افيدوني افادكم الله يا خبراء الفليشيا

**Cater** · 29-10-2012 12:33 AM

السلام عليكم ورحمة الله وبركاته
انا جديد في موضوع السواقه والعربيات
ومحتاج اجيب عربيه وبما اني كل اللي معايا 30 الف ففكرت في الفيلشيا
بس في ناس كتير بيقولولي ابعد عنها علشان قطع غيارها وبتسخن ودي اكتر مشاكلها والصنيعيه بتوعها قليلين جدا
فحضرتكم تنصحوني اجيبها ولا اغير القبله ؟
ارجو منكم الافاده لان حضراتكم طبعا عارفين ان القرش الحلال مش بيجي بالساهل في بلدنا وخايف اضيع القرشين في حاجه مش كويسه
واسف للاطاله
والسلام عليكم

**a_hejazy** · 29-10-2012 08:43 AM

السلام عاليكم

الفليشيا عربيه محترمه جدا ويعتمد عاليها بس بشرط الحاله وتكون ايدك فيها اول بأول زى أى عربيه
بالنسبه لقطع الغيار مفيهاش مشكله خالص أنا عن نفسى معايا بقالها 10 سنين والحمد لله مفيش مشاكل فى قطع الغيار
موضوع الميكانيكيه سهل لأنها مفيهاش اختراع بالعكس كل حاجه فيها مبسطه واى ميكانيكى فاهم هيشتغل فيها بس المهم انك تكون ثابت مع واحد ومتغيرش الميكانيكى بتاعك كل شويه
بس أنا عن نفسى مش برشحلك الفليشيا ابعد عنها لأن تقريبا 90 % من العربيات الى فى السوق كلها بحاله تعبانه ولو لقيت واحده كويسه لازم يكون عندك خلفيه كبيره عن السيارات وعن الصيانه الدوريه وانك تشتغل بنفسك فى العربيه
ده مجرد رأى أنا الشخصى.
وربنا يوفقك وتلاقى حاجه كويسه وتاخد خيرها ويكفيك شرها

**benmatar** · 29-10-2012 10:28 AM

إن شاء الله تركب عربية كويسة تريحك
الفيليشيا بصفة عامة من العربيات الكويسة جدا كمان
إيه عربية أوروبي في العشرينات صاجها ناشف وتستحمل الدغدغة وشوارعنا والموتورها حمال أسية وراكزة في السرعات فعلا بالنسبة للعربيات الصغيرة مع توافر ورخص قطع الغيار؟
المهم زي ما الأخ الفاضل نصحك .... الحالة ثم الحالة ثم الحالة اللي هتشتري العربية بيها، واعمل حسابك إن لو معاك 30 يبقى تشتري حاجة تعمل 27-28، والباقي تظبط بيه العربية زي جوز كاوتش زيرو لو محتاجة أو بطارية مع زيوت وسيور وفلاتر وبوجيهات ومراجعة سريعة على العفشة مع التربيط ومراجعة كهربائية
وبكدة فليشيتك تبقى جاهزة للنزول في ساحة المعركة
حكاية الحرارة دي ليها حلول كتير ومش عيب وإنما الفيليشيا أساسا أوروبي وكانت للسوق الأوروبي وفتحات دخول الهواء ضيقة، تعمل مروحة اضافية والمشكلة تتحل تماما مع التأكد إن الردياتير سليم ونظيف وطلمبة المياه أصلي ومشكلتك تنتهي
العربية بصفة عامة تستحمل وحجم شنطته احسن من عربيات كتير بنفس حجمها
ارجو اكون افدتك ويسعدنا انضمامك لفرسان الفيليشيا

**Cater** · 29-10-2012 08:25 PM

المشاركة الأصلية كتبت بواسطة a_hejazy

السلام عاليكم

الفليشيا عربيه محترمه جدا ويعتمد عاليها بس بشرط الحاله وتكون ايدك فيها اول بأول زى أى عربيه
بالنسبه لقطع الغيار مفيهاش مشكله خالص أنا عن نفسى معايا بقالها 10 سنين والحمد لله مفيش مشاكل فى قطع الغيار
موضوع الميكانيكيه سهل لأنها مفيهاش اختراع بالعكس كل حاجه فيها مبسطه واى ميكانيكى فاهم هيشتغل فيها بس المهم انك تكون ثابت مع واحد ومتغيرش الميكانيكى بتاعك كل شويه
بس أنا عن نفسى مش برشحلك الفليشيا ابعد عنها لأن تقريبا 90 % من العربيات الى فى السوق كلها بحاله تعبانه ولو لقيت واحده كويسه لازم يكون عندك خلفيه كبيره عن السيارات وعن الصيانه الدوريه وانك تشتغل بنفسك فى العربيه
ده مجرد رأى أنا الشخصى.
وربنا يوفقك وتلاقى حاجه كويسه وتاخد خيرها ويكفيك شرها

شكرا لمرور حضرتك - طيب حضرتك ترشحلي ايه في حدود 28 الف علشان اكيد هنظبط بالفين

**Cater** · 29-10-2012 08:26 PM

المشاركة الأصلية كتبت بواسطة benmatar

إن شاء الله تركب عربية كويسة تريحك
الفيليشيا بصفة عامة من العربيات الكويسة جدا كمان
إيه عربية أوروبي في العشرينات صاجها ناشف وتستحمل الدغدغة وشوارعنا والموتورها حمال أسية وراكزة في السرعات فعلا بالنسبة للعربيات الصغيرة مع توافر ورخص قطع الغيار؟
المهم زي ما الأخ الفاضل نصحك .... الحالة ثم الحالة ثم الحالة اللي هتشتري العربية بيها، واعمل حسابك إن لو معاك 30 يبقى تشتري حاجة تعمل 27-28، والباقي تظبط بيه العربية زي جوز كاوتش زيرو لو محتاجة أو بطارية مع زيوت وسيور وفلاتر وبوجيهات ومراجعة سريعة على العفشة مع التربيط ومراجعة كهربائية
وبكدة فليشيتك تبقى جاهزة للنزول في ساحة المعركة
حكاية الحرارة دي ليها حلول كتير ومش عيب وإنما الفيليشيا أساسا أوروبي وكانت للسوق الأوروبي وفتحات دخول الهواء ضيقة، تعمل مروحة اضافية والمشكلة تتحل تماما مع التأكد إن الردياتير سليم ونظيف وطلمبة المياه أصلي ومشكلتك تنتهي
العربية بصفة عامة تستحمل وحجم شنطته احسن من عربيات كتير بنفس حجمها
ارجو اكون افدتك ويسعدنا انضمامك لفرسان الفيليشيا

شكراً لاهتمام حضرتك ويارب اجيب حاجه كويسه