الموضوع: خبر عاجل .. عروض استبدال الصنى القديمة بالجديدة واستلام فورى

المشاركة الأصلية كتبت بواسطة ahmedesmat1987

هو ليه دايما المصريين بيحبو يسمعو ولما يجو يتكلمو كانهم جربو اهو بسبب الكلام دا ال504 فضلت ماسكه سعر متستحقهوش لمده سنين وال131 كانت مرسيدس الفيات وسعرها فى العلالى كل دا بسبب الكلام لان المصريين معندهومش وسطيه لما تعجبهم حاجه يبلغو فيها اوى اوى ولما يتديقو من حاجه ينسفوها .......نفس فكره ان اليابانيين بجبروتهوم وعلمهم واسمهم وقفو باخر اصدار للكورولا عند 1994 ...وكل اللى جاى حماده تانى خالص......مع احترامى لجميع العربيات الجباره اللى تكلمت عليها عربيات كويسه جدا لاكن مكنتش تستاهل الاسعار اللى المصريين تمنوها بيها والا كانت بلدها اللى صنعتها اولى انها ترفع سعرها لحد دلوقتى زى ما احنا عملنا ........ معنى كلام حضرتك ان مفيش عربيه محترمه فى التويوتا غير الملكه...هو للاسف كلام حضرتك غلط وياريت تجرب موديلات التويوتا وتعاشيرها قبل ما تتكلم مش تاخد بيها لفه وتنزل........ لان بجد والله انا مجرب العربيات دى كلها بما فيهم النيسان 2009 اوتو ومانيوال ومجرب جميع اصدارات التويوتا............وبلاش اقول راى لانو لا مكانهولا وقته وممكن كمان القسم يزعل منى وانا فى غنا عن دا..........

استاذ أحمد .. انا كلامى بناءا على تجربة الكورولا موديلات 1996 - 1999 - 2003 - 2007 - 2011 - 2012
وسوقت لتويوتا عربيات تانية غير الكورولا زى الكامرى (فى السعودية زى الفيرنا فى مصر كده) والفورتشنر والبرادو
وأى عربية عاوز اجربها مش باخدها لفة من حد ولا حاجة .. باعدى على اى معرض ايجار عربيات وأأجرها يوم ولا يومين بفضل ظروف شغلى فى السعودية وافصصها عشان احكم عليها مظبوط بدون مجاملة أو إجحاف ويكفى ان ظروف التشغيل هنا اقسى بكتير عن مصرنا الحبيب اللى فيها العربية بتتفحت 15-20 سنة ركوب وعمرات وفى الاخر تتباع بنفس ثمن شراها او اغلى كمان !!!

واى عربية تويوتا ركبتها ما حستش فيها بمتعة خالص وده لأنى حساس شويتين مع العربيات ومش اى عربية تدخل دماغى او تكيفنى فى سواقتها

احب اقول لحضرتك انى باحس برفة كبالن الالانترا والماتريكس اللى مقطعين المبيعات فى السوق المصرى تحت رجلى وانا راكب جنب اللى سايق مش سايق بنفسى كمان على سرعات 90-100 كم/س

يعنى لا هو كلام منقول ولا كلام مبالغ فيه .. وكلامى هو هو فى قسم نيسان او تويوتا او غيرها او برة نايل موتورز خالص لأنى عمرى ما باقول او اعمل اى حاجة غير مقتنع بيها والحمد لله عمر ما نظرتى بتخيب

وفى الاول والاخر ده رأيى وغير ملزم لأى حد زى ماهو رأى حضرتك وغير ملزم ليا