بعد سنتين من الاستخدام و المغامرات.... ال f0 ما لها و ما عليها

**kinbergo29** · 12-07-2014 09:43 AM

ممكن يا استاذ احمد تقولي ايه رايك حضرتك في العربيه بعد الفتره الطويلة دي انا بصراحه بدور علي عربيه رخيصه بعني نصحتك ليه اشتريها ولا لأ

**kinbergo29** · 12-07-2014 07:17 PM

انا رحت التوكيل وسعرها دلوقتي ٥٩٥٠٠ بس بتوع توكيل الامل فرع الكربه لابسين شباشب وناس كبيره في السن وقاعدين يقروا جرايد وتقريبا مش فاهمين حاجه ناقص الستات الي هناك تقطف ملوخيه تحس انها مصلحه حكوميه المهم دخلت العربيه والكراسي الي قدام واسعه والي ورا مش بطالين نص نص علي حجمها باقي ااحجات مش بفهم فيها بس مش بطاله المهم هي عامله ايه معاكم بعد الفتره دي واعاده بيعها اكيد مشكله لانها مش مشهوره

**Ahmed_BYD_F0** · 14-07-2014 10:28 AM

المشاركة الأصلية كتبت بواسطة kinbergo29

ممكن يا استاذ احمد تقولي ايه رايك حضرتك في العربيه بعد الفتره الطويلة دي انا بصراحه بدور علي عربيه رخيصه بعني نصحتك ليه اشتريها ولا لأ

بسم الله الرحمن الرحيم
اخى العزيز احب ان اقولك راى عن العربية دى اجمالا انها عربية ممتازة
وبالنسبة للعيوب فهم ثلاث عيوب لا غير وهم:
1- الدهان ضعيف يعنى اى خدشة ولو بسيطة يظهر الدهان الاسود الخلفى
2- السحب بيضعف قليلا عند تشغيل التكييف
3- مع الحمل التقيل على العربية بتحك فى المطبات الوقفة فقط وانت داخل على المطب مش ببطء كفاية ولكن مش فى كل المطبات
يعنى لو الثلاث عيوب دول مش فارقين معاك قوى زى مثلا فانصحك بشراء العربية دى واقولك مبارك عليك مقدما وربنا يديك خيرها ويكفيك شرها

**خادم للإسلام** · 20-04-2015 11:37 PM

جزاك الله خيرا :)..النقرير بتاع حضرتك فادني جدا والحمد لله رب العالمين

**Ahmed_BYD_F0** · 28-05-2015 01:11 PM

المشاركة الأصلية كتبت بواسطة خادم للإسلام

جزاك الله خيرا :)..النقرير بتاع حضرتك فادني جدا والحمد لله رب العالمين

انا تحت امرك فى اى حاجة واى خدمة او سؤال انا موجود

**maka** · 31-01-2016 09:42 AM

طاب لو هشتريها مستعمل بالنسبة لقطع الغيار والصيانة والاعتمادية هى ولا الهافى لوبو ؟؟

**Ahmed_BYD_F0** · 31-01-2016 11:49 AM

المشاركة الأصلية كتبت بواسطة maka

طاب لو هشتريها مستعمل بالنسبة لقطع الغيار والصيانة والاعتمادية هى ولا الهافى لوبو ؟؟

اولا ايه هى الهافى لوبو دى

ثانيا بالنسبة للعربية F0 قطع غيارها موجودة عند بتوع قطع غيار العربيات BYD عامة

وصيانتها فى التوكيل متوسطة ومش عاجبانى بس انا مضطر افضل كده لحد فترة الضمان متخلص وبعد كده اشوف ميكانيكى محترم بره التوكيل

وبالنسبة للاعتمادية من ناحية ايه يعنى؟

**rdha** · 02-02-2016 08:57 PM

لدي مشكل في مفتاح السيارة الالكتروني فرغم تغييري لبطارياتها الا انها في بعض الاحيان تتعطل قليلا هل من حل لهدا الازعاج مع العلم ان سيارتي تجاوزت 49400 كم

**ak_626** · 03-02-2016 01:19 AM

المشاركة الأصلية كتبت بواسطة rdha

لدي مشكل في مفتاح السيارة الالكتروني فرغم تغييري لبطارياتها الا انها في بعض الاحيان تتعطل قليلا هل من حل لهدا الازعاج مع العلم ان سيارتي تجاوزت 49400 كم

ابعد الموبايل عن المفتاح و هتلاقي المشكلة انتهت ولو حصلت تاني يبقى محتاج تغير بطاريةالمفتاح.