الموضوع: ماذا تفعل لو كنت مكانى- ترجع مصر ولا لا

المشاركة الأصلية كتبت بواسطة mtak

الوضع طبعا مش سئ للدرجة دى

و علشان محدش يضرب

انا قولت كده لانى شايف ناس عايشين و لا فارق معاهم اللى فى البلد لانهم عايشين و مش عايشين فيها

لا يضطروا الى دخول حوارى بالعربيه او معامله بائع فى سوق الناصريه

انما من البيت للنادى للشاليه و ايام الاجازة ممكن يروحوا تركيا صد رد

تفتكروا الناس دى لو عاوزه تعيش بره مش ممكن من بكره الصبح تسافر و تعيش كويس

السؤال هل انت منهم ؟؟؟

ثانيا ممكن ترجع و تعيش بعيد شويه عن المنغصات و لكن يبقى شئ صعب توفره فى مصر لعائلتك

و هو quality of life

موضوع الغربه و ما الى ذلك - طبعا صعب و لكن هناك الاصعب و كله حسب درجة استحمالك للوضع

لو عاوز تشترى عربيه كيا بـ 240 الف جنيه و ممكن تجيب بنفس الفلوس تويوتا سوخوى اللى اكيد معظمنا ماسمعش عنها ( انا نفسى ماسمعتش عنها غير لما صديق لى بالسعوديه اشتراها ) يبقى ارجع

اكيد لن تبقى مسافر عالطول و مسيرك ترجع

ارجع بعد ما تعلم ولادك صح و تعيشهم صح

+1+1+1+1
تعجبني

المشاركة الأصلية كتبت بواسطة eng f3lix

انا معرفش حد نزل من اي بلد كان بيشتغل فيها ومبسوط دلوقتي
ومنهم اللي رجع تاني بمركز ومرتب اقل من الاول

عندك والدي مثلا من اكتر من 27 سنة وهو برة ولما مجرد انه ينزل اجازة لمدة 5 - 7 ايام بيكره نفسه وبيكرهني انا واخواتي كمان :))

بس بصراحة انا شايف وجوده في مصر مفيد ليه لانه بيعلمه الاستغفار الكتير والحسبنة على حال البلد والمصريين وتصرفاتهم الغوغاء + انه اتعلم الصبر ههههههههههههههههههههههههه هههه

دع غير طبعاً المصاريف اللي بيصرفها بدون ادنى داعي ومن غير اي استفادة مش بس 1000 ولا 2000 جنيه .. ده بيصرف اكتر من 30 الف كل ماينزل

انا والدي بقي غلط غلطه انه نزل و علي مرتب ما يجيش 10 % من اللي كان بيقبضه و بعد المعاش المكافأءه ما جابتش مرتب شهرين من بتوع السعوديه و أهو علي المعاش كل ما نتكلم يقولي غلطه بأرد عليه و اقوله وحياتك يا حج لو جتلي فرصه ما هأغلط غلطتك
و والدتي من نوع مصر و الاهل و الاحاسيس و المشاعر و النوعيه بأسمع من هنا و أخرج من هنا انا يهمني أعيش كويس في مجتمع أمن و ولادي يتعلموا علي حق ربنا صح
علي فكره انا لسه ما تمتشي 25 و مهندس دفعه 2010 و الحاج دكتور و صرف اللي ودامه و اللي وراه !

المشاركة الأصلية كتبت بواسطة maserati

السلام عليكم و رحمة الله و بركاته

أنا بصراحة قريت الموضوع, بس ماقريتش مداخلات كل الأعضاء.

الغربة و الكلام الغريب ده, احنا اللى بنخلقه لنفسنا عشان نعمل لنفسنا أزمة و مشكلة و نعيش فى معاناة و بالتاللى نصعب عالناس و على نفسنا, أنا عشت فى السعودية 3 سنين و بعد كده هاجرت كندا و فيه زيى كتيييييييييييييييييييير كانوا فى الخليج و بعد كده اللى نط على كندا نط و اللى كسب فى هجرة أميركا كسب و نط على أميركا و عايشين و مستمتعين و لا غربة و لا كلام فاضى.

استمتع بحياتك و طول ما العائد المادى و مستوى المعيشة أفضل فى الخليج, خليك هناك و لما مصر توحشك, ابقى انزل أجازة و زور أهلك و لا هما يجولك و خلاص.

و لو مش عاجباك العيشة فى الخليج لأى سبب كان, حاول و أنت شغااااااااااال هناك, أنك تخطط لأنك تنط على أى بلد أوروبى محترمة و لا أميركا و لا كندا و كمل بقيت حياتك مرتاح, ايه اللى هيرجعك برجلييييييييييييك لأنك تعيش و تعانى !!!!!!!!!!!!! أما ممكن تعيش من غير ماتعانى, أما غريبة أوى !!!!!!!!!!!

أنا هنا فى كندا, فيه مهاجرين بالهبل و كله عايش و مستمتع بالحياة الجميلة و التعليم الراقى و المستقبل المضمون للأطفال و أفضل رعاية صحية و أما بياخدوا الجنسية بيروحوا يتفسحوا و يعملوا شوبنج فى أميركا و بيبقى أولادهم عندهم بشويه مذاكرة و مجهود فرصة أنهم يتعلموا فى جامعات كندا و ان ماعجبهومش يروحوا يتعلموا فى جامعات أميركا و عيشة غير العيشة تماما و العيل من دول بيطلع حااااااااااااجة تانية خااااااااااااااالص, تجيبه أنت تعلمه فى مصر و جامعات مصر, عشان أما يتخرج, يلاقى معاه شهادة لا تساوى أى شيييييييييييييييئ و ينضم الى طابور العاطلين !!!!, و حاجات تانية كتير غير كده, تسيب أنت العز اللى أنت فيه عشان ترجع لفيروس c و لا b ليييييييييييييييييييييييي ييه ؟؟؟!!!!!!!!!!

احنا كمصريين اللى عندنا مشكلة, أن الدنيا و الحياة ماتسواش من غير مصر, لكن الدنيا و الكون ماشيين عادى, بمصر ماشيين و من غيرها ماشيين, شوف مصلحتك و راحتك فين و اجرى عليها.

هنا, فيه سوريين و لبنانيين و عراقيين و عايشين و مبسوطين و ناسيين حاجة اسمها سوريا و لبنان و العراق و مندمجين فى المجتمع و كله ألسطه.

بالتوفيق ان شاء الله.

ايه اجراءات الهجره بقي لكندا ؟!

المشاركة الأصلية كتبت بواسطة Land_Cruiser

الناس اللى حضرتك بتقول عليهم دول يا فندم فعلا موجودين حاليا لكنهم اصبحوا هدف الحكومه او القطط السمان بالنسبه لها لجمع الفلوس منهم عن طريق اعتبار اى حاجه فى ايدهم رفاهيه و عماله تسن سنانها علشان تاكلهم شويه بإلغاء الدعم عن البنزين الغالى بتاعهم و شويه يطلعلهم بالضريبه العقاريه و زياده الاسعار و البلاوى التانيه اللى بيخططولها. يعنى ده هو المطمع لأن هو ده اللى معاه الفلوس اللى هما عايزينها و بالتالى الوضع مقلق. لو الموضوع يا باشا متأزم معاك و عند الحنين إلى الوطن خد أجازه أسبوع و لا اتنين انزل فيهم مصر و حاول تخرج كتير و ممكن تعمل زياره للشركه اللى مقدمالك العرض و روح المشوار ليها الصبح بدرى و جرب الزحمه و بالليل نعنش رئتك بدخان السحابة السودا و اقعلك فى كام بلاعه و لا حفره و انت سايق و أقفلك كام طابور و دور لك على ركنه ساعه و جرب اشترى اى حاجه و أوعى ضغطك من الارتفاع من السعر او من أخلاق معظم الناس اللى حواليك و او عدك انك هتخف من الحنين ده و هتقول حقى برقبتى كفايه قوى الاجازات

زي ما يكون بيعاقبوا الناس ديه عشان معاها فلوس !
انا لا معايا عربيه بتستخدم 95 ولا في فيلا ولا في كومبوند بس مش بأكره قد اللي يبص للي في ايد غيره أو في ايدي !
أكيد الراجل ده تعبان و طالع عين أهله في الفلوس و بدفع ضرايب قد كده علي المرتب و علي أي حاجه بشتريها يعني الضرايب مرتين و لسه !
بلد جبايه أصلها هي

أنا كنت عايش برة مصر و نزلت و كرهت نفس اليوم اللي وصلت فيه مصر .

خليك و أوعى ترجع أدام مرتاح .

مصر زحمة و قرف و مفيش أي نظام من أي نوع و الناس أخلاقها زبالة .

الموضوع مش موضوع مادة بس ........... فيه حاجات كتيرة في الحياة مش فلوس بس .
و هي راحة البال .......... مش موجودة في الوقت الحالي خصوصا في المدن الكبيرة زي القاهرة .

أنتشار الجهل ... و الأستعباط و الأستهبال في البلد بقى حاجة بشعة .

و الأهل و الأصحاب ليهم وحشة ........ بس أول ما ترجع هاتلاقي نفسك مش عارف تشوفهم
يا أما هاتحبس نفسك في البيت زيي كدا و متخرجش بسبب الأرف اللي بتشوفه في الشارع .
و كمان كل الناس بقت مشغولة في حياتها و محدش عاد بيشوف حد زي مان .

خليك ....خليك ....خليك ....خليك ....خليك ....خليك ....خليك ....خليك ....خليك ....خليك ....خليك ....

ياجماعة هل مصر فعلا بهذه السوداويية