معروض على c4 2006 من عز العرب

**A.Adel** · 31-10-2012 04:24 PM

المشاركة الأصلية كتبت بواسطة haissam24h

لا تثق بكلام التوكيلات ممكن تكون العربيه مقلوبه ومتصلحه ويقولك ديه بلزق شركتها خد تقرير مكتوب ومختوم
وضيف جمله تضمن حقك اذا فى مشكله هما يتحملو كل المسئوليه بالتعويض الازم

مفيش توكيل هيخاطر بسمعته عشان كام الف جنيه

الفكرة من ال trade-in إنه بيسهل على العميل اللي حابب يغير بـعربية من عندهم في مقابل إنه بياخد منه العربية بسعر أقَل من السوق شوية

**A.Adel** · 31-10-2012 04:26 PM

المشاركة الأصلية كتبت بواسطة aliabdo

واحب اعرف للعلم هل سعر الكوبيه المنيول اغلى ولا العاديه الاتو ؟

عادية auto اغلى من coupe مانيوال في الجديد سنتها

**A.Adel** · 31-10-2012 04:27 PM

المشاركة الأصلية كتبت بواسطة aliabdo

انا عارف ان السى فور ب 150 الف و الجين تو ب 95 الف بس عز العرب عامل مشترك فيهم ؛ عموما ربنا يقدم الى فيه الخير ان شاء الله
انا اتصلت بيهم تانى و عرفت ان العربيه مش بانوراما هل برضو السعر كده مناسب ولا لا

اسف على الازعاج

ال panorama متفرقش في السعر في المستعمل و مهياش ميزة عموما عشان 90 %
من المستعمل البانوراما مشروخة أو مش اصلية

**A.Adel** · 31-10-2012 04:31 PM

المشاركة الأصلية كتبت بواسطة aliabdo

يعنى اتوكل على الله و اروح اتفرج على العربيه و اخلص؟ للعلم انا من اسكندريه و العربيه فى ابو رواش .
يا شباب انا مش عايز ازعل من عز العرب تانى كفايه تجربه الجين تو مع عز العرب و كرهنى فى العربيات
معلش اخر سؤال هى المفروض ليها صيانه 80 الف ولا على حد علمى المفروض الصيانه فى 75 الف بس

تحياتى

لو دكتور شريف هو اللي كلمك ,ده راجل محترم جدا و هو رئيس قسم المستعمل في عز العرب
اسأله براحتك و اعرف منه تفاصيل كل حاجة قبل ما تروح تشوفها عشان ده مشوار برده :)

صيانتها كل 15 يعني 75000 و 90000
بس خد بالك اسأل هي عاملة صيانة 75000 ولا لأ
و اسأل برده إيه اللي هتحتاج تغيره في ال 90 عشان يبقى عندك خلفية

**A.Adel** · 31-10-2012 04:42 PM

المشاركة الأصلية كتبت بواسطة aliabdo

ممكن الاستاذ الى اشترى من عز العرب مستعمل يشرح لنا كان ايه الاجرائات الى تمت و هل بتاخد العربيه برخصه ولا فاتوره و اى تفاصيل تانيه اكون شاكر فضله

بتدفع الفلوس و بتاخد فاتورة بفلوسك

بعد كده بيبعتوا مع حضرتك واحد معاك عشان يخلصلك ورق نقل الملكية و كشف المخالفات
اكنك شاري من واحد بره بظبط

لازم تروح بدري,لو حابب تخلص في نفس اليوم :)

**A.Adel** · 31-10-2012 04:42 PM

لو فيه أي حاجة لقيتها بعد ما اشتريت ,هيعملوهالك متخافش
دكتور شريف ده محترم جدا

أنا عندي زراير المراية اللي جنب السواق كانت بايظة
غيرولي كل الزراير اللي موجودة جمب السواق
و كان مفتاح العجل ضايع ,جابلي طقم على حسابهم

متخافش يعني :)

**A.Adel** · 31-10-2012 04:43 PM

هو أنا بس عندي سؤال :)

إزاي حضرتك بتشتري عربية ومن الواضح إن حضرتك متعرفش عنها أي حاجة !!!!!!!!
يعني فكرت في بدايل تانية ممكن تكون انسب لحضرتك ؟؟

**aliabdo** · 31-10-2012 08:34 PM

و الله العربيه عجبانى من زمان بس انت عارف كلام الناس عن الستروين بس فعلا العربيه حلوه و تستاهل المخاطره و بعدين لو العربيه عجبتنى ان شاء الله مش حفكر اغيرها قريب فمش مشكله اعاده البيع و بالنسبه للصيانه ان مشاويرى مش كتير يعنى اذا عملت 1500 كيلو فى الشهر يبقى كده كتير قوى

سبب اختيارى للعربيه انها عربيه مميزه جداااا و عامل الامان فيها عالى و فول ابوشن و بالسعر ده حتجيب ايه عربيه محترمه
معلش حابب اعرف هل الاسعار فى المستعمل قابله للنقاش ولا لا ؟
و هل اتوكل على الله فى دى ولا اشوف واحده اوتو فى نفس معدل السعر

تحياتى و خالص شكرى و تقديرى

**aliabdo** · 31-10-2012 08:37 PM

بالنسبه للسيارات البديله الى فى نفس الفئه السعريهو الموصافات اعتقد هى الجين 2 و دى كانت معاى بس عز العرب كرهنى فيه و بعتها و مش عايز اركبها تانى بصراحه

**aliabdo** · 31-10-2012 08:44 PM

لو ممكن تقولى عربيه حضرتك اشتريتها منهم بكام موديل ايه و عمله ايه معاك ؟
و هل ممكن تطلب فحص و تقرير للعربيه قبل الشراء ؟ ولا لا و اذا اتعمل التقرير ده بيكون على حسابك ؟

شكرااا