الموضوع: خبطلي العربية فا عزمته عالغدا !

موقف بديع يستحق ان يحفظ ليضاف للقصص و المواقف المعبرة التي تذكر مع الحكم و المواعظ.موقف يغني عن الكلام. و موقف حضرتك النبيل متوقع من اي شخص محترم كريم خيّر. ربنا يخلف عليك و صاحب التاكسي بالخير و يرزق الانسان الشريف اللي كان هيموت لكن يعمل بالحلال و يوسع عليكم جميعا .لكن هذا يؤكد ان الصدقة يجب ان تذهب لمن يستحقها و لا نرميها لاي شحات في الشارع و نقول عملنا اللي علينا.اللي بيشحتوا في الشارع و يستسهلوا لا يستحقون شيئا وباسمع ناس مستفزة تقول مش مهم انا باعطي لله و خلاص و الذنب عليهم. ذنب ايه اللي عليهم دي صدقة مش زكاه مش مسألة ذنب. مسألة نتحري و نتعب عشان واحد زي السائق ده ياخذ حقة من المجتمع يعني الفلوس اللي اخذها النصاب الشحات هي حق غيره وضيعه عليه اللي بيستسهل و يرمي و خلاص لاي حد.انا لما بيشحت حد امامي بصحته كده زي الحصان بافكر في نفسي صاحية من الفجر و نازله بدري و طول النهار في الشغل و في الاخر انا اللي ادي الكسول ده من تعبي. Never لكن واحد بيشتغل اي حاجة و يتعب له كل الاحترام و مساعدته واجب و عن طيب خاطر. يعني واحد زي السائق ده رغم جوعة و مرضه لم يشحت و لم يسرق و لم يقتل ليسرق زي المجرمين الايام دي معناه ملهمش اي عذر ابدا. كل اللي بيبرر السرقة و الارف اللي بيحصل الايام دي من فقر ليس له حجة بعد هذه القصة. انا اسامح مثل هذا الشريف في مثل موقفك لكن لا اسامح و لا اعذر ابدا اي حد يسرق مني حتي و لو جنيه ليس له قيمة.
فيه حتي بعض الاطفال بتبيع حاجات في المترو و لو اشتريت حاجة و مرضيتش اخذ الباقي مش ممكن ابدا يوافق عنده عزة نفس غير عادية.الحمد لله ان الدنيا لسه فيها خير.

المشاركة الأصلية كتبت بواسطة m!sho

الموضوع من ٢٠٠٨ :)

2008!!!!!!! انا مشفتش التاريخ لكن فعلا علا عثمان مختفيه من فترة و كنت فاكره انها رجعت. خسارة لكن لا يمنع ان الموضوع متجدد و فيه عبر كثير و يستحق اعادة الرفع

الحمد لله اللطيف الخبير
انت من حقك التعويض لكن كويس انك مخدتش تعويض واحتسب عند الله انك عفوت عن الراجل علشان ظروفه مع انك قادر وصاحب حق
اللهم الطف بنا