هو مفيش محبي مازدا 929 ولا اية

**Ahmed salamaa** · 03-12-2012 08:15 PM

المشاركة الأصلية كتبت بواسطة mohammmed3

اول حاجة انا لازم اشكرك على الرد على الموضوع
ثانيا انا دلوقتى بشد شوية حاجات فى العربية يعنى ( رش + ضفيرة كهربا + شوية حاجات ليها كدة)
ويمكن ان شاء الله كمان اسبوع كدة او اتنين بالكتير يكونو خلصو و خلصو عليا
بس كنت حابب اعرف اجيب الفتيس دا منين؟؟؟؟؟ و ممكن اجيبلها فتيس مثلا بتاع هوند تسعينات ؟؟؟؟
والا لازم اجيب بتاعها الاصلى ؟؟؟؟ والاقية فين غير الزقازيق والشرقية دى؟؟؟
و بعديها ان شاء الله اخد رقمك (دا طبعا لو سمحت) و اقبلك و نروح للميكانيكى دا سوا

بص احسن حاجة تجبلها الفتيس الاصلي بتاعها عشان موضوع تجيب حاجة تانية دة بيبقي مقرف و مش مظبوط و بعدين انا شاكك بس فية ممكن اما الميكانيكي يشوفة يظبطة وبعدين ممكن تلاقية في الحرفيين او في الوكالة و اكيد هتلاقية في الوكالة و نصيحة متفكرش تبعها لان عربيتك دية محترمة جدا و ناعمة و جراية اوي و انشاء الله اما تتظبط هتعرف قيمتها و طبعا ياباشا دية نمرتي و انا تحت امرك في اي حاجة 01012037637

**mrpharma** · 03-12-2012 08:59 PM

المشاركة الأصلية كتبت بواسطة ahmed salamaa

معلممممم بس سلك اكسراتير هاتة يباني احسنلك عشان بيتقطع بسرعة اليباني عامل 45 جنية
المروحة الاصلي الستة ريشة عاملة 50 جنية التيلاندي 4 بس و كانت راكبة عندي
طقم الكهرباء بقي ازاي بالاسلاك 90 د انا جايب الاسلاك بس ب 80 جنية عشان جبت اليباني عشان تستحمل سخونية الهيدر و متقطعش خليك في اليباني دايما
و خد طقم بلي عجل خلفي عجلتين 90 جنية
طقم بلي ادام 110
طقم دسك واسطوانة و بلية عامل 850 جنية
ماستر دبرياج 180
قواعد فوانيس للمازدا 78 بالفوانيس 250
قواعد ماتور الواحدة ب 15
لمبة كشاف تونجسرام ب 35

منين سلك الاكسيراتير اليابانى دا انا دوخت عليه!!!! و القواعد كمان عشان مش لاقيها خالص! الاسلاك كانت تايوانى ب 35

**Ahmed salamaa** · 04-12-2012 12:04 AM

المشاركة الأصلية كتبت بواسطة mrpharma

منين سلك الاكسيراتير اليابانى دا انا دوخت عليه!!!! و القواعد كمان عشان مش لاقيها خالص! الاسلاك كانت تايوانى ب 35

مجلس الامة يا كبيير في محل اسمة الروبي اللي واقفين هناك واحد اسمة حنفي و التاني اسمة عمرو قولو انا جيلك من طرف الحاج مصطفي سلامة اللي معاة المازدا البيضا او الكورولا الحمرا و هو هيطلعلك اليباني

**mohammmed3** · 05-12-2012 05:55 PM

المشاركة الأصلية كتبت بواسطة ahmed salamaa

بص احسن حاجة تجبلها الفتيس الاصلي بتاعها عشان موضوع تجيب حاجة تانية دة بيبقي مقرف و مش مظبوط و بعدين انا شاكك بس فية ممكن اما الميكانيكي يشوفة يظبطة وبعدين ممكن تلاقية في الحرفيين او في الوكالة و اكيد هتلاقية في الوكالة و نصيحة متفكرش تبعها لان عربيتك دية محترمة جدا و ناعمة و جراية اوي و إن شاء الله اما تتظبط هتعرف قيمتها و طبعا ياباشا دية نمرتي و انا تحت امرك في اي حاجة 01012037637

ياباشا الف شكر على الاهتمام دا كلة
وان شاء اللة هانزل الوكالة كدة اشوف موضوع الفتيس دا
وكمان اسبوع او اتنين بالكتر هاتلاقينى بكلمك نتقابل باذن اللة

**Ahmed salamaa** · 05-12-2012 06:50 PM

[QUOTE=mohammmed3;3874676849]ياباشا الف شكر على الاهتمام دا كلة
وان شاء الله هانزل الوكالة كدة اشوف موضوع الفتيس دا
وكمان اسبوع او اتنين بالكتر هاتلاقينى بكلمك نتقابل باذن الله[/QUOTE

انشاء الله اي وقت انا معاك

**mrpharma** · 14-12-2012 10:53 AM

هو مفيش حد غيرنا معاه 929 و لا ايه! ما علينا! بقالى فترة العربيه بتعوم منى جامد , عملت فيبر المناول و كبست البارات, الوضع اتحسن بس برده لسه فى عومان , بصيت على المقصات لقيت البيض مبوش قولت يمكن! نزلت جبت البيض ب 125 و بركب حاليا عند العفشجى! ربنا يكرم و تثبت بقى

**Ahmed salamaa** · 14-12-2012 05:36 PM

والله مش عارف مع انها ممتازة جدا و جراية ما علينا انا معتقدش من البيض لان البيض يعمل بوش في الدركسيون علي ما اظن بس بتعوم منك ازاي و علي سرعة كام و في الطوالي ولا في الملفات بص عموما عشان تثبت العربية في كذة حاجة انا عربيتي بجيب بيها 170 و باخد غرز واسعة بيها 160 لو ديقة و ماشاء الله لازقة في الارض بص يا سيدي اول حاجة راجع الكاوتش لو اتهرا هيعمل معاك كدة لو الاتنين اللي قدام مش نفس النقشة هتلاقيها بتحدف و مش مظبوطة في الفرامل دي حاجة و الاحسن تملاه نيتروجين تاني حاجة المساعدين لو خفيفة تعمل كدة و زيادة لو عايز ثبات اوي بس هتنشف شوية هات مساعدين غاز مش زيت لو معلي العربية رجعها لاصلهاااا متحاولش تلعب في الارتفاع دية الحلول اللي اعرفها غير كدة هيبقي فرق تصميم بقي و اي حاجة انا معاك اهو

**MEROO 929** · 15-12-2012 11:30 PM

انا اسمى مروان ومعايا مازدا 929 موديل 1983

**Ahmed salamaa** · 16-12-2012 05:51 AM

المشاركة الأصلية كتبت بواسطة meroo 929

انا اسمى مروان ومعايا مازدا 929 موديل 1983

اهلا استاذ مروان ولو عندك اي استفسار او اي مشكلة تحت امرك

**mrpharma** · 18-12-2012 10:40 PM

المشاركة الأصلية كتبت بواسطة ahmed salamaa

والله مش عارف مع انها ممتازة جدا و جراية ما علينا انا معتقدش من البيض لان البيض يعمل بوش في الدركسيون علي ما اظن بس بتعوم منك ازاي و علي سرعة كام و في الطوالي ولا في الملفات بص عموما عشان تثبت العربية في كذة حاجة انا عربيتي بجيب بيها 170 و باخد غرز واسعة بيها 160 لو ديقة و ماشاء الله لازقة في الارض بص يا سيدي اول حاجة راجع الكاوتش لو اتهرا هيعمل معاك كدة لو الاتنين اللي قدام مش نفس النقشة هتلاقيها بتحدف و مش مظبوطة في الفرامل دي حاجة و الاحسن تملاه نيتروجين تاني حاجة المساعدين لو خفيفة تعمل كدة و زيادة لو عايز ثبات اوي بس هتنشف شوية هات مساعدين غاز مش زيت لو معلي العربية رجعها لاصلهاااا متحاولش تلعب في الارتفاع دية الحلول اللي اعرفها غير كدة هيبقي فرق تصميم بقي و اي حاجة انا معاك اهو

ظبطت يا معلم الحمد لله! العيب كان فى بيض المقصات فعلا. البيض كان خلاص على وشك يملص و مكانه اصلا فى المقص مبوش! الخراط ظبط المقصات و كبس البيض الجديد و تمام يا معلم!