الموضوع: عايز اعرف اسعار Byd F3

المشاركة الأصلية كتبت بواسطة muslem

فيها كمان فتحة سقف و تكييف ديجيتل بيشتغل بدرجة الحرارة
يعنى حوالى عشر حاجت زيادة بس اهم حاجة فيهم فتحة السقف

طب بعد اذنك يا استاذ مسلم ممكن حضرتك تقولى ايه الحاجات اللى غيرتها فى العربية من ساعت مشتريتها او اسعارف الحاجات اللى اتغيرت فى الصيانة الدورية من فلاتر و تيل و اسعار المصنعية و معدل استهلاك البنزين

و سؤال تانى الموديل اللى بـ 68 الف دة فى كل الكماليات العادية ما عدا الـ AirBag - Abs -EBD ؟؟؟؟

اسف انا بتقل على حضرتك :)

المشاركة الأصلية كتبت بواسطة Hacker5

طب بعد اذنك يا استاذ مسلم ممكن حضرتك تقولى ايه الحاجات اللى غيرتها فى العربية من ساعت مشتريتها او اسعارف الحاجات اللى اتغيرت فى الصيانة الدورية من فلاتر و تيل و اسعار المصنعية و معدل استهلاك البنزين

و سؤال تانى الموديل اللى بـ 68 الف دة فى كل الكماليات العادية ما عدا الـ AirBag - Abs -EBD ؟؟؟؟

اسف انا بتقل على حضرتك :)

لا مفيش حاجة ولة يهمك ايوة اللى ب68 فيها كل الكماليات العادية الا الAirBag - Abs -EBD
و الفرش مش جلد و الاكر مش نيكل و الجنوط مش اسبور يعني شوية رفهية مش موجودة فيها بس طبعا فيها الزجاج الاربعة بالكهرباء و المرايايعني الاوبشن فيهااكتر من اللانوس الكاملة
لما عملت صيانة لل1000 كيلو غيرت الزيوت بتاعت الفتيس و المتور و ده كلف حوالى 350 او 300 جنية مش فاكر بالضبط يعني سعر الزيوت و اللىمنها زيت موبل ون هو اللى تكلف و عملت ضبط زوايا طبعا على حسابهم
من حيث معدل استهلاك النزين فهو بالنسبة للطريق الطويل على سرعة حوالى 100 كيلو بيعمل فعلا 4.5 تقريبا او اقل شوية لتر لكل 100 ده عن تجربة لما سافرت بيها يعني مليت التانك و لما وصلت الاسكندرية كان لسه فول تانك و شغلت التكييف تلتين المسافة
هى عاملة لغاية دلوقتى 3380 تقريبا
بس و اتحبطت من كام يوم فى الباب و الرفرف