ناوي علي مازدا 3 جديده بس عايز الاراء

**ser3a_0** · 25-10-2012 12:58 PM

ان شاء الله هشتري مازدا 3 الجديده 2013
و روحت التوكيل شفتها ما شاء الله وهميه
في فئتين بقارن بينهم اللي هيا رقم 2 و 3
رقم 3 زياده قتحت سقف و مثبت سرعه وحاجه كمان مش فاكرها
التانيه ل الاوبشن من غير فتحت السقف و المثبت
بس فيها جنط 16 و سبويلر و تكيف اوتو و مالتيفنكشن

بس العربيه عموما عايز حد مجربها يكلمني عن المميزات و العيوب

**mazda3mazda** · 25-10-2012 04:54 PM

المشاركة الأصلية كتبت بواسطة ser3a_0

ان شاء الله هشتري مازدا 3 الجديده 2013
و روحت التوكيل شفتها ما شاء الله وهميه
في فئتين بقارن بينهم اللي هيا رقم 2 و 3
رقم 3 زياده قتحت سقف و مثبت سرعه وحاجه كمان مش فاكرها
التانيه ل الاوبشن من غير فتحت السقف و المثبت
بس فيها جنط 16 و سبويلر و تكيف اوتو و مالتيفنكشن

بس العربيه عموما عايز حد مجربها يكلمني عن المميزات و العيوب

فعلا، غبور جابها أخيرا؟ أصله منزلش موديل 2012.

أنا كنت عامل تقرير عن موديل 2011 أعلي فئة... و بما إن ال1600 متعملش منها الSkyActiv علي حد علمي، فهيبقى الاختلاف الوحيد الواضح هو شكل الاكصدام الامامي و تغيير في لون الكونسول (اسود بدل فضي). بالاضافة إلي التغيير في المواصفات بقي، لازم تكتبهم و تروح تراجعهم واحدة واحدة من مندوب المبيعات في معرض غبور، مع الأخذ في الاعتبار إنه في بعض حاجات مش هتلاقيها موجودة و هو هيقولك موجودة، و العكس!!!

**ser3a_0** · 26-10-2012 04:55 PM

لا انا بتكلم اني هجيبها من الامرات ان شاء الله
معلش هتعبك معايا
قولي كمان راك فيها

**mazda3mazda** · 26-10-2012 08:45 PM

المشاركة الأصلية كتبت بواسطة ser3a_0

لا انا بتكلم اني هجيبها من الامرات ان شاء الله
معلش هتعبك معايا
قولي كمان راك فيها

ممتازة... مندمتش لحظة... اتفضل المواصفات اللي "كانت" عندنا
المواصفات
حبة تصليحات

و لو عايز تسأل علي حاجة معينة أنا مش جايب سيريتها أنا موجود.

**ser3a_0** · 27-10-2012 09:39 AM

شكرا جدااااااااااااااااااااااا ااااا
ما شاء الله واضح انها عربيه متكامله جداااااا

قولي رايكالعام بق فهامع الوقت

**mazda3mazda** · 27-10-2012 01:53 PM

المشاركة الأصلية كتبت بواسطة ser3a_0

شكرا جدااااااااااااااااااااااا ااااا
ما شاء الله واضح انها عربيه متكامله جداااااا

قولي رايكالعام بق فهامع الوقت

هي مشاكلها المعروفة إن استهلاك البنزين ممكن يكون أعلي من العربيات الكوري، و ده عشان الموتور و الفتيس 4 سرعة بس و تكنولوجيا قديمة نسبيا (متغيروش من 2003) بس في مقابل كدة متجربين في مصر و بيتحملوا و كمان مبتحتجش بنزين 95 بالاضافة ان سير الكاتينا فيها جنزير مش كوتش و ده نظريا مبيحتجش يتغير.
كمان الكنبة الخلفية مش أوسع حاجة في الدنيا.
كمان تيش الميزان علي ما أعتقد بتحتاج تغيير علي فترات قريبة نسبيا في الجيل الأول، معرفش الموضوع ده اتغير ولا لأ في الجيل التاني.
أما بالنسبة للصيانة و كدة فمش هعرف أفيدك كتير لأن العربية عندي جديدة نسبيا و لسة معملتش فيها أي حاجة الحمد لله.

**buddha** · 27-10-2012 02:11 PM

هى العربية ممتازة عن تجربة فى المنحنيات الحادة على سرعات ثبات قوى زى السوبارو

بس صوت الموتور مسموع عشان طبعا هى سيارة رياضية يعنى لو انت بتحب الهدوء فى القيادة ممكن متحبش صوتها

هى دى الملحوظة الوحيدة فيها من وجهة نظرى الشخصية

**ser3a_0** · 27-10-2012 04:03 PM

شكرا جدل للردود يا جماعه والله
انا بحب السواقه الرياضيه
بس انا في كنت بفكر
اجيبها او جين 2
جديده
لاني اصلا انا معايا مازدا 6 2000 سؤسؤ 2007
بس بقول اجيبها و حبها انزلها مصر

**mando_07** · 30-10-2012 08:35 PM

عيوبها أن عفشتها ناشفة وصوت موتورها عالي وال gear box بتاعها 4 سرعات بس وسحبها كويس بس مش زي الكوري الجديد اللانترا و السيراتو و المميزات اتقالت بس هي على العموم من العربيات اللي ليها طعم في سواقتها بس لو تقدر تنزل اوكتافيا أو سيفيك يبقى أحسن وأهو حتى يبقى تغيير عن المازدا شوية

**mohamed456** · 01-11-2012 11:50 AM

طبعا لما تيجى تقارن بفئتها حتلاقى المنافسين ليها هيا اوكاتفيا و تويتا او سيفك
ثانيا عيوبها واطيه و الوكيل لازم تتأكد ان ممكن يوفقوا على ان يعملوا صيانتها معاهم و الكنبه مش واسعه و قطع غيارها غاليه
ياعنى انا عندى فانوس الزنزون 3500 و انا معايا الهاى لين 2010
بس بصراحه عربيه جميله و رياضيه و الفتس تحفه متحسش بنقلات الفتيس و التكيف تمام تتش و مريات ضم و زنون و شبوره :)