احمد بيه اهلا بيك معانا واتشرفنا بيك .. انا اليومين دول بسمع كلام .. لازم اعلق عليه
وهو
ان فى قسم نيسان مش بيحبوا حد ينتقد .. حنقول كلام حيزعلكم .. قسم نيسان متحيزين .. قسم نيسان بيقول كلام دعائى
وكل الكلام ده مش صحيح
اولا .. احنا فى مصر معندناش الخبرة فى التقييم السليم .. لان الناس بتقيم باسباب مختلفة وفقا لظروفها وثقافتها الخاصة
ثانيا .. احنا كملاك لسيارات واتعاملنا مع الوكيل عندنا .. شوفنا مميزات منه وشوفنا عيوب .. مميزاته اكثر من عيوبه .. ومع ذلك بنتناقش معاهم فى العيب دايما .. وبصراحة ماشوفتش توكيل فى مصر فاتح بابه للنقاش مع عملائه ابدا زى نيسان .. ودى حاجة تحسب للتوكيل .. وفى نفس الوقت مش معنى اننا فتحنا خط ساخن معاهم للنقد .. اننا ننقد بسخرية او باستهزاء او باسلوب خارج .. وبنوصل النقد باسلوب الحمد لله بيزيدنا تقدير عندهم ومش بنخسرهم او بيخسرونا .. ومش كدا اننا بنطبل لحد عشان نعمل دعائية
الحكاية انك عندك طفل ويهمك مصلحته لانه ابنك وعايز تسقيه الدواء ولو هو مش حابة ولازم تسقيه الدواء ممكن تحطله سكر فى الدواء .. المهم فى الاخر حتسقهوله فى الاخر ..
او بطريقة اخر مثل لو عندك طفل وبيتعلم .. كل ما بتعاقبه باسلوب حاد .. حيكره التعليم .. وحيبعد عنك .. فلازم تتبع مبدا الثواب والعقاب باسلوب محترم عشان يحبك ويحب انتقادك ويعمل بيه
وياما توكيلات الى الان فى سيارات منافسة عارفة عندها عيوب ومش بتعالج وتصلح من حالها
ثالثا .. كل العربيات فيها مزايا وعيوب .. وكل واحد زى ما قولنا بيقيم وبيختار من وجهة نظر ظروفه وسواقته وثقافته .. فاحنا هنا فى القسم اللى بيزعلنا احنا كاعضاء بردوا ان حد يعطى حكم كلى ويعمم فى حكمه على ان كل العربيات كدا فيها العيب ده وفيها وفيها
لكن شوف دكتور يوسف قالك ايه ... مع انه عنده خبرة وجرب العربيات .. ولكن فى النهاية قال ان دى وجهة نظره الشخصية
رابعا .. الحمد لله كل موضوعاتنا وارائنا كلها تطوعى وفى الله .. وبدون مقابل ومفيش حاجة اسمها دعاية .. ولو كنا بنعمل دعاية كان زمنا اخدنا عربيات من نيسان وعدينا مرحلة الفقر
والاعضاء هنا والتوكيلات موجودة وممكن اللى بيتكلم يسال ويتاكد اننا مش بناخد حاجة من الاعضاء ولا التوكيل والموقع .. بل بالعكس بندفع حاجات من مصارفنا الشخصية لخدمة الناس .. عشان كله فى الله
خامسا .. انا كلامى مش هجوم والله .. انا كنت بوضح للاعضاء الاخرين فى كل الاقسام .. واتمنى كلامى يوصلهم
وبالعكس احنا بنتشرف بيك وبرائيك .. وكلنا اخوة فى الله فى منتدى واحد
وساسا .. اتشرفنا وحنتشرف دايما بمداخلاتك .. وقول زى ما انت عايز .. نختلف او نتفق .. لكن فى الاخر احنا اخوة فى الله ولينا الشرف نكون اصدقاء .. لان كله فى الاخر صاج
تحياتى ليك وللجميع
المفضلات