الموضوع: تغير زيت الفرامل هل ليه ضرر على الماستر والكاوتشات ؟؟؟

المشاركة الأصلية كتبت بواسطة misoalex

ده خامس مكانيكى اغيره وهو اصلا امكانيكى ده معمليش حاجه لانى لما سمعت كلامه مقتنعتش وسيبته ومشيت
مهو كده من اولها لما اقولك غيرلى حاجه تقوللى مينفعش يبقى احنا مش حنتفق مع بعض مع العلم ان المفروض انه ده المكانيكى بتاع صاحب العربيه القديم وهو اللى وصفهولى وقالى ده كويس ومحترم وشكرلى فيه

بس مش عارف الراجل ده عشان عنده ضمير فقالى كده ولا دى حجه المكانيكيه بيتحججو بيها عشان ميبهدلوش نفسيهم ويغيرو الزيت

هو تغيير زيت الفرامل بالكامل بالنسبة للميكانيكي شغلانه مقرفه لانه هيظطر يرفع العربية ويفك العجل كله ولازم ياخذ الهوا بعد ما يخلص.... واجرته عليها قليله فعلى ايه
بالمناسبة... الشغلانه دي بتحتاج حد بيفهم وعارف هو بيعمل وهيعمل ايه.. عشان كده بعملها بنفسي أأمن من الصنايعية..
تحياتي

Sent from my LT18i using Forum Runner

المشاركة الأصلية كتبت بواسطة mero100

و الله يا جماعه أنا مقتنع بكلام ‏axel‏ تماما و حاليا عامل باللانوس 30000 كم و بقالها سنتين و المفروض أغير زيت الفرامل ‏mobil dot 4‎‏ نظرا لأنه بيغير خصائصه مع الإستخدام .
و مقتنع بموضوع تغيير زيت الفتيس مع أول 1000 كم أو حتي 5000 كم.. بس كتيب الصيانه بيقول 60000 كم .. طب و الرايش ؟؟؟ الله أعلم .

بس عاوز تفسير من ‏axel ‎‏ بخصوص النقطه التاليه :
عربيتي القديمه كنت بحط لها زيت فرامل ‏‎ lookhede‏ الإنجليزي الأصلي اللي كان في علبه صفيح و والدي كان بيستعمله سنين و عمره ما غير النوع.
مع الوقت مبقاش فيه اللوكهيد الأصلي و إتضرب .
فإضطريت إني أغير و إستعملت نوع تاني و أول ما إستعملته يا ريس...
ضرب الماستر العمومي.

هل تغيير النوع هوه اللي بيضرب الماستر ؟

و التغيير من ‏dot 3 ‎‏ إلي ‏dot 4‎‏ بيبوظ الماستر؟

و عموما الميكانيكي بتاعي القديم كان شغال في توكيل بيجو و كان دايما يقوللي بلاش تغيير نوع الزيت ( الماركه) و شرحلي زمان الفرق بين ‏dot 3 ‎‏ و ‏dot 4‎‏ بس مش فاكر المعلومه .
أسف للإطاله بس الموضوع مهم لأن عدم اجراء الصيانه الدوريه بصوره صحيحه أو في المواعيد هوه بدايه الخراب لأي عربيه .

للأسف المضروب معتقش الناس
ممكن النوع اللي حضرتك حطيته مضروب او منضفتش كويس و اتعملت خلطة معتبرة و ممكن يكون ضرب لوحده بتحصل كتيير

و مثال ع المضروب زي ما حصل مع dr.hazem جاب مية ريداتير طلعت مضروبة و النتيجة خلت الريداتير منخول و طلعت مضروبة بمية نار و الحمد لله انها جت ع ريداتير بس

لو عربية ينصح لها بـ دوت 3 يبقي متحطش غير هو دوت 3
و لو العربية دوت 4 مينفعش تحط دوت 3 زي مثلا العربية اللي فيها abs بيتحطلها دوت4

فيه ناس تقولك التحويل من دوت 3 لدوت 4 هيديك كفائة اعلي !! انا مبقتنعش بالكلام ده انا امشي ع المُصنع قاله لو كانت تنفع كان كتب دوت 3 او دوت 4 زي بعض العربيات مكنش كتب دوت 3 فقط مجيش انا اعمل زي الميكانيكي اللي يشيل قطعة من العربية او يشيل الترموستات من العربية و يقولك أصلها ملهاش لازمة الخواجة بقي هي لو ملهاش لازمة كان حطها ؟؟ و لا هو المُصنع غاوي تكلفة زيادة و خلاص ؟؟ طبعا كلام غير منطقي منهم

كذلك تخليط دوت 3 ع دوت 4 مع شوية شوائب مقولكش احلي دماغ

الفرق بين دوت 3 و دوت 4 ان دوت 4 درجة غليان دوت 4 اعلي من دوت 3 حوالي 15 درجة
اما دوت 5 فده للعربيات النقل


نيجي للنقطة التانية الأهم نوع الزيت جيب نوع أصلي من مكان موثوق ع سبيل المثال البندكس من الانواع المشهورة و انا بستخدمها برده لكن لازم تتاكد من وجود علامة بيندكس ع العلبة فوق و تحتها شرطة سودا عريضة و مكتوب فوقيها بيندكس بالانجليزي
اللوكهيد طبعا غني عن التعري ف بس الاصلي
نوع تالت الماني اسمه ATE SL هتلاقيه علبة صفيح برده

عشان تغير الزيت بقيهيحصل الآتي :

تجهز حوالي لتر او لتر و نص زيت فرامل من النوع الجديد اللي هتستخدمه
هيتم تفريغ الزيت كله من قربة الزيت عن طريق سحبها بسرنجة و اوعي نقطة زيت تنزل ع اي جزء في العربية و خاصة الدهان و حاول ميجيش ع ايديك او يلمس اي جزء من جسمك و لو نزل تغسله كويس
و بعدين يتم تنضيفقربة الزيت و تتملي و تنزل الزيت من العجلة اللي ورا اللي ناحية اللي قاعد جنب السواق عن طريق مسمار تفريغ الهوا تفكه بس مش تشيله مجرد فك بسيط عشان الزيت ينزل لحد ما تلاقي زيت نضيف نازل بدل اللي فيهشوائب و هتلاقي الزيت نزل لحد علامة الميني في القربة و تقفل المسمار و تغطيه بحتة الكاوتش اللي عليه تاني و تملي القربة تاني زيت
ثم العجلة اللي ورا شمال ناحية السواق نفس القصة ثم العجلة اللي قدام عند اللي جنب السواق نفس القصة
ثم العجلة الشمال اللي عند السواق لحد ما برده ما الزيت النضيف ينزل و تقفل كده انت ضنفت الدورة كلها
و تملي القربة تاني لحد الماكس و تفضي الهوا اللي في الفرامل و تقفل المسمار تاني
و بعدي بمية تغسل بيها ا لأجزاء اللي نزل عليها زيت الفرامل اثناء تفريغة
و متنساش تقفل غطا القربة
بس كده و مبروك عليك تنضيف الدورة و الزيت الجديد

عرفت ليه اغل ب الميكانيكية مبيرضوش يعملوها لأنها وجع دماغ و اخرها 20 ج
فسواء هتعملها بنفسك او تخلي ميكانيكي يعملها هي ديه الخطوات

بس سؤال عربيتك الدبرياج واير و لا زيت ؟؟ عشان زيت الدبرياج بالمرة ليه خطوة برده


Axel

المشاركة الأصلية كتبت بواسطة mero100

تمام يا ‏axel‏
اللانوس دبرياجها علي زيت .
قريت الخطوه الأخيره لتغيير زيت الفرامل من موضوع عصام غنايم .
شكرا ‏axel‏ لمجهوداتك و نشاطاتك المتعدده بين الأقسام :-)
مبروك وسام الإبداع

الله يبارك فيك يا باشا :)