الموضوع: المواصفات والاسعار لأسترا سيدان 2015 بمصر

المشاركة الأصلية كتبت بواسطة ahmed-adel

و إيه مصلحتي ؟؟ هو أنا قلتله سيبها واشتري حاجة تانية مثلا ؟؟!!!

ده أنا برشحهـا للناس لاني مقتنع جدا بيها (مش توكيلها)
ادخل كده حضرتك على ال links ده

http://www.nilemotors.net/nile/3874618588-post49.html

http://www.nilemotors.net/nile/3874618607-post50.html

بس ده ميمنعش إني أقول الحق
إن سياسة بيع منصور مبنية على خداع العميل
حتى لو بشكل غير مباشر

الارقام بتاعت التسارع والاستهلاك دي محطوطة عن قصد
ماهو كان حاطط أرقام سليمة لل hb , اشمعنى السيدان

اكيد اللى بيشتري اوبل مش عشان منصور واللى بيشتري هيونداى مش عشان غبور كل واحد عارف احتياجو ومراجع مواصفات اختيارو من الشركه المصنعه على موقعها منصو ده معرض مش اكتر فمتركزش معاه او اي حد هناك والصيانه والمشاكل الحيويه بتتقدم لمدير جى ام فى مصر اللى شركة منصور بتترعب منهم فمتربطش اوبل بمنصور واتكلم عن العربيه من واقع معرفتك ومن سجلات الشركه المصنعه وشكراً لأهتمامك

المشاركة الأصلية كتبت بواسطة omar-saad

فعلا الموضوع دا قافلنى جدا
لان الفانوس اللى نازله بيه برة فيه نظام متور جدا
ودا اللى مغلى سعر الفانوس
فامش هاينزلوه هنا طبعا

هم عندهم حق لسببين ان الفانوس اللى في زينون زى بتاع الفيكترا التوب لاين فى مصر الى الان بعد ما رخص تمنو 6 الاف جنيه والناس كلها شاكيه مع ان ده سعرو لأنو متقدم جداً وفانوس الاسترا j الجديد متقدم عن بتاع الفيكترا بكتير كمان فسعرو هيعدى 10 الاف للواحد واكيد لو قالك العربيه هتزيد 20 الف مش هتشترى ولو حصل بعد كده هيكون الفانوس ده اوردر لك من بره لو حصل حاجه انت ممكن تركب زينزن متكود بره عادى جداً ب500 جنيه ومتشغلش بالك مع انك لو بعت للشركه بره هيجيبوهالك بس فرق السعر مش هتتخيلو لأن دى مش اوكتافيا او كرولا فانوس زينون وخلاص لا ده الفانوس له اكتر من كنترول وبيلف مع العجل وبيقلل النور لو حد جاى فى وشك وبيعلى ويوطى لوحدو فى المطالع والمنازل يعنى موضوع معقد جداً

المشاركة الأصلية كتبت بواسطة Mohab.Nabil

يا باشا الكلام ده مش فى مصر

هو لو حد بيدخل يراجع المواصفات من الشركة المصنعة برضه كانت خريطة السوق المصرى هتبقى بالشكل ده .. عربيات مبالغ فى ثمنها مالية الشوارع و العربيات الاصلى على رأى فورميلاتور باشا راكنة بتتشمس فى المعارض

و بعدين فعلا السياسة ديه غلط .. يعنى سؤال واضح و محدد مفروض اجابته تبقى واضحة و مش عيب ابدا انها بولندى بس طبعا ديه من ثقافة الشعب المصرى الزايدة يقولك لا بولندى تبقى اى كلام

اللى بيبيع مصرى والمشترى مصرى والطرفين نفسياً مش تمام يعنى انا شايف ان مصنع جى ام فى بولندا هو نفسو مصنع جى ام فى امريكا بس العقليه المصريه تعبانه زى ما بيشترو السكودا ويقولك دى المانى كلها بس وفرحانين مع ان كلها مواتير فولكس القديمه والعربيه متصنعه وجايه من التشيك وبالنسبه للموزع فى مصر خايف يقول بولندى لعميل بيسأل وده من التخلف لأنها اصلاً مش بولندى ده مصنع جى ام فى بولندا زى مصنعهم فى اسبانيا انجلترا وجنوب افريقيا والهند وحتى مصر فيها مصنع لجى ام ودول متتعدش بس بتفرق فى الايدى العامله واليات التشغيل يعنى الاسترا لو كانت جايه من اسبانيا اقل واجب كانت هتبقى اول فئه ب170 الف ولو من المانيا اول فئه كانت هتبقى ب190 الف وانت طالع لكن فى النهايه كلو اوبل وخارج من مصانع جى ام اللى هي بتجمع لوحدها بروبتس او مكن اللى يعنى مش ناس واقفه بمفكات ومفاتيح انجليزى المهم فى حاجه اسمها كولتى كنترول مفيش عربيه تخرج من المصنع غير وهى رقم واحد ومصنع بولندا بيدى دول كتير فى اوروبا بس المصريين اللى ناصحين اوى اللى بيشترو عربيات صينى متجمعه فى مصر فوق ال100 الف جنيه يا راجل دى ثقافه مش اكتر واللى مش فاهم احسن عقاب له انك تسيبو متحاولش تفهمو عشان يفضل اهبل