم ان شارى من سمير ريان

ومبرووووك مقدماً

**Youssef.Awad** · 22-10-2012 01:32 AM

للاسف على مدار 3 سنوات فى قسم نيسان بالمنتدى .. ما شوفتش تقارير شراء او صيانة بالمحمل الا نادرا مرة او اتنين بالكتير اوى
وبالتالى خبرتنا معاهم قليلة وده هايتطلب من حضرتك الذهاب شخصيا والسؤال وافادتنا
وانا مع الرأى انك تتعامل مع موزعين كبار افضل ..