ماذا تفعل لو كنت مكانى- ترجع مصر ولا لا

**المنسي** · 23-10-2012 10:40 AM

ادام غربتك برة مصر ليها تمن يبقي انسي اى حاجة تانية والاهل والاحباب والاصدقاء ده موضوع تانى سؤال بسيط هل ينفع تعيش فى مصر من غير تمن فللاسف احنا هنا متغربين جوة بلدنا وبنتعامل على اساس ان احنا مش اصحاب البلد وان احنا ضيوف عايز اقولك على حاجة كل اللى متغرب وبينزل البلد اجازة بيكره عيشته من اللى بيشوفه وبعدين ياسيدي لو انت مش متجوز انزل اتجوز وخدها معاك وسافر وعيش حياتك انا عن نفسي كنت مستعد اسافر واسيب زوجتى واولادى فى سبيل ان اخليهم يعيشو كويس وبعدين ابعت اخدهم

**Eng_Doaa** · 23-10-2012 10:49 AM

المشاركة الأصلية كتبت بواسطة egyptawy2010

ياجماعة انا فى حيرة جامدة

انا شغال فى الخليج الحمد لله بقالى 5 سنين وشغل كويس ومرتب كويس وشركة محترمة

دلوقتى جالى عرض فى مصر شركة كبيرة ومرتب محترم

ياترى تعمل ايه لو كنت مكانى
فيه ناس بتقولى ظروف البلد مهببة وخليك احسن وناس بتقولى تعالى عشان ده فرصة ما تتعوضش

ياترى اعمل ايه

هو فعلا ظروف البلد وحشة .
بس لو حضرتك واثق من الشركة دى تماما و من كل حاجة فيها استخير و انزل و خد وضعك الوظيفى فى بلدك .
لأنك أكيد بعد فترة هتحتاج تنزل تستقر فى بلدك بس ممكن تتنازل عن مرتبك و منصبك و حاجات كتير مقابل إنك تستقر فى بلدك .

لكن لو كبرت فى وظيفتك فى بلدك أحسن لك .

و ربنا يختار لك الخير

**zrzr1** · 23-10-2012 11:04 AM

المشاركة الأصلية كتبت بواسطة eng_doaa

هو فعلا ظروف البلد وحشة .
بس لو حضرتك واثق من الشركة دى تماما و من كل حاجة فيها استخير و انزل و خد وضعك الوظيفى فى بلدك .
لأنك أكيد بعد فترة هتحتاج تنزل تستقر فى بلدك بس ممكن تتنازل عن مرتبك و منصبك و حاجات كتير مقابل إنك تستقر فى بلدك .

لكن لو كبرت فى وظيفتك فى بلدك أحسن لك .

و ربنا يختار لك الخير

انا مع الرأي دا,,
الناس اللي علقت دي كلها بتبص للحظه الحاليه انما لو بصيت ادام شويه ف المستقبل هتعمل ايه
لما تكبر شويه ف السن وعايز تنزل بلدك مثلا ولا كدا ومفيش شغل وتخيل
نفسك عندك 50 سنه مثلا ورايح تقدم ف وظيفه لسه ؟؟
.. ربنا يوفقك للي فيه الخير

**horas3000** · 23-10-2012 01:20 PM

بص يا زعيم
انا مش محتاح اتخيل لو كنت مكانك لاني كنت مكانك بالفعل

انا اتولدت و عيشت طول عمري في الكويت
و كنت شغال هناك في شركه multinational و معايا بورش و الحياه اخر جمال
لكن الحق يقال مكنتش مبسوط و دايما حاسس باحساس الغربه اللي انت حاسس بيه دلوقتي و كنت منتظر اللحظه اللي ربنا هيئذن لي و انزل مصر بين اهلي و ناسي و ولاد بلدي و هو استمتع بقي بحياتي و بفلوسي بعد التعب والذل اللي شفتهم في الغربه

و ربنا اراد و نزلت مصر اول السنه مش علي شركه لا علي شغل خاص بوالدي يعني اخر راحه و دلع و فلوس زي ما انا عايز

لكن هيهات
و احب اقولك ان لحد دلوقتي ندماااااااان اشد الندم علي اللي عملته ده

الحياه هنا صعبه جدا جدا جدا علي واحد زي حلاتي و زي حالاتك دلوقتي

اولا مليش اي خبره حياتيته هنا (الخمس سنين اللي انت عشتهم كفيله بنسيانك لكل خبراتك السابقه و ده مش منك انت لا من الناس اللي اتغيرت و توحشت) و بتسرق و بيتنصب عليا كل يوم من ولاد بلدي بسبب قله خبرتي دي
ثانيا متعود علي النظام و الدقه في كل حاجه سواء المرور او انجاز المصالح الشخصيه و الحكومية و حتي في مواعيدي و دول مفيش منهم اي حاجه هنا في مصر للاسف كله هرجله و قله نظام و ادب و قيمه
ثالثا بقي من حيث الحياه الاجتماعيه انت نازل بقي و كل الناس واحشينك و عندك شوق لقرايبك و اصحابك و زملائك و عايز تعيد الذكريات بقي و تتقابلوا و تتفسحوا و نخرجوا و تقضوا وقت حلو و للاسف كلللل ده مش هيحصل لان كل واحد ملهي في حاله و في شغله و مشاكله و هتلاقي نفسك زي ما انت في الغربه بالظبط ما عدي والديك هما دول اللي ممكن تلاقي فرصه تعمل معاهم حاجه لو انت فضيت
ده غير المشاكل و العقد و البلاوي اللي هتتحدف عليك من حيث لا تعلم و الزنقه بالساعات في الشوارع و غيره و غيره من اللي بقيت الاعضاء قالوا لك عليه

من كل ده بقي تلاقي ان حياتك في الغربه احلي و انظف و نفس المشاكل او الصعاب اللي عندك هتلاقيها هنا و عليها اضافات تانيه كفيله بتحويل حياتك الي جحيم زي ما انا حاسس دلوقتي

و معنديش اضافه تاني غير اني اقتبس الجلمه دي لانها فعلا بتعبر عن اللي بحس بيه بالظبط

المشاركة الأصلية كتبت بواسطة hobiko

حقولك كلمة واحدة

الأسوأ من شعور الغربة اللى انت بتعانى منه ...... انك تحس بالغربة فى بلدك و انها مش بلدك

و الاسوء من ده كله انك متعرفش تستمتع بحياتك و بمالك و حاجتك اللي تعبت و سهرت و سفيت التراب عشان توصلها او تجيبها

و كلمه اخيره اوعي تفتكر انك لو نزلت مصر هتعرف ترجع تسافر تاني
انا بقالي اكتر من 8 شهور بحاول و مش عارف
و حتي الفرص اللي جاتلي اقل بكتيييييير من اللي كنت فيها قبل ما انزل

و اديني مستني الفرج من عند ربنا

**korkor** · 23-10-2012 03:38 PM

بص الموضوع معقد جدا , لو عندك اطفال وسنهم كبر خلاص يبقى مالهوش لازمه ترجع لو ولادك صغيرين يبقى يدوب تلحق ترجع , لو سنك كبر عدى 37-38 يبقى خلاص مش هتعرف ترجع
وحتى لو مش متجوز وهترجع علشان تتجوز هتصرف كل اللى حوشته فى الجواز وهتتخنق من البلد وهتسافر تانى

انا معاك ان الغربه صعبه بس مصر بقت اصعب بكتير

ربنا يكون فى عونك وتقدر تاخد القرار الانسب

**ahmedeihab** · 23-10-2012 03:41 PM

تبقى غلطان لو رجعت مصر كلها بتدور على سفر بره

أقرا الموضوع ده و انت تفهم ايه اللى بيدور فى الشارع المصرى

http://www.nilemotors.net/Nile/314441-a.html

^_^

**horas3000** · 23-10-2012 03:49 PM

المشاركة الأصلية كتبت بواسطة eng_doaa

هى معادلة مش ثابتة لكل واحد فينا . يمكن لأن حضرتك كنت طوال حياتك بره فحاسس إنك فى مصر فى غربة !!

وإحنا والله اللى عايشين فى البلد بيحسوا ساعات بغربة . بس كفاية إنك وسط أهلك لو تعبت تلاقى حد يقف جنبك . و تحاول تعمل هنا فى بلدك إنجاز أى إنجاز . تشارك فى جمعية خيرية تنزل معاهم تشوف البلد فى الأول هتستغرب . بس والله بتفرق بتحس إنك عندك مسئولية تجاه الناس التعبانة اللى هنا . تحس إن ربنا باعتك ليهم نجدة .

يمكن لو غيرت حياة حد تفرق معاك انت كمان .

كنت قرأت قصة أحد مصابى الثورة و اسمه جواد نابلسى . إنه كان عايش حياته كلها فى كندا و نزل مصر من قبل الثورة بفترة و فتح البيزنس الخاص بيه . و فى الثورة اصيب بخرطوش فى عينه فأصبحت 5% منها فقط تعمل . و رغم كده فتح جمعية خيرية مع ناس متطوعين اسمها "نبنى " و بيصلحوا فى منشية ناصر . و بيصرف على نفسه من الشغل الخاص بتاعه . و قال إن أهله بيضغطوا عليه عشان يرجع تانى كندا و يسيب البلد و وجع الدماغ بتاعها . بس هو أصر و شاف إنه هنا بيفيد بلده أكتر !!

و كل واحد يختار الحياة المناسبة ليه و ربنا ييسر لنا الخير

طب اذا اهل البلد نفسهم بيقولوا انهم في غربه يبقي انا و اللي زي نعمل ايه

و حضرتك انا لو تعبت سواء هنا او في الغربه ان شاء الله هلاقي حد يقف جمبي مش دي المشكله
المشكله اني اضمن اني هلاقي العلاج الكويس من اصله
و اضمن اني مش هروح لدكتور يعمل عليا مصلحه و يقلبني في كام الف جنيه بدون ادني داعي (زي ما حصل لوالدي دكتور المفروض انه مشهور جدا كان عايز يلبسه في دعامه للقلب ب 30-35 الف و طلع ملهاش ادني لازمه و طبعا عرفنا كده لما راح كشف بره مصر)

كمان هو انا عارف اخلص شغلي و المصالح اللي ورايا من غير مشاكل و قرف
و ناس توقفلي المواضيع عشان تاخد رشوه لما هعمل انجازات سواء ليا او لغيري

كمان هو الناس التعبانه دي حاسه بمسئوليه نفسها عشان انا كمان احس بيهم
ده احنا دايخين علي عمال و سواقين و مش لاقيين
و اللي بتكرم علينا و ييجي لما يلاقي ان فيه شغل و تعب يخلع من اول اسبوع
فازاي بقي اغير حياه حد و هو اصلا عاجباه حياته و مش عايز يغيرها

يا ريت نكون واقعيين شويه
المثاليه و الاحلام السعيده ده مبقتش تعيش للاسف

و زي ما قلت كل واحد يختار الحياة المناسبة ليه

**khaled_legend** · 23-10-2012 07:23 PM

نصيحه خليك مكانك لانك سوف تندم في ايام لا ينفع فيها الندم

الموضوع: ماذا تفعل لو كنت مكانى- ترجع مصر ولا لا

LinkBack

أدوات الموضوع

عرض

-

-

-

-

-

المواضيع المتشابهه

ماذا تفعل لو كنت مكانى؟

ماذا تفعل او كنت مكانى

ماذا تفعل لو كنت مكانى

ماذا تفعل لو كنت مكانى

ماذا تفعل لو كنت مكانى

الكلمات الدلالية لهذا الموضوع

المفضلات

المفضلات

ضوابط المشاركة