بيقلك السيراتوا 2010 بقت ب 80 الف :(

**hossam_elwani** · 13-11-2012 11:46 PM

هيا العربيه اى فئه ؟؟

وايه الاعطال الى قبلتك معاها خلتك مقفول منها اوى كده ؟؟

**hossam_elwani** · 13-11-2012 11:48 PM

المشاركة الأصلية كتبت بواسطة amnpop

انا اخويا اشتري سيراتو خليجي سعودي 2010 هاي لاين سقف و بصمه و فرش جلد و جنط 17 رشه رفرف و جزء من باب في التوكيل نضافه صيانات توكيل اول يد عداد 39000 كيلو وثيقه تأمين بعد الكشف و الفحص و التمحيص خلصت 89000 جنيه بس انا شايف ان ده سعر جيد جدا لان العربيه بيتي و سليمه انتو ايه رايكم

سعر لقطه بجد

**Deshahcoka** · 13-11-2012 11:55 PM

المشاركة الأصلية كتبت بواسطة hossam_elwani

هيا العربيه اى فئه ؟؟

وايه الاعطال الى قبلتك معاها خلتك مقفول منها اوى كده ؟؟

المشاركة الأصلية كتبت بواسطة hossam_elwani

سعر لقطه بجد

يا باشا مفيش اعطال ولا حاجة .. صيانتها في التوكيل و كل حاجة بس عاملة يحصلها حجات غريبة ... ولسه مغيرلها بطرية و جوانات ازاز اداماني و طقم الطبل و الانذار و كله يعني بصرف عليها جامد و حتى الكاوتش لسه جديد يعتبر :( فيعني مفيهاش الهوا ! بس العربية منحسة قوي ! مش قادر اركبها ولا استمتع بيها ... بخاف اركبها :(

بس خلاص نحس قوي العربية .. منظورة قوي من اول ما جبتها .. اشي حفر ... اشي كفر الكاوتش يطير ! واحد خبطها و هيا واقفة ! مش خبطة مميته يعني او تعيب بس يعني حكات ملهاش لزمة !

و ازاي يا باشا الهاي لين 2010 سعرها لقطة ب 89 الف ! ديه اعتقد سعرها مناسب و عادي !

عشان انا فئة اس اكس مصري الي هيا كامل ناقصة فتحة و جلد و بصمة ! لكن جنط و سنسور و تاكيف تتش و عدادا سبور وووو

كنت فاكر نفسي حبيبع ب 90 ! و الي سمعته كل المعارض قالت متجبش ال 90 السيراتوا اليومين دول عشان ال 2011 ب 90 يعتبر !

:( طب و بعدين اعمل ايه !

**grey_fox** · 14-11-2012 02:20 AM

المشاركة الأصلية كتبت بواسطة deshahcoka

مهوا بظبت السيراتوا في مستوى اي عربية حجيبها ... حتى ممكن الريوا تكون اقل منهم :(

بس يمكن بعد 3 سنين و الي بيحصلي و النحس و الفقر ده يتفك بعد ما اغيرها :( و برضه اهي عربية جديدة و زيروا :( بس كلهم محصلين بعضهم يعني :(

موضوع الخسارة انا حاسس انوا خسارة بخسارة و الخسارة القريبة احسن من البعيدة :(

معرفش العربية لو فضلت حيحصل ايه تاني .. ولا القدر مخبي ايه تاني ولا سعرها ينزل عن كدة و تبقى زي السيراتوا القديمة ب 50 الف يعني ديه توصل ل 60 ولا حاجة و سبيعين اخرها !

رايك ايه في وجهة النظر ديه :(

مهوا التكملة لسبروتاج كبيرة برضه 90 الف ! تمن عربية تاني :( صعب الموضوع اعتقد في الوقت الحالي

ماتفكرش في سعرها هيزل ويبقى كم لان اي عربيه زيرو هيبقى ده حالها معنى كده هتفضل تبيع عربيه كل سنتين تلاته.. عايز تخلص من الموضوع ده ممكن تبيع وتشتري مستعمل كسر زيرو ريو او كارينز هتبقى اقل من تمنها من 10 ل 15 الف .. لو بتضايق ان سعر عربيتك الزيرو بينزل اوي خليك في المستعمل بس تكون متأكد ان العربيه حالتها كويسه

**mohamed_mohsen** · 14-11-2012 03:06 AM

طب انت عايز تجيب زيرو ليه
ما تجيب مستعمل
فوكس 2006-2007 و هتوفر شوية فلوس حلوين
او زود علي ال90 و هات هوندا سيفيك 2007-2008
لو انت قافل من العربيه خالص و مش مرتاح لها نفسياً بيعها و ريح دماغك
و هات عربيه من اللي فوق

**Amr A.salam** · 14-11-2012 06:13 AM

أنا رأيي طالما العربية كويسة وما فيهاش عيوب يعني والموضوع نفسي استحملها شوية
ولما التجديد ييجي جدد سنة ولا اتنين وبيع بعد شوية استفيد بانك شاري زيرو وعارف عربيتك كويس
واصبر لحد ما يبقى معاك فرق فلوس مش هيزنقك وتجيب حاجة أعلى مش نفس الفئة

**hossam_elwani** · 14-11-2012 01:50 PM

المشاركة الأصلية كتبت بواسطة deshahcoka

يا باشا مفيش اعطال ولا حاجة .. صيانتها في التوكيل و كل حاجة بس عاملة يحصلها حجات غريبة ... ولسه مغيرلها بطرية و جوانات ازاز اداماني و طقم الطبل و الانذار و كله يعني بصرف عليها جامد و حتى الكاوتش لسه جديد يعتبر :( فيعني مفيهاش الهوا ! بس العربية منحسة قوي ! مش قادر اركبها ولا استمتع بيها ... بخاف اركبها :(

بس خلاص نحس قوي العربية .. منظورة قوي من اول ما جبتها .. اشي حفر ... اشي كفر الكاوتش يطير ! واحد خبطها و هيا واقفة ! مش خبطة مميته يعني او تعيب بس يعني حكات ملهاش لزمة !

و ازاي يا باشا الهاي لين 2010 سعرها لقطة ب 89 الف ! ديه اعتقد سعرها مناسب و عادي !

عشان انا فئة اس اكس مصري الي هيا كامل ناقصة فتحة و جلد و بصمة ! لكن جنط و سنسور و تاكيف تتش و عدادا سبور وووو

كنت فاكر نفسي حبيبع ب 90 ! و الي سمعته كل المعارض قالت متجبش ال 90 السيراتوا اليومين دول عشان ال 2011 ب 90 يعتبر !

:( طب و بعدين اعمل ايه !

انا مفكر ان الهاى لاين ماتنزلش عن 10000 بإدنى قدير (بشرط الحاله الممتازه) بس انطباعى ده كان طبقا لمواقع البيع ولا هما بيكتبو اسعار مبالغ فيها ؟؟؟؟

زى ما حضرتك كنت مفكر ان عربيتك تجيب 90 الف ولكن الظاهر تقديرتنا زياده بــ 10000 مره واحده

هو فيه ايه !!!!!!!!!!

**Deshahcoka** · 14-11-2012 04:53 PM

المشاركة الأصلية كتبت بواسطة hossam_elwani

انا مفكر ان الهاى لاين ماتنزلش عن 10000 بإدنى قدير (بشرط الحاله الممتازه) بس انطباعى ده كان طبقا لمواقع البيع ولا هما بيكتبو اسعار مبالغ فيها ؟؟؟؟

زى ما حضرتك كنت مفكر ان عربيتك تجيب 90 الف ولكن الظاهر تقديرتنا زياده بــ 10000 مره واحده

هو فيه ايه !!!!!!!!!!

مهوا حتجنن من موضوع ال 10 الفرق ده جه منين !!!!!!!!!!!

**kariemelsayed** · 15-11-2012 06:13 PM

بالتوفيق و متابع

**Mohab.Nabil** · 15-11-2012 11:39 PM

لو انت شاب من غير اسرة بيعها و كمل شوية على ثمنها و جيب سيراتو كوبيه .. هتبقى فاهم اخرها فى الاعطال ايه لأنك معاك اختها و هتبقى غيرت برضه و جبت عربية اوبشنز اعلى و اشيك و فى نفس الوقت مدفعتش فرق كبير