بعد سنتين من الاستخدام و المغامرات.... ال f0 ما لها و ما عليها

**mohamedaldaly** · 04-06-2013 09:36 PM

طيب من راي الخبراء الي هنا بالنسبه لنسبه الامان بتاعها علي الطريق تاخد كام نجمه وغير كده موضوع انها واطيه ما ينفعش نعليها فيس التوكيل وكمان هو سعرها انا سائل عليه 57000 وربنا يسهل واجيبها بس انتو خوفتوني من موضوع قطع الغيار الي حتي مالهاش حاجه شبهها
بس وشكرا علي الموضوع الجميل

**mohamed handy** · 27-06-2013 10:29 PM

انا محتار اجيب العربيه دى ولا اجيب الالتو ايه رايكو ياريت حد يفيدنى

**Mohyeldin1974** · 27-06-2013 10:43 PM

انا شوفت العربيه وجميله بس فى رايى عيبها موضوع ان الازاز اللى ورا بيفتح زى البيتلز بتاعت زمان يعنى الازاز مش بينزل لتحت

**aftr** · 09-07-2013 11:34 AM

عربية جميلة بس اهم حاجة قطع الغيار
byd f0 - YouTube

**x_gomgom** · 09-07-2013 12:29 PM

أسف لعدم الرد لظروف العمل ....
العربيه في ناس بتوع قطع غيار ابتدو يشتغلوا فيها منهم زكي جرجس بس غالي و مش كل حاجه عنده و اللي كان اختراع محل اسمه كوانزو بصقر قريش بجوار محل زيت كاسترول بس اسعاره هلاميه شويه بس الحاجه بتاعتها موجوده...
انا دلوقتي تقريباً عامل 60,000 كيلو وماشية زي الفل الحمد لله و مش عامله معايا مشاكل الحمد لله بس كل اللي مزعلني عدم الانتشار و قطع الغيارو ياااه لو في اتوماتيك منها لاني بعاني من المنيوال بسبب الغضروف....
لو في اي استفسار انا في الخدمه

**x_gomgom** · 09-07-2013 12:34 PM

و للعلم فلتر الزيت هو لانسر فلتر البنزين f3 البوجيهات و سير المجموعه موجدين بره....
التيل - المقصات- المساعدين-طقم الدبرياج ما تحاولش لازم التوكيل يا إما محلات بره وهم يتعدوا على الاصابع.
و عشان مترعبش نفسك قطع الغيار الحمد لله كلها في التوكيل و أسعارها جميله مثلا قربه ردياتير +مروحه 250 التيل 120 المقص 300 تقريباً طقم الدبرياج 700 ... و ربنا ما يحوجك ليهم يا رب....

**mm-tw** · 12-07-2013 02:03 PM

السلام عليكم و رحمة الله و بركاته

الأخوة الأفاضل في رأيكم الواحد يجيب byd f0 و لا (suzuki alto (1000 cc

الكماليات اللي في البي واي دي مقارنة بسعرها مغرية ده غير إن الشركة بتحاول تغزو السوق الأوروبية و عايزة ترفع كفاءة آداء انتاجها من السيارات و فرق السعر في صالحها
و لا يجيب ألتو مستعملة باعتبار انها يباني و جودتها احسن؟؟!

**mm-tw** · 12-07-2013 02:06 PM

اأنا محتار بين byd f0 و لا (suzuki alto (1000 cc

الكماليات اللي في البي واي دي مقارنة بسعرها مغرية ده غير إن الشركة بتحاول تغزو السوق الأوروبية و عايزة ترفع كفاءة آداء انتاجها من السيارات و فرق السعر في صالحها
و لا يجيب ألتو مستعملة باعتبار انها يباني و جودتها احسن؟؟!

**x_gomgom** · 18-07-2013 06:56 PM

لو حضرتك مقنع أن الألتو ياباني يبقي بلاش تشتري ال بي واي دي عشان كده انت هتفضل تبص لعربيتك على اساس انها غير جديره و أسف في اللفظ ناقصه.الالتو تجميع و تصنيع هندي تحت اشراف شركة سوزوكي....
يا ريت حضرتك تجرب تدخل المنتدي الخاص بسوزوكي و تاخد فكره عشان يبقي عندك تصور كامل عن السيارتين و ربنا يوفقك للأصلح