الموضوع: توافر قطع الغيار في التوكيل

المشاركة الأصلية كتبت بواسطة amrelsha3er

هو بصراحه تحس فعلا انه مش فاضلها
كفايه عليه سيتروين وكرايسلر ودودج وفولفو
اكيد المعامله بتختلف وبشهاده ناس معاها سيتروين

يا عمرو ده حتى مستنكف أو مُستعر من أن يحط اللوجو بتاع برتون على واجهة فرع أبو رواش، تلاقي دودج وفولفو وستروين وكرايسلر ورام، ولا أثر لبرتون، يحسسك أنها مش تبعه ولا صلة له بها.

طيب طالما مش فاضي لها، أخد توكيلها ليه، أو بالأحرى بروتون ماليزيا منحته التوكيل على أي أساس. أنا عن نفسي لو مُصنِّع للسيارات، وبأفكر أن أغزو سوق معينة من الأسواق، ولنفترض السوق المصري، مش هأدور على واحد معاه توكيلات لعشرتعشر علامة تجارية من ماركات السيارات، بل هأبحث وأفحص وأمحص وأنقب عن وكيل طموح شاب فَتيّ عايز يثبت نفسه في السوق المستهدف، يعرف يعزز من الصورة المؤسسية أو صورة شركتي كجهة تصنيع، ويدعم من وجودها، ويضيف إليها، مش وكيل Tycoon مش فاضي للعلامة التجارية بتاعتي ومنفض لها، يكره الناس فيها، ويقوض من وجودها إلى أن تندثر وتفشل وترحل إلى بلدها الأم.

المشاركة الأصلية كتبت بواسطة sa3d alex

يا جماعه انا محبط جدا من اللى بقرأه هنا يعنى ايه توكيل مفيهوش قطع غيار
يارتنى كنت قرات هنا فى المنتدى من زمان مكنتش حجزت اصلا حسبنا الله ونعم الوكيل
والله ده غش علنى وسرقه كمان بيطمعونا فى العربيه وقالو لى توكيل وقطع غيار تمام مفيش بعد كده اطمن
والله العظيم كان معايا اوبترا وكنت مستريح جدا كان كل حاجه موجوده حتى الكلاكس غيرته فى الضمان ومفيش حاجه اسمها مش موجوده واحجزها وهنتصل بيك
يبدو انى مقبل على معركه مع عز العرب خصوصا انا عصبى جداااااااااا ربنا يستر

وعلى فكره انا كرهت البرسونا قبل مااستلمهاواسف على الاطاله

يا باشا لا تغتم ولا تهتم. الموضوع بسيط إن شاء الله.

ربنا سبحانه وتعالى يقول في كتابه الحكيم:

"فعسى أن تكرهوا شيئًا، ويجعل الله في خيرًا كثيرًا."

إن شاء الله العربية ممتازة، واختيار موفق، والخيرة دائمًا فيما اختاره الله.

هو دائمًا لا يطفو على السطح إلا المشاكل والشكاوى، إلا أن في ناس كتيرة، الأخوة في القسم يشهدون، معاهم بروتون بطرازاتها المتنوعة ومبسوطة منها، وسمنة على عسل مع التوكيل.

بإذن الله تستلم على خير، وربنا يبارك لك فيها، وتبقى تشرفنا بمشاركة تصف لنا قدر شكرك لله على أن وفقك لاختيارها، ومدى انبساطك به...إلخ

المشاركة الأصلية كتبت بواسطة motarjim

يا عمرو ده حتى مستنكف أو مُستعر من أن يحط اللوجو بتاع برتون على واجهة فرع أبو رواش، تلاقي دودج وفولفو وستروين وكرايسلر ورام، ولا أثر لبرتون، يحسسك أنها مش تبعه ولا صلة له بها.

طيب طالما مش فاضي لها، أخد توكيلها ليه، أو بالأحرى بروتون ماليزيا منحته التوكيل على أي أساس. أنا عن نفسي لو مُصنِّع للسيارات، وبأفكر أن أغزو سوق معينة من الأسواق، ولنفترض السوق المصري، مش هأدور على واحد معاه توكيلات لعشرتعشر علامة تجارية من ماركات السيارات، بل هأبحث وأفحص وأمحص وأنقب عن وكيل طموح شاب فَتيّ عايز يثبت نفسه في السوق المستهدف، يعرف يعزز من الصورة المؤسسية أو صورة شركتي كجهة تصنيع، ويدعم من وجودها، ويضيف إليها، مش وكيل tycoon مش فاضي للعلامة التجارية بتاعتي ومنفض لها، يكره الناس فيها، ويقوض من وجودها إلى أن تندثر وتفشل وترحل إلى بلدها الأم.

كلامك مظبوط متفهمش ايه الحكمه من كده
ربنا مايحوجنا ليهم ياكبير
اكتر من الصيانات وخلاص

المشاركة الأصلية كتبت بواسطة eng f3lix

هيا الاكتر لانها الارخص في الوحوش دول .. اقل عربية دلوقتي في سيتروين ب 140 الف تقريبا

أنا عارف :)
بس أظن والله أعلم
إن سيتروين و بروتون و حتى أغلب volvo كله 1600

يعني هامش الربح هيبقى قريب بين كل دول ,مفيش حاجات بتتجمع في مصر زي مرسيدس مثلا
فهتكسبه كتير !!!!!

يعني أقصد proton بتكسبه كويس ,المفروض يهتم بيها أكتر من كده

المشاركة الأصلية كتبت بواسطة sa3d alex

يا جماعه انا محبط جدا من اللى بقرأه هنا يعنى ايه توكيل مفيهوش قطع غيار
يارتنى كنت قرات هنا فى المنتدى من زمان مكنتش حجزت اصلا حسبنا الله ونعم الوكيل
والله ده غش علنى وسرقه كمان بيطمعونا فى العربيه وقالو لى توكيل وقطع غيار تمام مفيش بعد كده اطمن
والله العظيم كان معايا اوبترا وكنت مستريح جدا كان كل حاجه موجوده حتى الكلاكس غيرته فى الضمان ومفيش حاجه اسمها مش موجوده واحجزها وهنتصل بيك
يبدو انى مقبل على معركه مع عز العرب خصوصا انا عصبى جداااااااااا ربنا يستر

وعلى فكره انا كرهت البرسونا قبل مااستلمهاواسف على الاطاله

ياباشا اوعى تحط فى بالك الكلام ده على فكره عيوب وكيل السياره لاينقص من وزنها شىء
السياره محترمه وتستاهل كل جنيه دفعته فيها ان شاء الله
متشغلش بالك اوى بالتوكيل المهم ان حاجات الاستهلاكيه موجوده بره وجوه التوكيل ان شاء الله
متقلقش من موضوع قطع الغيار فى منها بره التوكيل وفى قطع غيار مشابهه لماركات تانيه متوفره زى اللانسر
اغلب حاجات لانسر تنفع عندنا
الخلاصه انى مش عاوزك تقفل من العربيه طالما توكلت على الله ونويت الشراء
انت بنفسك هتكرب وتشوفالعربيه ازاى اذا ماكنتش مجربها لانى عارف ان نبيشتريش العربيه دى
الا اللى غاويها وعارفها
وكلنا اخوه هنا وكل واحد عنده معلومه مش بيبخل بيها على التانى
العربيه من 2005 وموجوده فى شوارع مصر ولحد دلوقتى
اذا لا تقلق سيدى الفاضل:)
تحياتى

والله يا Motarjim ويا amrelsha3er

انا اول من المعجبين والمحبين للعربيه دى وبالاخص الجين تو من زمان لدرجه انا كنت من سنتين اقنعت صاحبى بيها وجبتله واحده جين تو 2007 ودلوقتى بيقولى كان عندك حق

انتم متعرفوش الحيره واللى انا كنت فيه علشان استقر على البرسونا وده بعد مقارناااات كتير
واخترتها على اقتناع علشان يبقى انا وصاحبى زى بعض بس انا اخترت البرسونا علشان عائليه

وكمان عارف ان فلوسها شويه عليها و على الاوبشن اللى فيها بجد عربيه محترمه

بس بعد الكلام اللى انتم قولتهولى رجعتلى تانى معنوياتى وفرحتى باختيار البرسونا وبشكركم على زؤكم وان شاء الله اول مهستلمها بكره او بعده هعملكم تقرير كامل عنها ويارب يباركلى فيها ويكفينى شرها