بيقلك السيراتوا 2010 بقت ب 80 الف :(

**ابو ليلى** · 27-10-2012 05:26 PM

المشاركة الأصلية كتبت بواسطة deshahcoka

ربنا يخليك يا ابو ليلي طول عمرك راجل ذوق و كل سنة و انتا طيب ...

انا كنت بفكر اخليها كمان سنة ولا اتنين ... تعتقد حتنزل اكتر من كدة ؟ ولا بيقلك زي اللانوس تخسر عشرة اول سنة و بعدين 2 او 3 الف بالكتير كل سنة لو مشرحة ...

يعني كمان سنة او سنتين ابيع ب ال 85 ديه برضه ؟ ولا مفيش الكلام ده حتوصل ل 60 ؟ نص سعرها لما كانت جديدة يعني ؟ :(

ربنا يكرمك وانت بالف صحة وسلامة

سعر الموديل بيختلف من سنة الى سنة ولا انا ولا انت اللى ممكن نحدد السعر ...
السوق هو اللى بيحدد ولو النية فى البيع موجوده ...اخلص
صعب نقارن بعربية تانية لان كل عربية وليها زبونها وحاجات كتير هى اللى بتحدد السعر
سعر الزيرو - الكيلو متر - سعر قطع الغيار - حالة العربية - الكماليات - ميزة الضمان - التأمين

كمان سنة سعر العربية هينزل الى 80 لان الكيلو متر زاد والاستهلاك زاد والضمان قل
صعب جدا السيراتو تنزل لنص سعرها فى خلال 5 سنوات ( وفقا لحالة العربية )
عندك السيراتو الشيب القديم لحد دلوقتى محافظة على سعرها وده يرجع لقلة المعروض -
العفشة ملتى لينك- توافر قطع الغيار - تقريبا اخر سنة فى الضمان

بالنسبة ليك شخصية وعلى مدار مشاركتك كنت بتشتكى من العربية كتير واعطال غريبة بتحصل
معاك يعنى من الاخر قفلت منها ...... خسارة قريبة ولا مكسب بعيد

**Land_Cruiser** · 27-10-2012 06:03 PM

بص حضرتك الموضوع ببساطه يعتمد على سبب فكره البيع اصلا و حاله العربيه معاك اكتر من موضوع سعرها الآن . يعنى لو العربيه كويسه و مفيهاش مشاكل انت اللى هتخسر لو بعتها لان اسعار العربيات كلها غليت او لو زى ما حضرتك كاتب فى بياناتك ان عربيتك sx دى تمنها دلوقتى ١٢٩ الف و خلينا نقول ان عربيتك هتجيب ٩٠ الف حتى مش ٨٠ و لا ٨٥ حتى يعنى حضرتك عايز حوالى ٤٠ الف جنيه و عليهم ال ٤٠ الف اللى نزلوا من تمنها يبقى حضرتك خسران ٨٠ الف جنيه بينما لو خليت عربيتك بافتراض انها مفيهاش مشاكل هتخسر نصف الفلوس دى بس و معاك عربيتك من الزيرو و خللى بالك ان شويه و الجديده هيحصل معاها نفس النظام. فى نقطه تانيه كمان لما تيجى تبيع لازم تخللى عندك صبر ايوب لان انت ممكن تبقى عارضها على ٨٥ الف مثلا و تلاقى واحد بيقولك انا هاخدها منك ب ٧٠ الف و فلوسى جاهزه طبعا بيرمى رقم ملوش اى لزمه على أمل انك تكون مزنوق فى الفلوس لاى سبب فتبيع علشان تخلص و هو يبقى خدها بسعر لقطه فلا تعتمد قوى على الكلام اللى بتسمعه لان العينات دى بتبقى فى الاغلب تجار و عايزه تفطس السعر و حاول تبيعها لافراد عاديين و خللى بالك ان العربيه دى بيعها سهل فهو متأكد انه هيبيعها بسرعه و هو عايز كمان يحقق ربح كبير على حسابك مش اكتر

**ابو ليلى** · 27-10-2012 06:05 PM

كل كلامى نظرى بالورقة والقلم بس ساعات السوق بيديك بالقلم
مين يقول ال bmw ينزل سعرها النص فى خلال 3 سنوات ......السوق
خلاص استنى سنة كمان لو دى رغبتك الفعلية عقبال ماتشوف الدنيا فيها ايه

حال العربية من حالك لوقرفان وقافل منها وكلها مشاكل اعرف ان دى علامة من ربنا انه مش راضى عنك
انا شخصيا باخدها كده ( بيتى وزوجتى وسيارتى ) وده حديث صحيح

عبد الـله بن عمر رضي الـله عنهما قال سمعت النبي ‏ ‏صلى الله عليه وسلم ‏ ‏يقول (‏إنما الشؤم في ثلاثة في الفرس والمرأة والدار) [صحيح البخاري-كتاب الجهاد والسير- باب ما يذكر من شؤم الفرس]ٍ..

**moha4tec** · 27-10-2012 10:22 PM

كلا الاستاذ ابو ليلى كبير جدا و ليه معانى مفيده جدا جدا

**moha4tec** · 28-10-2012 02:00 AM

المشاركة الأصلية كتبت بواسطة deshahcoka

moha4tec تسلم لذوقك حضرتك يا باشا :) طول عمرك راجل صاحب واجب والله :) ربنا يخليك :) كل سنة و انتا طيب

ابو ليلى يا باشا انتا حضرتك كلامك فعلا ملوش حل و معاك حق في كل كلمة قلتها :(

انا فعلا قفلت منها بس الواحد رجع يحسبها طب ما انا خسرت كتير و مهوا العربيات كلها بيحصلها كدة و اخليها كمان سنة ولا حاجة تكون فرق السعر يريح قلب الواحد عشان الواحد تعبان في الفلوس ... فيعني لو دلوقتي تتباع ب 85 و كمان سنة ب 80 فاستهلكها احسن و بعدين ابيعها ..

ودلوقتي مش وقت منساب لشراء عربيات عشان مفيش حاجة تقدر ترسى عليها .. و الواحد ظروفه مش مترتبة عندي شوية مشاكل و حوارات ضاعته على الواحد جامد يعني مش وقت تغير عربية بس العربية منحسة معايا و كرهاني اوي و مش عارف في ايه ...

و انت طيب و بالف صحه و سلامه .
و خد كلام الناس كله و فكر كويس و خد القرار براحتك .متستعجلش
انا لسه عربيه سيراتو 2010 هاى لاين نبيتى .متباعه ب 95 الف جنيه ستوك و رشه اكصدام امامى و خلفى و رفرف خلفى .
و البيعه دى تمت من شهر شهر و نصف كده و كانت ماشيه 44 الف كم