الموضوع: استفسار بخصوص ايموبيلايزر اللوجان

اعتقد ان عنوان الموضوع كان لازم يكون طلب مساعدة او ا ستفسا ر مش خدعة

المشاركة الأصلية كتبت بواسطة rodi007

بصراحة مش فاهم الكود بيتغير ازاي مع كل دوارة للعربية... المفتاح مفهوش حاجة تنتج اكواد جديدة... الا اذا كان الكونتاكت نفسه بيبرمج المفتاح مع كل دوارة على كود يتعرف عليه المرة اللي جاية..

طب حتى لو كدة المفاتيح الاحتياطي بتشتغل ازاي؟؟!!!

اسئلة كتيرة محتاجة لفهم و بصراحة و عموما ... التكنولوجيا ملهاش كبير

المفاتيح الاحتياطي كلها فيها نفس الشفرة الثابتة .. علشان كده كلها بتشتغل.

بالنسبة لطريقة عمله، اللوحة الرئيسية للعربية ECU متسجل فيها كود معين، نفس الكود ده متسجل في المفتاح. بس لو المفتاح بعت الكود ده للECU مباشرة زي العربيات القديمة حايبقى سهل حد يكتشفه ويعمل عليه.
طريقة عمل Immobilizer اللوجان إنه الECU بتجيب كود عشوائي كل مرة تحط المفتاح فيها، وتشفر بالكود الثابت الكود العشوائي ده وتبعت الناتج للمفتاح .. يروح المفتاح فاكك الشفرة بالكود الثابت اللي متسجل فيه ويبعت الرقم العشوائي للECU ولو طلع صحيح تدور العربية.

يعني ببساطة في الECU:
الكود الثابت + كود عشوائي متغير كل مرة = كود جديد يتم إرساله للمفتاح
في المفتاح:
الكود الجديد المرسل ليه + الكود الثابت = الكود العشوائي المتغير كل مرة يتم إرساله للECU ولو نفس الكود العشوائي يشتغل.
طبعا علامة + مش مقصود بيها جمع .. لكن ألجوريتم أو طريقة تشفير معينة.

يعني الكود الثابت محمي ولا بيتبعت ولا بيستقبل .. وطبعا كل ده بيبقى عبارة عن نبضات كهربائية بتعدي على المجال المغناطيسي بتاع المفتاح وترد تاني على الECU.

المشاركة الأصلية كتبت بواسطة doctoreng

سؤال الأخ rodi007 معناه لو أنا شغلت العربية أمس بمفتاح الريموت ، هذا المفتاح سيكون قد اكتسب الكود العشوائى أمس.
لو أردت اليوم لأى سبب أن أشغل العربية بالمفتاح الاحتياطى ، المفتاح الاحتياطى به الكود العشوائى الذى كان موجودا منذ استخدامه آخر مرة ولتكن منذ شهر مثلا. فهل يتمكن المفتاح الاحتياطى من تشغيل السيارة اليوم؟

لأ انت فاهم غلط
الكود العشوائي لا يسجل في المفتاح
الكود الثابت مسجل في كل من المفتاح والecu
أما الكود العشوائي يتغير كل مرة ويتم إنتاجه عن طريق الecu ثم تشفيره عن طريق الكود الثابت
وإرسال الناتج للمفتاح الذي يقوم بدوره بفك شفرة الكود المشفر المرسل له عن طريق الكود الثابت
ويقوم بإرسال الكود العشوائي للecu ولو طلع مطابق يشتغل المحرك .. وبكده يكون دور الكود العشوائي ده خلص خلاص
والمرة الجديدة التي يتم فيها تدوير العربية ينتج الecu كود عشوائي جديد وهكذا

أما إذا كان كود المفتاح الثابت مختلف عن الكود الثابت للecu يبقى المفتاح لما يفك شفرة الكود المرسل له سيعطي ناتج مختلف عن الرقم العشوائي المشفر من الecu فلا تدور.