الموضوع: استفسار بخصوص ايموبيلايزر اللوجان

مثال علشان اللي مش مستوعب الفكرة:

لنفترض إنه التشفير هو "جمع الأرقام" (طبعا هو أعقد من كده لكن ده مثال بسيط)
يبقى فك التشفير حايبقى "طرح الأرقام"

لو الكود الثابت المسجل في الECU و المفتاح هو 123
جيت أدور العربية .. الECU طلع رقم عشوائي كل تدويرة بيتغير وليكن 222
ثم يقوم الECU بالتشفير أي جمع الأرقام ويكون الناتج 123 + 222 = 345
فيقوم الECU بإرسال الكود 345 إلى المفتاح

المفتاح يقوم بفك الشفرة أي طرح الأرقام 345 - 123 = 222 ويرسل الناتج 222 إلى الECU
يقوم الECU يقارن ويشوف 222 صح ولا غلط ولو صح يدي أمر إرسال البنزين وخلافه لتشغيل العربية

أما لو المفتاح مسجل فيه كود ثابت تاني غير 123 حاييجي يطرح 345 - 111 مثلا حايعطيه ناتج مختلف عن 222 فالعربية ماتدروش

أتمنى كده تكون وضحت الفكرة

المشاركة الأصلية كتبت بواسطة TheGhostFish

يا باشا ركز شوية معايا

المشاركة الأصلية كتبت بواسطة TheGhostFish

مافيش كود جديد وكود قديم

هو كود واحد ثابت في المفتاح ولوحة العربية
ونفس الكود ده موجود في في كل المفاتيح الإحتياطي

الكود العشوائي ده كود مختلف تماما لا يستحث ولا يسجل على المفتاح لا الأساسي ولا الإحتياطي
الكود العشوائي يستخدم في طريقة إرسال البيانات بين المفتاح واللوحة زي مانا وضحت في المشاركات السابقة

برنس