ماذا يقول الناس عن كورولا منذ نشئتها ( اه يامرارتي ) !

**Y a r i s** · 31-10-2012 12:48 PM

المشاركة الأصلية كتبت بواسطة Ahmed_Adham

واحد الله يمسيه بالخير قال

Toyota in the garage is money in the bank

والمقصود انها عربيه تتميز بالاعتماديه وعشريه واللي بيجيبها بيبقى من النوع اللي مبيغيرش كتير. وكنت قريت رقم ان 25% من اللي بيركبو تيوتا لما بيغيرو بيجيبو تيوتا برضه سواء عربيه أعلى او الموديل الجديد من نفس العربيه.

وفيه حقيقه تانيه ان الكرولا أكتر عربيه باعت على مدار التاريخ ووصلت 39 مليون عربيه فأكيد 39 مليون شخص مختاروش غلط

ولكن

كل واحد بيجيب العربيه اللي تحقق المعادله اللي هوه حاططها لنفسه ومش معنى ان عربيه ناجحه فى السوق تبقى مناسبه لاحتياجاتي.

بالنسبه لموضوع الكويت فهقولك

التويوتا واليابانى عموما منتشر جدا وهوه رقم واحد ومنهم كرولا ونيسان صني للمقيمين والتاكسيات والكامرى والبرادو واللاند كروزر للكويتيين مع شويه ماكسيما والتيما من نيسان للكويتيين برضه (حريمي اكتر) ده غير اللكزس طبعا ودي منتشره مع الحريم أكتر.

الامريكي رقم 2 وتلاقيه قوي فى العربيات ال SUV زى اليوكن وتاهو

الاوروبي أقل حاجه هناك فى الانتشار وسعرهم بيقع بسرعه جدا زي البي ام والمرسيدس - سكودا وفولكس شبه مش موجودين

الحلو بقى هناك ان السوق مختلط بشكل فظيع يعني موجود فى الشارع كل نوع عربيه تتخيله ومتتخيلوش بس بدرجات فى الانتشار

والحلو انك تاخد عربيه كسر زيرو بنص التمن أو اكتر حاجه بسيطه يعنى أول واحد يبيع هيه اللي بيشيل الليله وبعد كده الخساره بتبقى بسيطه وممكن تبيع وتكسب كمان.

§ ♥【★】 استاااااااااااااااااااااا ااااذ ورئيس قسم【★】♥
وحقيقي. فعلاً ان الي بيركب تويوتا حقيقي مبيعرررفش يركب عربية تانية .... واذا ركب فبيجيلو احساس بالمرارة ... والاحباط ويحس بعدم الامان وعدم الاتزان ، وان في شيء خطيرررر ناقصوا

ويحس ان الايام ملهاش امان ويقعد يلووم نفسوا انا ايه الي عملتوا في نفسي ده حد يبيع تويوتا .... وتلاقي الناس تطب طب عليه وتقولوا وحد الله متعملش في نفسك كده العربيات بتروح وبتيجي ...

في عربيات كده بتلعق مع الواحد وحتى لمن يبعها يقعد يذكرها ويترحم على ايامها الحلوة ....

بس هيا نسبة ٢٥٪. قليلة شوية. هيا اكتر من كده يعني نقدر نقول ٦٠٪ من مالكيها

وياه على الكويت وجمال الكويت .... انا بشوف مسلسلاتهم والقصووووووور الي بيصورو فيها ولا عربياتهم وبقول ياولاد اللذينة ايييييييه ده اييييييه ده كلو بسم الله مشاء الله ده. مش ناقص غير يجيبوا الحور العين تقعد ترقص حوليهم وبستغرب جداً من الناس الي بتتظاهر في الكويت ( عدى البدون ). بقول سبحان الله الفراغ وووحش هههههههه. قاعدين فاضين ومش لاقين حاجة يعملوها فقالوا يالله نطلع نتظاهر ومرة يحلو البرلمان ومره يحلو الحكومة قاعدين فاضين ومش ناقصهم حاجة ههههههه. ( عيني عليهم بارده اللهم لاحسد ههههه)

لا ويقولك جايبن عربيات موستينج علشان يطاردوا الفارين من العدالة
طيب ماتيدوهالي انا وانا هسيب شغلي ومراتي وعيالي واروح اطاردهم انا
هههههههههههههه

واودي كمان

**تامر.محمد** · 31-10-2012 01:00 PM

انا كنت ناوي اعلق على الموضوع انما شكله هايقلب خناقة بين تويوتا و رينو و مش عارف ليه جت سيرة رينو اصلا

هو عشان واحد قال كلمتين ما عجبونيش على ماركة انا راكبها لازم ارد عليه بأني ادخل شمال في الماركة اللي هو راكبها ؟؟؟

ثقافة لازم تتغير

**Y a r i s** · 31-10-2012 01:18 PM

المشاركة الأصلية كتبت بواسطة تامر.محمد

انا كنت ناوي اعلق على الموضوع انما شكله هايقلب خناقة بين تويوتا و رينو و مش عارف ليه جت سيرة رينو اصلا

هو عشان واحد قال كلمتين ما عجبونيش على ماركة انا راكبها لازم ارد عليه بأني ادخل شمال في الماركة اللي هو راكبها ؟؟؟

ثقافة لازم تتغير

. لا ياتمور باشا .... انا ومحمد العدل صحاب .... وهو بيحب يناغشني شوية وانا اناغشوا شوية .... عادي يعني صحاب. وبنهزر مع بعضينا عادي يعني هههههههه
وفي الاول والاخير احنا بنتكلم عن عربيات .... زي لمن توقعد انتا واحد صاحبك ومعاك اي فوون وهوا معاه جلاكسي وتقعدوا تغيظوا بعض كده ههههه. وكل واحد يتباها. بالبرامج الي عندوا عادي يعني مجرد دردشة

**تامر.محمد** · 31-10-2012 01:34 PM

المشاركة الأصلية كتبت بواسطة y a r i s

. لا ياتمور باشا .... انا ومحمد العدل صحاب .... وهو بيحب يناغشني شوية وانا اناغشوا شوية .... عادي يعني صحاب. وبنهزر مع بعضينا عادي يعني هههههههه
وفي الاول والاخير احنا بنتكلم عن عربيات .... زي لمن توقعد انتا واحد صاحبك ومعاك اي فوون وهوا معاه جلاكسي وتقعدوا تغيظوا بعض كده ههههه. وكل واحد يتباها. بالبرامج الي عندوا عادي يعني مجرد دردشة

ان كان كده ماشي :))))))))

نطلع احنا منها :)

على العموم و طالما مافيش خناقات في الموضوع

انا قبل ما اشتري ميجان فكرت في التويوتا الشكل بتاع 2006 ده فعلا , لكن لما درستها اكتر لقيت التابلوه بتاعها شكله مش فخم و كمالياتها قليلة (ناس كتير ما بيفرقش معاها الحاجات دي و بتعتبرها تفاهات و ده حقهم , لكن معايا عموما بتفرق) و من هنا لقيتها مش مناسبة لاحتياجاتي و صرفت نظر عنها

(مش هاجيب سيرة ميجان خالص )

بالنسبة لشكلها من برة فكان و مازال مش عاجبني خصوصا من ورا , لكن لاحظت انها لو اتغير لها الفانوس الخلفي لفانوس ليدات و اتركب لها جنوط سبور بتفرق كتير اوي اوي اوي

عموما الكورولا للأسف تصميماتها كشكل من زمان تقليدية اوي مش عارف ليه , مش بيصرفوا على الشكل خالص او فيه ثقافة ما انها عربية عائلية فلازم يبقى شكلها عادي , ماعدا من اول 2008 بقى شكلها حلو فعلا

في مصر التويوتا سمعتها سابقاها طبعا ولا حرج عشان كده هي من العربيات اللي تتاقل بالدهب كاسعار , لكن في المقابل ده بيخلي اسعارها مبالغ فيها جدا بالنسبة لامكانياتها , و ده منطبق على العربيات اللي لهم نفس الصفة في مصر , زي اللانوس و اللانسر مثلا

**Y a r i s** · 31-10-2012 03:10 PM

معاك حق. .... انا واحد من الناس بقف احتراماً للكيا كارينز .... واتمنى يرفعوا عنها الجمارك باعتبار انها عربية عائلية وموفرة في البانزين وحمالت اسية .... ايمتى. ياررررربي يرفعوا عنى ظلم مبارك. والجمارك والضرايب بتاعتوا ايمتى بس .... وعلى رغم ان مرات بتخنق من مصر وبقول ان شعب يستاهل الحرق .... بس من جوايا بتصعب عليا حال البلد واقول يعني هو المواطن المصري ياربي ملهوش نفس يركب ويتمتع. يعني ... هو احنا مش بني ادميين يعني فيها ايه لمن يلغوا الجمارك بقه والايتاوات والبلطجة بقه ويخلوا الشعب يتهنى يومين من نفسوا .... نفسي كده المواطن المصري لمن يقول الحمدالله يقولها على الخير والهنا الي عايش فيه مش يقول الحمدالله على الذل والفقر الي احنا فيه .... وتتجنن لمن تلاقي تمن الكورولا في مصر هو هو تمن كامري في السعودية فل اوبشششششششن. حاجة بجد تغيظ كان المواطن المصري. ده مواطن غني علشان كده بنبيعلوا عربية اقل. ومفهاش اوبشن. بسعر اغلى من الي بيدفعوا المواطن الخليجي الغني او المواطن الليبي .... شوف يا اخي حبت العربيات الي جيه اليومين دول من ليبيا عاملة ازاي .... واسئلوا عن سعرها هيقولك ملالييييم

**تامر.محمد** · 31-10-2012 03:47 PM

المشاركة الأصلية كتبت بواسطة ahmed_adham

بص هوه فكره السعر ان التاجر بيحدد سعر الجديد والناس هيه اللي بتحدد سعر المستعمل. الناس هيه اللي بتعمل سوق لعربيه وترفض عربيه تانيه. الكرولا بغض النظر عن انها بتتأخر فى التحديثات واضافه الكماليات اللي بتنزل فى العربيات اللي في فئتها بس مازالت أعلى من مثيلاتها فى السعر سواء جديد أ مستعمل ولسه بتبيع وده دليل على ان عليها طلب بالرغم من اني لاحظت ان شعبيتها فى مصر نزلت كتير من بعد موديل 2008. أنا كنت متصور انى هلاقى كتير منها فى مصر بسبب اصرار كذا واحد لما كنت فى الكويت انهم يشترو كرولا زيرو عشان يبقو ينزلو بيها مصر.

بس أنا سقت ال 2008 أول ما نزلت وكانت 1.6 كان واحد صاحبي شاريها عشان ينزل بيها مصر أجازه وبعدين عمل حادثه والاكصدام اتشحور وطبعا التوكيل مكنش لسه نزل قطع غيار العربيه وصاحبي سابهالي عشان أمششيله فى اجراءات تصليحها على ما هوه يرجع ولاحظت انها بتجري بسرعه قوي ومكنتش فاهم ايه السبب مع اني كان معايا 2.0 شيفروليه بس أنا كنت بفسر ده ان عربيتي كنت واخدها فحت وردم ومش بعملها صيانه غير غيار زيت وشكرا وكنت زايد بيها عن 90 الف كيلو لكن الكرولا كانت عربيه زيرو وعشان كده علقت في دماغى وقلت لما أنزل مصر هجيبها.

لكن لما جيت مصر لقيتها مش مغرقه الشارع زي مانا كنت متصور وأنا كنت نازل وناوي عليها بالرغم من تحفظاتي عنها بس لما شوفت الكارينز زغللت عيني لأنى بدبس في سفريه للبلد كل اسبوعين ولا حاجه وبيبقى معايا 4-5 افراد وشنط وبتاع فالكرولا مكنتش هتسد فى الليله دي.

تخيل بقى لو بشترى عربيه النهارده فى الكويت كان تمن الكارينز ده يجيب فى الكويت باجيرو 2011

القصة و ما فيها ان السوق عندنا اعادة البيع فيه ليها معيارين:
1- قطع الغيار
2- الاعتمادية

حسب العربية فين من الاتنين دول يبقى فين بالظبط سعرها , و طبعا نستثني من القاعدة دي البي ام و المرسيدس , لهم قواعد تانية

تالت العوامل هو الاسم
و رابعهم الشكل لكنه مش بنفس الاهمية خالص

الكورولا 2008 كانت مشكلتها في الفتيس , طبعا ده نسف الاعتمادية تماما ,و نسف الاسم برده , اسم الشكل ده من الكورولا اتهز , و ما اظنش ان الشكل ده هايبيع زي اللي قبله ابدا , الشكل الجاي و عليك خير فعلا

الامثلة كتير جدا في عربيات ظهرت فيها مشاكل و على ما اتحلت المشاكل كانت العربية اسمها وقع و ما باعتش تاني

-

-

الموضوع: ماذا يقول الناس عن كورولا منذ نشئتها ( اه يامرارتي ) !

LinkBack

أدوات الموضوع

عرض

-

-

-

-

-

-

المواضيع المتشابهه

أب يهودي وإبنتاه مسلمتان !!! ماذا يقول؟؟

الناس اللي بتسرح وهي بتركن...ماذا تفعل في مثل هذا الموقف!!

الكزبه يقول ان كورولا الجنوب افرقيا مصفحه

ماذا يقول لون سيارتك عن شخصيتك؟

الكلمات الدلالية لهذا الموضوع

المفضلات

المفضلات

ضوابط المشاركة