الموضوع: تغير زيت الفرامل هل ليه ضرر على الماستر والكاوتشات ؟؟؟

المشاركة الأصلية كتبت بواسطة Axel

للأسف المضروب معتقش الناس
ممكن النوع اللي حضرتك حطيته مضروب او منضفتش كويس و اتعملت خلطة معتبرة و ممكن يكون ضرب لوحده بتحصل كتيير

و مثال ع المضروب زي ما حصل مع dr.hazem جاب مية ريداتير طلعت مضروبة و النتيجة خلت الريداتير منخول و طلعت مضروبة بمية نار و الحمد لله انها جت ع ريداتير بس

لو عربية ينصح لها بـ دوت 3 يبقي متحطش غير هو دوت 3
و لو العربية دوت 4 مينفعش تحط دوت 3 زي مثلا العربية اللي فيها abs بيتحطلها دوت4

فيه ناس تقولك التحويل من دوت 3 لدوت 4 هيديك كفائة اعلي !! انا مبقتنعش بالكلام ده انا امشي ع المُصنع قاله لو كانت تنفع كان كتب دوت 3 او دوت 4 زي بعض العربيات مكنش كتب دوت 3 فقط مجيش انا اعمل زي الميكانيكي اللي يشيل قطعة من العربية او يشيل الترموستات من العربية و يقولك أصلها ملهاش لازمة الخواجة بقي هي لو ملهاش لازمة كان حطها ؟؟ و لا هو المُصنع غاوي تكلفة زيادة و خلاص ؟؟ طبعا كلام غير منطقي منهم

كذلك تخليط دوت 3 ع دوت 4 مع شوية شوائب مقولكش احلي دماغ

الفرق بين دوت 3 و دوت 4 ان دوت 4 درجة غليان دوت 4 اعلي من دوت 3 حوالي 15 درجة
اما دوت 5 فده للعربيات النقل

نيجي للنقطة التانية الأهم نوع الزيت جيب نوع أصلي من مكان موثوق ع سبيل المثال البندكس من الانواع المشهورة و انا بستخدمها برده لكن لازم تتاكد من وجود علامة بيندكس ع العلبة فوق و تحتها شرطة سودا عريضة و مكتوب فوقيها بيندكس بالانجليزي
اللوكهيد طبعا غني عن التعري ف بس الاصلي
نوع تالت الماني اسمه ATE SL هتلاقيه علبة صفيح برده

عشان تغير الزيت بقيهيحصل الآتي :

تجهز حوالي لتر او لتر و نص زيت فرامل من النوع الجديد اللي هتستخدمه
هيتم تفريغ الزيت كله من قربة الزيت عن طريق سحبها بسرنجة و اوعي نقطة زيت تنزل ع اي جزء في العربية و خاصة الدهان و حاول ميجيش ع ايديك او يلمس اي جزء من جسمك و لو نزل تغسله كويس
و بعدين يتم تنضيفقربة الزيت و تتملي و تنزل الزيت من العجلة اللي ورا اللي ناحية اللي قاعد جنب السواق عن طريق مسمار تفريغ الهوا تفكه بس مش تشيله مجرد فك بسيط عشان الزيت ينزل لحد ما تلاقي زيت نضيف نازل بدل اللي فيهشوائب و هتلاقي الزيت نزل لحد علامة الميني في القربة و تقفل المسمار و تغطيه بحتة الكاوتش اللي عليه تاني و تملي القربة تاني زيت
ثم العجلة اللي ورا شمال ناحية السواق نفس القصة ثم العجلة اللي قدام عند اللي جنب السواق نفس القصة
ثم العجلة الشمال اللي عند السواق لحد ما برده ما الزيت النضيف ينزل و تقفل كده انت ضنفت الدورة كلها
و تملي القربة تاني لحد الماكس و تفضي الهوا اللي في الفرامل و تقفل المسمار تاني
و بعدي بمية تغسل بيها ا لأجزاء اللي نزل عليها زيت الفرامل اثناء تفريغة
و متنساش تقفل غطا القربة
بس كده و مبروك عليك تنضيف الدورة و الزيت الجديد

عرفت ليه اغل ب الميكانيكية مبيرضوش يعملوها لأنها وجع دماغ و اخرها 20 ج
فسواء هتعملها بنفسك او تخلي ميكانيكي يعملها هي ديه الخطوات

بس سؤال عربيتك الدبرياج واير و لا زيت ؟؟ عشان زيت الدبرياج بالمرة ليه خطوة برده

Axel

كلام جميل بس في كذا حاجة مش صح قوي...
مبدئيا..
لو هيتم تغيير الزيت بالكامل وتنظيف الدوره كلها غلط انك تفضط القربه تحت المينمم عشان ميدخلش هوا في الدوره...

لازم شخصين عالاقل يكونو مع بعض عشان الموضوع يكمل صح
واحد عند العجل وواحد عند القربه ولو في تالت جوه العربية يدوس عالفرامل يبقى توب التوب
بتتهوى صاموله الصمام ولنفترض من العجله الخلفيه للراكب
يفضل تبقى العربية من قدام اعلى من ورا عشان الزيت ينزل
اللي واقف عند القربة يفضل واقف وبيزود الزيت الجديد ويحاول ان الزيت مينزلش ابدا عن المينمم عشان الهوا لو دخل مش هيطلع الا بتفريغ زيت كتير ومن الاربع عجال
اللي جوه العربية لو موجود يدوس فرامل بالراحة ده بيساعد ان الزيت ينزل اسرع
اللي عندالعجل اول اما ينزل الزيت شفاف ونضيف يقفل الصاموله وينبه الباقيين :-)
يفترض كده ان الزيت كله نزل من العجل ده واتاخد الهوا بالمره 2في واحد

Sent from my LT18i using Forum Runner