الموضوع: ماذا يقول الناس عن كورولا منذ نشئتها ( اه يامرارتي ) !

المشاركة الأصلية كتبت بواسطة y a r i s

ماشي مش حضرتك بتقول ان العربية شعبية في الكويت الي معدل الدخل فيها مرتفع جدااااااً
قلي بقه يابطل اخبار الرينو عندك ايه في الكويت هههههه. ولا في اوكتافيا هناك في الكويت اساساً وايه اخبار الاوبل كمان. ياريت تقلي
الي اتوقع ان نسبة وجودهم في الدول دي. = صفرررررر.
اتمنى الاجابة رغم ان الي اعرفوا ان عربيات الاتاري في الكويت بي ام دبليو الفئة السابعه او الخمسة مزبوط .... وتحياتي

بص هى الرينو شبة مش موجودة مشفتش مع ان عليها ضمان 10 سنين
الاوبل مش موجودة نهائياً
التويوتا شعبية اه لكن اى حد كويتي مبيركبش توتوتا دى معمولة للشغل والمشاوير بس
لكن الاوروبى موجود وكتير كمان لاند روفر موجود الفولفو موجوده الاسكودا منتشرة الفولكس فاجن منتشرة المرسيدس موجودة البى ام موجودة بس بنسبة اقل

المشاركة الأصلية كتبت بواسطة omaroof

اخى العزيز مستغرب من كلامك جدا
1- الكورولا سيارة متواضعه ده على اساس ايه؟؟؟؟؟؟؟؟؟؟
انها رقم واحد فى مبيعات الفئه دى فى العالم
وحضرتك قلت عربيه شعبيه هى بالنسبه لمصر موش شعبيه ولا حاجه الا لو كنت بتتكلم على اللادا والشاهين
وكمان حضرتك ماينفعش تقارن اى حاجه بالالمانى حتىالالمانى بيتفاوت فى التصنيف
يعنى الاوبل مايتقرنش بالبى ام والمرسيدس
المفروض اننا بنتكلم على عربيه متوسطه تجمع مميزات كثيره اعتماديه وقطع غيار معمرة باسعار معقوله واقل عربيه استهلاك للبنزين فى فئتها
اما لو حانتكلم على الالمانى خامات ممتازه قطع غيار معمرة جدا وغاليه جدا جدا دا اذا لقيتها بره التوكيل ده حتى فى قطع التوكيل بيديك ميعاد بعد شهر او اتنين عشان يبعت يجيبها من بره واستهلاك عالى للبنزين
فالمقارنه فى ايه بالظبط سعر العربيه ؟؟؟؟؟؟؟؟؟؟؟؟؟؟؟
الكورولا سعرها كام ؟ والفور فوكس بكام؟ والبى ام 316 بكام ؟؟؟؟؟؟؟؟؟؟؟؟

أحترم رأيك
وعلى فكرة Yaris هو اللى جاب سيرة الألمانى

وكلمة متواضعة لم أقصد بها الأساءة لكنها لا تستحق التحيز من yaris بالشكل دا ضد عربيات أعلى منها فى حاجات كتير وتقريبا فى نفس سعرها حاليا
وعلى فكرة قطع غيار الأوروبى متناسبة مع قطع غيار الكورى واليابانى وليست متفاوتة فى نفس الفئة تقريبا

إنما الفكرة إن الكورولا فى أى حتة قطع غيار الأصلى والتقليد إنما الأوروبى بشكل عام بتلاقى قطع غياره فى أماكن معينة والأصلى بيعيش
هو دا سر حب ناس كتير لعربية منتشرة وليها قطع غيار مضروبة فى كل مكان ودا فى حد ذاته شئ مش فى صالح المستهلك وبيضر العربية

ياراجل يا طيب ده فية ناس طيبين فى مصر بتقارن الكامرى بال bmw الفئة الخامسة

المشاركة الأصلية كتبت بواسطة y a r i s

في حكمة بتقول ( الرينو الله يعينوا )
وطول عمر الرينو يامحمد يا عادل ياحبيبي هههههه شركة خاسرة .... وكانت. شركة رينو مرة تتعجز على بيجو .... وكانت شركة بيجو بتعطف عليها وتساعدها لوجه الله ولانهم ولاد بلد وحدة .... ومرة شركة رينو تتعجز على شركة فولفوا ....

المهم لحد ماجيت شركة فولفوقالت لها اخلصي بقه احنا لحد ايمتى هنفضل نساعدك ما تعتمدي على نفسك .بقه مش عملالي نفسك عربية .... المهم فين وفين. ربنا كرمها ولقت شركة. نيسان تتعجز عليها وتتسند عليها علشان توقف .... ولولا الله. ثم شركة نيسان كان زمانهم قفلوا او قلبوا مصنع رينو مصنع حاجة ساقعة او مياه غازية فرنسية هههههههه

حبيبي يا محمد بهزر معاك .... بس انا مبهزرس ان شركة رينو شركة تعبانة من قديم الازل حتى لو كانت تصميمهم جميلة .... لاكن رينوا لاتتحمل الطقس الحار بتاتاً وعربية غير اعتمادية بالمرة بعكس تويوتا

عندك في فرنسا طالع قانون عمر العربية خمس سنوات ثم تعدم وتكهن لذلك شركة رينو مبتهتمش انها تنتج عربية للعمر بالزات انها شركة في الاساس مملوكة للدولة يعني شركة حكومية بعكس بيجو الي هيا قطاع خاص .... بعكس اليابان ،واليابانيين الي بيحب ينتجو سلعة معمرة .... ومين فينا مجربش تلفزيونات وفديوهات وغسلات ناشونال بتاعت اليابان ... انا لسه عندي فديدو ناشونال محتفظ بيه بقالوا عشرين سنة وشغال زي الفل بس معنديش شرايط ليه


اما يا راجل ياطيب تقول عن تويوتا عربية شعبية ... ااااااااه هيا فعلاً عربية شعبية ومحبووبة من جميع شعوب العالم برغم ارتافع ثمنها .... ويكفي ملاك تويوتا حجم مبيعات تويوتا في اوروبا وامريكا ذات نفسها .... يكفي ان تويوتا هي صانع العربيات رقم واحد في العالم .... لذلك هيا حلم لكتيرررررررر من شباب العالم انو يقتنيها

وتعاله يا محمد باشا مش انتا معاك ميجان ٢٠٠٧ تعاله نقيس كفائتها بكفائت عربية كورولا ١٦٠٠ موديل ٢٠٠٧
بلاش كده مش هما الاتنين. كانوا بيتباعوا زيروا بنفس السعر. تعاله بيع عربيتك النهرده شووف هتجيبلك كام وتعاله بيع عربية كورولا. ورشة وشوف هتجيب كام وعلى فكرة الكلام ده مش بس في مصر .... اسئل حتى باشمهندس احمد استشاري قسم رينو مش هو عايش في الامرات. اسئلوا عن الفرق بينهم في الامرات سعر التويوتا وسعر الرينو

ونفسي اعرف ايه الاداء المتواضع الي في تويوتا على الطريق عاوز افهم هل بتدوس بانزين. مبتستجيبش معاك
هل مفهاش نظم امااااان هل انت جربت تويوتا كورولا !!
هل فراملها سيئة !!!!! هل تعلم ياسيدي ان في رينوا انتا بتدوس على دواسة البانزين وبتدوس فرامل مش كده. احنا في تيوتا كورولا بسم الله مشاء الله. والله اكبر بنحسس بطرف صباع رجلينا الكبير عدم اللمؤخزة

ففين الاداء المتواضع. الدريكسيون مش انتا بتلف الدريكسيون بايدك ....
في الكورلا بتلف الدريكسيون. بصباعك او براحة ايدك
التسارع من صفر لمية شوف التسارع في الفلورنس كام وفي الكورولا كام !

توفر قطع الغيار .... اقولك ايه كمان .... وبعدين ياباشا العربية الشعبية دي الي بتقول عنها تمنها ب ١٦٠ الف جنيييييييييييييييية
فمش اي حد يقدر يركبها ومع ذلك بسم الله مشاء الله منتشرة .... وتحياتي ليك يا صديقي العزيز .

أهاهاهاهاهاهاهاها
يعنى دا تاريخ شركة رينو ؟؟؟؟؟؟ عليك طريقة كوميدية بشكل

بدون جدال يا صديقى العزيز عجبتنى طريقة سردك للموضوع جدا لكن كان ممكن نحط ميجان بدل الكورولا لأن هى اللى تستحق الموضوع بتاعك بجد