مشكلتى المستمرة مع فيوز الكهرباء

**elwaworld** · 27-10-2012 02:25 PM

السلام عليكم و عيد اضحى سعيد على الجميع ان شاء الله

بتوجهنى مشكلة مع فيوزات الكهرباء علما ان العربية دايو لانوس
كالتالى العربية بتكون ماشية فى امان الله و بدون مشاكل و فجاة و العربية اى كانت سرعتها بس بتكون يعنى فى حدود من 20 الى 40 بتفصل و اجى احاول ادور العربية تانى للاسف طبعا مش بدور خالص

اكتشفت ان مشكلة هى فيوز كهرباء اللى فى علبة فيوزات اللى فى العربية من جوه اللى رقم 4 من تحت اللى فى جنب اليمين

الفكرة انى مجرد لما اغير الفيوز العربية بترجع زى الاول بدون اى مشاكل الفكرة انى بقيت ماشي معايا فيوزات ان مشكلة اتكررت 3 مرات فى خلال شهرين و مش عارف ازاى اقدر امنع تكرراها تانى و بعدين هو سبب انه يخلى الفيوز ده يضرب باستمرار فمحتاج المشاورة لان سمعت افتكاسات و الله و اعلم

**haissam24h** · 27-10-2012 04:48 PM

شوف الفيوز رقم كان الاصلى 10 او 15 او 20
وركب نفس الرقم واللون
عشان تظبط الاحمال
ولو ضرب
قدامك حل من 2
تحط العربيه على الجهاز وتعرف ايه الى بيخليه يضرب
لائما بقا تعمل بحته سلك كوبرى بين سلاحين الفيوز وتركبه وتشوف ايه الى هيتم بس لاافضلها احيانا

**sakr_skoda** · 27-10-2012 04:56 PM

المشاركة الأصلية كتبت بواسطة haissam24h

شوف الفيوز رقم كان الاصلى 10 او 15 او 20
وركب نفس الرقم واللون
عشان تظبط الاحمال
ولو ضرب
قدامك حل من 2
تحط العربيه على الجهاز وتعرف ايه الى بيخليه يضرب
لائما بقا تعمل بحته سلك كوبرى بين سلاحين الفيوز وتركبه وتشوف ايه الى هيتم بس لاافضلها احيانا

بلاش الكبارى الله يكرمك

الى صاحب المشكله شوف ركب الفيوز المناسب للحمل ودا حتلاقيه مكتوب على لوحة الفيوزات ....*

لو تكررت معاك المشكله يبقى لازم تكشف عن دفيرة الكهرباء حتلاقى سلك ملامس لصاج العربية ومع الحركة يبداء التلامس فيضرب الفيوز....*

**elwaworld** · 27-10-2012 05:34 PM

انا تقريبا هاروح اكشف على دفيرة و ده لانى ركبت فى 3 مرات نفس الفيوز برقمة و هو 15 و للاسف لاقيت نفس المشكلة بس انا سمعت ان الفيوز ده مرتبط بعوامة و موتور البنزبن بس انا مش فاهم الربط بينهم اية

**Dr.Rayyan** · 27-10-2012 05:47 PM

اكشف على الضفيره وان الفيوزات بنفس القيم مش اقل وان شاء الله خير بس بلاش تعمل كبارى لان لا قدر الله عواقبها وحشه

**KarimAbulEla** · 27-10-2012 06:36 PM

هل بيبقى فيه حد قاعد حمب السواق فى توقيت ضرب الفيوز ده ، لو ده صحيح , يبقى راجع على الضفيرة فى مكان اسفل الدواسة فى الكرسى اللى بجوار السائق ، حصلت معايا و مع كثيرون

**elwaworld** · 28-10-2012 04:54 PM

المشاركة الأصلية كتبت بواسطة karimabulela

هل بيبقى فيه حد قاعد حمب السواق فى توقيت ضرب الفيوز ده ، لو ده صحيح , يبقى راجع على الضفيرة فى مكان اسفل الدواسة فى الكرسى اللى بجوار السائق ، حصلت معايا و مع كثيرون

يعنى الضفيرة اللى تحت رجل اللى جنبي هتكون موصلة للفيوز ده و تكون سبب ولا تقصد موصلة لفيوزات كتير

انا سمعت الفيوز ده مرتبط بطلمية البنزين و العوامة و انة بيضرب من ضعف موتور العوامة بس انا مش مقتنع و الله و اعلم

**acoount** · 28-10-2012 07:29 PM

كانت عندى المشكله دى بالفعل وجننتى اكتر من 4 شهور وكنت بلاقى الفيوز سايح والاخر عملت الاتى بالترتيب ركبت كتاوت للنور بقى الفيوز بيضرب وما بيسحش الاهم واللى نهى المشكله دى غيرت الدايود اللى جوه علبه الفيوزات هتلقيه شكله مختلف ومرسوم عليه سهمين وثمنه 10 ج والمشكله اتحلت نهائى على فكره الدايود ما ينفعش يتشعر وما تسلنيش ليه لانى لما سالت عرفت انه بينظم التيار

**Mohamed.Fawzy** · 28-10-2012 07:48 PM

لو بتجيب فيوزات صينى .... يبقى قبل ما تعمل اى حاجه هات فيوز اصلى و جرب الأول

انا فيوز التكييف كان مجننى فى الانوس برضه و المشكله متحلتش الا لما جبت فيوز اصلى ... و رحت مغير الفيوزات كلها بفيوزات اصليه و ريحت دماغى ... و اللى بتنزل فى العربيه صينى برضه

الأصلى كنت جايبهم من محل مشهور قوى فى شارع محمد محمود قبل سنترال الفلكى ... بيتباع بالواحد ... و الواحد على ما اتذكر كان ب جنيه و ربع ... و صناعه ايطالى