العربية بتبرد

**Mohamed-GH** · 27-10-2012 12:20 PM

كنت مسافر امبارح على طريق سريع اول ماتجرى العربية تبرد و اول ماتمشى بالراحة ترجع للحرارة الطبيعية تانى وترموستات الكوعة موجود محدش شالة

**Ahmed Nasser** · 27-10-2012 03:09 PM

يبقى بايظ رورح للمكانيكى خلية يراجعلك علية

**a7medsh3rawi** · 27-10-2012 03:27 PM

الترموستات ليه سوسته المفروض لما تكون الميه سخنه يفتح لكن لما الميه تبرد بيرجع مكانه ويقفل كويس علشان ما يحصلش تسريب للميه على السرعات العاليه من ضغط الطرمبه والسوسته هى المسئوله عن رجوعه لمكانه بسرعه ممكن تكون باظت او مصديه وعايزه تنضيف والحل انك تفك الكوعه وتكشف علي الترموستات وتتأكد انه ما بيسربش ميه والعربيه بارده.

**haimaN** · 27-10-2012 04:48 PM

المشاركة الأصلية كتبت بواسطة engonear

الترموستات ليه سوسته المفروض لما تكون الميه سخنه يفتح لكن لما الميه تبرد بيرجع مكانه ويقفل كويس علشان ما يحصلش تسريب للميه على السرعات العاليه من ضغط الطرمبه والسوسته هى المسئوله عن رجوعه لمكانه بسرعه ممكن تكون باظت او مصديه وعايزه تنضيف والحل انك تفك الكوعه وتكشف علي الترموستات وتتأكد انه ما بيسربش ميه والعربيه بارده.

كلام تمام
اتاكد من ترموستات الكوعة

**hessenp** · 27-10-2012 06:01 PM

لو الترموستات الكوعة بقالك فترة كبيرة مغيرتهاش اعمل حسابك على واحدة جديدة وانت بتفك الكوعة ...... هى تعمل فى حدود 45 جنية جديدة جى ام اصلى بالاويل سيل بتاعها وبالمرة شيك على الكوعة لو فى تئاكل فيها من جوة عشان بالمرة وانت فاكك الكوعة وهى تعمل برضة 25 جنية جديدة ....

**hesham69** · 27-10-2012 09:57 PM

يا جماعه هو الكلام ده صح ان كده الترموستات بايظه ؟

اصل الكلام ده بيحصل عندى والعربيه بتسخن فى الوقفه انا عامل موضوع عن الحكايه ديه http://www.nilemotors.net/Nile/315460-a.html

بس الى اعرفه ان الصح لما العربيه تجرى تبرد وده لزياده الهواء المقابل ليها وده كان بيحصل معايا فى كل العربيات اليابانى تقريبا الى ركبتها وكانت بترجع للوضع الطبيعى فى الزحمه
فا ياترى فعلا الترموستات ممكن تكون بايظه وهى الى بتعمل الموضوع ده ولا ده ايه بالظبط