+1- الفانتازيا أوتوماتيك و السوبيرب مانوال.
- الفانتازيا عمر محركها الإفتراضي أطول من السوبيرب.
- لو عملنا مقارنة نسبية بين أداء السيارتين مش هتلاقي الفرق المنتظر والسبب فرق الوزن بين العربيتين ( الفانتازيا رغم إنها تقيلة تقل غبي - السوبيرب أتقل ) فلو هنقول إن الفانتازيا محركها صغير عليها..بردو هنقول إن الـ 1400 سي سي 122 حصان صغير علي السوبيرب.
- كل الكماليات الموجودة في السوبيرب موجودة في الفانتازيا مع وجود فارق لصالح الفانتازيا في النظام الصوتي ( harman/kardon مقابل basic sound system )
- طبعا الصالون في السوبيرب أوسع من الفانتازيا لأن طول العربية وقاعدة العجلات أكبر من الفانتازيا.
- نقطة البنزين مفروغ منها لازم 95 في السوبيرب..مقابل الفانتازيا اللي لو حطيتلها 90 لو أجبرتك الظروف..مش هتقولك حاجة.
* الخلاصة.
السوبيرب عربية جميلة وتصميم جميل وفيها فخامة -- لكن متتركبش فئة 1400 سي سي منوال..تتركب بقي 1800tsi 7gangs dsg وعيش حياتك ( بس مع مراعاة عيب الـ dsg )
الفانتازيا أنا بعتبرها فلتة من فلتات سيارات فئة الـ 1600 سي سي لأن العربية دي تقريباً كده الشركة نسيت وإتغابت في توفير كل ما تتمناه في عربيتك..يعني مسابتش حاجة إلا وعملتها ووفرتها في العربية..يا راجل ده لو قارنت بيتها وبين النسخة الأصلية منها ( جيتا ) هتلاقي إن كماليات الفانتازيا أكتر من الجيتا حتي في البيز لاين.
ده خلاصة الكلام بما يرضي الله.
dsg عيب مش سهل حتى الأن
المفضلات