اقتباس:
المشاركة الأصلية كتبت بواسطة tutankhamoun
واضح أن ردك مبني على حاجة معينة أنا مش عارفها .
أنا ردت بس على الآية موضع الأقتباس فقط لا غير .
طبعا الأمثلة اللي أنت قلتها لا أختلف معاك فيها .
و أنا قلت كدا من الأول .
العلمانية زي ما الأستاذ محمد فوزي تفضل و شرح جاية من العلم .
أحنا عايزين أفضل ما فيها (شئ مش موجود في الدين - علوم الدنيا " علوم صناعة السيارات - الألكترونيات - ....الخ" )
يعني مفيش في القرآن ما يشرح كيفية صناعة سيارة ... أو كيفية صناعة جهاز حاسب آلي .
دي العلمانية اللي أنا بأتبناها .
إنما علمانية الحريات بلا قيود و لا حدود ....... أنا طبعا و أي انسان سوي ضدها 100 % .
مين عايز في المجتمع رزيلة ؟؟؟؟؟ مين مش عايز ألتزام .
مشكلتنا كلها يا أستاذ أحمد
أن أحنا مش عايزين نبقى أفغانستان ....... و مش عايز واحد يقولي أنت تلبس أيه و ما تلبسش أيه
أنا عايز دولة اسلامية حديثة زي ماليزيا ..... فيها تدين مش ظاهري و لكن تدين بالأفعال .... و في نفس الوقت أنا مش عايز نموذج أفغانستان في مصر .
و أعتقد أن تصرفات بعض المتأسلمين .... بتوضح هما عايزين يتبعوا أني طريق .
برضه مش عايز دولة علمانية زي تركيا بالمنظر اللي هي عليه دلوقتي .
أرجوا أن أنت تفهم وجهه نظري يا باشا .
أنا مع الحريات بمعنى
أن فيه خطوط عامة لا يجب الخروج عنها . و لكن لا يجب كبت الحريات بأسم الدين .
بس كدا
بص يا باشا انا بقول كلمة حق ومليش دعوه باى احزاب
مش كل الناس فاهمه ال حضرتك قولته وانا بشجع الفكره دى بس مش لازم ابئا علمانى عشان ابئا بشجع الفكره التى تتبناها العلمانيه ال بعض متبنين فكرة العلمانيه فاهمنها
هقولك على مثال انا اعرف كم كبير جداً من الدكاتره الاخوان وكلهم معرفه جامده ونفسهم يخدمو البلد وده كل هدفهم حلو
فى ف مقابلهم الكثير من ال هدفهم ان هما يتحسنو ويكشى وركز على يكشى ههههه تولع البلد ولا هيهمهم حاجه
وفى مثال تالت بالعربى كده عبيط زى نسبة 80% من ال كانو واقفين شايلين يفط فى السلسله البشريه ال بتدعم الدكتور محمد مرسى اقوله انت لو مرسى و الشاطر اترشحو هتنتخب مين يقولى ال الاخوان عايزينه يا سيدى انت من الاخوان يقولى لا ال هيتفقو هما عليه
فمش كل من يتبع العلمانيه هدفو زى هدف حضرتك انا لا انا علمانى ولا انا اخوانى ولا اى حاجه وهدفى هو نفس هدف حضرتك ليه تدخل نفسك فى الموضوع ده وكل ما تقول لواحد انا علمانى تقعد فى مناقشه وجدال طويل عقيم وخلاص ما تشترى دماغك انت مصرى وانا مصرى وكلنا مصريين وهدفنا ان شاء الله واحد تقدم البلد خلاص بلاها اتجاهات بئا وكلنا نتجمع على حاجه واحده
احنا بئالنا سنتين ال شهرين على الثوره ولسه بنتكلم فى المفاهيم السياسيه نشتغل بئا ولا كلنا هنتناقش فى السياسه والمفاهيم السياسيه والبلد هتتقدم لوحدها ولا انتو ايه رأى حضراتكو