الموضوع: عليا النعمه لهسيب البلد الو... دى

المشاركة الأصلية كتبت بواسطة dede_dodo88

البلد دي خلاص وصلت لطريق مسدود..
مش عارف ليه حاسس أن مفيش حل للبلد دي غير أنها تاخد على دماغها و نرجع لأيام الأحتلال و الحروب يمكن نفوق..
البلد كده كده محتاجة تتبني من أول و جديد و الناس تتغير..

احنا عالم مش بتييجى غير بالعصايه علشان كده عمرنا ما هنبقى محترمين

^_^

المشاركة الأصلية كتبت بواسطة mahora

استهدى بالله و اهدأ.... اللى انت بتقوله كلنا عايشين فيه.... لكن لا تفقد الامل لان ده هيحرق دمك و اعصابك على الفاضى..... و حط فى اعتبارك ان اى حاجة هتحصل هتكون انت فيها الاحسن خلقا و ادبا و ضميرا..... و ربنا مش هيسيبك و هيقف معاك و يخفف عنك و يوقفلك ولاد الحلال بدل ولاد ال...... ربنا موجود و مطلع على كل شئ...... غير كده يبقى قول على الدنيا السلام و خليها تقلب غابة احسن عشان الناس تاكل فى بعضها رسمى بدون اى رادع..... خلى ايمانك بالله و اخلاقك و ضميرك هى منبع الامل فى التغيير و لا تنتظر التغيير ان يحدث حولك..... انا عارف ان الكلام ده فى وسط موقف وحش اعصابك فيه مش مستحملة يمكن بيكون ملوش تأثير اوى..... بس لما تهدا و تقعد مع نفسك هتلاقى ان انت بتراجع نفسك و الكويس اللى جواك هو اللى بينتصر..... عشان كده اول حاجة قلتهالك اهدا..... و الله المستعان

[color="rgb(0, 191, 255)"]

و الله يا افندم احنا بنمشى بما يرضى الله و رسوله

الناس تعاملك بقله أدب و قله قيمه

اما تتعامل بقله أدب الناس بتشيلك على الراس

ربنا يسترها علينا و يعدى المرحله بنت 60 @#$ دى على خير

^_^

[/color]

المشاركة الأصلية كتبت بواسطة m_adeleid

والله انت بتقول اللي جوايا
طب خد دي
عند اليو تيرن بتاع ابومازن في مصر الجديده لما تعدي من تحت كوبري الجلاء
واحد بسيراتو داخل اليو تيرن ده عكسي و اصلا اليو تيرن ده زحمه خلقه
الساعه كانت 3:30 يوم الجمعه اللي فاتت وداخله من قدام العربيات وهيا بتلف يعني من اقصي شمالنا
طبعا انا زنقت عليه و تنحت و وقفتله شويه(ببساطه طريقي و عاوز اعدي) و لسا بفكر حتصرف ازاي لقيت المدان بتقولي لا وبلاش و الشويتين دول
المهم مشيت
الاقيه بقي بيبصلي بصه والله كأني لسا دابح عيل من عياله مش اقل من كده
لحد دلوقت بفكر انهي مرض نفسي يخلي الواحد يفجر جدا في الغلط كده و يفجر جدا في رد الفعل علي خطأه برضه مع ان مكانش اصلا في فعل من حد
هوا ده المواطن المصري
ومعلش المثال ده مش قليل خالص بالعكس اللي يكاد يكون منعدم هو المثال المحترم

[color="rgb(0, 191, 255)"]

يا فندم حتى الناس اللى راكبه عربيات محترمه و نضيفه و معديه ال 100 الف

مش محترم ولا محترم نفسه ولا محترم العربيه اللى راكبها ده لو اشتغل على مكروباص او توك توك اكرمله من اللى هو عامله ده

" لا يغير الله ما بقوم حتى يغيروا ما بأنفسهم "

^_^

[/color]

المشاركة الأصلية كتبت بواسطة y a r i s

احمد ياعزيزي ... انا مكنتش عاوز اتكلم وبقول خليني ساكت احسن لي
بس انتا كده هتخليني افتح بوقي ... الي حصل ان الثورة لمن قامت الي ابتدوا بيها هما اولاد الطبقة المتوسطة والاولاد الطبقة الغنية .... عن طريق الفيس بوك اتجمعوا وقالوا هنبتدي نطالب بالتغير ومكنش اياميها حتى بيطالبوا بتغير حسني لان حسني كان خط احمر ....

لكن لمن نجحوا في فرض صوتهم وطلباتهم العالم كلها ابتدت توقف في صفهم وتساندهم ... المشكلة فين بقه من الكلام ده كلووو المشكلة ان الناس المهمشين المهمشين الي مايعرفوش حاجة اسمها زوق او تربية او برستيج ولا شوكة ولا سكينة ولا حتى معلقه الي كانوا ساكنين في العشش والجحور نزلوا للشارع وبقه ليهم صوت وطلبات ... طبعاً مكنوش قادرين الناس الي في الميدان يمشوا الناس الي جي تشترك معاهم .... حتى تلاحظ مرت على البلد ايام الناس روحت كلها ولسه في ناس قاعدة في الميدان من دون اي سبب وانقسموا لتالت مجموعات

اول مجموعة : عندها رسالة ومطالب سياسية وقومية. ورايا لمستقبل مصر
المجموعة التانية: واقفه تتفرج
المجموعه التالت : بتوع العشش والعشوئيات. كل واحد جابلو عربية واقف يبيع وفتحوها سوق اشي تيرمس واشي تين شوكي واشي اعلام مصر واشي كوشري. واشي طرابيش اهو اي حاجة يعملوا منها سبوووببة وساعه. يبيعوا وساعه يهتفوا وساعه يتخانقوا هههههه

وحتى لو تلاحظ اثناء مدعكت الثورة. والناس كلها. بتقول ربنا يستر. ويارب هيحصل فينا ايه .... ناس نزلت على جامعة الدول والاسواق الحرة نهبتوا ... وناس تانية نزلت على. كارفور المعادي شفاطتوا وناس دخلت على محلات الدهب واسواق الاجهزة الاليكترونية مصمصتها .... القصد الي عاوز اقولوا. والي عاوز اوصلوا كل ثورة لازم زبالة المجتمع تظهر على الوش وتطفح على الوش. لغايت مايرجع القمع من تاني ونقدر نحجمهم ، لان لو محجمنهمش. ورجعناهم لجحورهم هينتشروا في المجتمع زي الوباء وهتلاقي المجتمع ابتدى يتاعمل باسلوبهم وبنفس طريقتهم ويتحول المجتمع من مجتمع راقي ومئدب. لمجتمع. شراني. وتسود فيه البلطجة ولغت الدراع

والدليل اهو ... سواقين الميكروباص. محدش قادر يكلمهم عملوا اضراب وقفوا حال البلد. .... وبقت كلمتهم اعلى من القانون .... وتحدوا الدولة بمنتهى الاستخفاف وكانهم بيقولوا للقانون طززززززززز فيك. ( من النهرده مفيش حكومة اناااااااااا الحكومة )

فاذا موضعش حل سريع وفوري ليهم .... ووقفناهم عند حدهم. فعليه العوض ومنو العوض .... وعيار البلد هيفلت .... وميبقاش في البلد كبيرررر .... لذلك انا مستغربتش. لمن لقيت. اربع خمس تكاتيك متلمين على عربية ملاكي ونازلين ضرب في راجل عجوز لانوا وقف فجئة في وش توك توك والتوك توك لبس فيه من ورا لحد دلوقتي فاكر المنظر وكانت عربية لانسر بومة عربية الراجل العجوز

فمتستغربش. لازم العيال دي تتلم من تاني ويا يرجع قانون الطوارئ. يا يرجع قانون القمع .... على الاقل مؤقتاً بس لحد ما نقدر نلم العيال دي .... ونرجع الفيران والعقارب لجحورها حتى لو لمدة سنة .

اما اننا نخليهم يسرحوا ويمرحوا في المجتمع على كيفهم .... بحجة احترام الحريات .... طب ماهما مايعرفوش يعني ايه كلمة حرية اساساً .... ومش بعيد تيجي تبص تلاقي واحد بيطرطر على باب. بيتكم. ويقولك انا حرررررررررر ده وطني .... او تلاقي واحد فرش قدام باب بيتكم وواقف يبيع. وتيجي تكلموا يبوووق فيك ويقولك ااااااااايه انا حرررررر والرصيف مش بتاع ابوك واحنا قومنا بالثورة ( تبقى عاوز تقولوا ثورة مين يا ابن الهبلة امشي انجر من هنا هو كل واحد هكلموا يقلي ثورة ) .

وتحياتي

و الله يا برنس كلامك فيه نقاط كتير

اولا : بتوع العشش و دول اللى ملهومش متوى فى اى مكان فى مصر قالك انزل التحرير و اهو اطلعلى بأى سبوبه ( كلهم مسجلين و خارجين من السجن )

ثانيا : سواقين المكروباص فيه منهم ناس طالعه تاكل عيش

و فيه منهم ناس طالعه تقول يا شر اشطر

و دول لازم يتلموا و يبقى القانون معاهم حازم و صريح اللى هيتلكك هتتسحب منه العربيه و دى مفيهاش يامه ارحمينى


ثالثا : بتوع التكاتك

دى عيال بنت $#@^%_&^)$&^_#&^_#$&!_$%&^#_$)%&^#$)_&^#$_&^#_

لازم يشوفولنا حل فيهم

سلملى على مرسى قوله احمد بيسلم عليك و بيقولك الامن مستتب يا زميلى

رابعا : و يمكن دى حاجه انت متكلمتش عليها و هم الناس المتعلمه الجاهله ( دول فى نظرى كده )

لانهم غلبوا الجهله فعلا

دول اللى انا عامل موضوع علشانهم

اما دول يعملوا كده يا ميدا مين اللى هيغير البلد دى

انا و انت و كل اعضاء نايل موتورز المحترمين

اللى كلنا على بعض مجبناش 20 الف واحد

ها ها ها ها ها ها ها ها ها ها ها ها ها

عليا النعمه يا ميدا عيار البلد دى خلاص فلت

و اللى مش هيلحق يشوفله حاجه بره هو و اهله لحد ما الدنيا تتظبط هنا عمره ما هيعرف يخرج منها طول حياته

ربنا يعديها على خير

^_^

لازم يكون عندك مرونة للتعامل مع جميع الشخصيات المحترمة والغير محترمة
لاكن لو بتبحث عن المدينة الفاضلة فاحب ابشرك ان مافيش حاجة اسمها كدة
فى خير وفى شر ولازم تعرف تتعامل معاهم هم الاتنين فى اى مكان فى العالم مش فى مصر بس

cry cry

المشاركة الأصلية كتبت بواسطة amr.elsayed

لازم يكون عندك مرونة للتعامل مع جميع الشخصيات المحترمة والغير محترمة
لاكن لو بتبحث عن المدينة الفاضلة فاحب ابشرك ان مافيش حاجة اسمها كدة
فى خير وفى شر ولازم تعرف تتعامل معاهم هم الاتنين فى اى مكان فى العالم مش فى مصر بس

يافندم الحمد لله بعرف اتعامل مع جميع اطياف الشعب متقلقش

بس المشكله يا استاذى انى بتكلم فى نقطه ليه منبقاش محترمين كلنا

و تبقى محترم الناس تركبك

تبقى مش محترم الناس تحترمك

ده اللى انا بتكلم فيه بص لبلاد بره و انت تعرف معنى الاحترام حتى فى الشارع مينفعش تاخد حاره مش حارتك

اه يا بلد المحترم فيكى ملوش مكان وسطيكى

^_^

المشاركة الأصلية كتبت بواسطة el prince

cry cry

كان زمان كبرنا على الكلام ده

^_^

الأستاذ اللي بيقول الناس اللي راكبه عربيات نضيفة ... هو كل اللي راكب مرسيدس يبقى خريج هارفرد أو أكسفورد

أنا شايف إن معظم الناس اللي راكبة الحاجات ديه ناس واطية و دول شبع من بعد جوع ...

أنا بقول لصاحب الموضوع يهاجر لأي بلد و لو حتى راح الهند هيلاقى هناك ناس بتفهم ... أنا عن نفسي مشيت من أم البلد و لما أجي أشرب حاجة أصفره و أقول يا حبيبتي يا مصر بنزل أقعد شهر واحد بس و لما أرجع بفضل أسب و أشتم و أحلف أني مش نازل تاني ... و برضو بنزل ... ليه معرفش أكيد علشان شربت من نيلها و أكيد فيها حاجة حلوة ههههههههههههههههههههههههه هه