معروض على c4 2006 من عز العرب

**aliabdo** · 30-10-2012 04:18 PM

السلام عليكم

اتصلت بعز العرب النهارده عشان اسئل على العربيات المستعمله قالى فى سى فور 2006 ماشيه 80الف كوبيه رمادى منيول كل صيانتها فى التوكل ب 62000 هل السعر ده كده كويس ولا ايه
و ايه رائيكم بامانه فى العربيه
كمان عنده وحده كوبيه اسود زيرو بس موديل 2011 ب 146 الف

الف شكر مقدما و تحياتى للجميع

**rahieb_100** · 30-10-2012 04:53 PM

انا معرفش سعر الكوبيه ايه
بس لو انت بتقول 2011 زيرو ب 146 الف يبقى 2012 "مش كوبيه" ب 146 احسن

**Mohab.Nabil** · 30-10-2012 05:18 PM

بص يا باشا اولا ملهاش لزمة الكوبيه الزيرو انت بتمنها تجيب العربية الشكل الجديد ، و مش عارف هو ازاى بيبع شكل قديم بنفس السعر تقريبا اللى كانت بتتباع بيه و هى لسه شكل جديد

بالنسبة للعربية فهى ممتازة طبعا و خد بالك برضه اديك شايف بعينك ان العربية تمنها الاصلى حوالى 150 الف يعنى بتشتريها تقريبا بثلث ثمنها فهى صفقة رابحة 100% و 80 الف كيلو مش كتير خالص على 2006 .. انا رأيى متسيبش العربية ديه خصوصا لو حالتها نظيفة و ان كان اغلب الظن ان التوكيل مش هيدخل عربية تعبانة عنده بس برضه اهم حاجة انصحك بيها حتى لو فى التوكيل تعمل عليها كشف شامل و تطلب تقرير مكتوب و مختوم من التوكيل عشان لو لا قدر الله فيها حاجة يبقى هما المسئولين قدامك و ان شاء الله احمد عادل المنسق المساعد يفيدك اكثر لانه كان شارى عربيته من التوكيل برضه من قسم المستعمل

و اى استفسار حتى لو شايفه بسيط او محرج مترددش ابدا ، و ان شاء الله نقدر نساعدك باللى نقدر عليه

**aliabdo** · 30-10-2012 05:28 PM

الف شكر للردود يا شباب
انا عموما بتكلم على المستعمله موديل 2006 و ذكرت الزيزو 2011 للعلم فقط و ان شاء الله حروح اشوفها الاسبوع الجاى و ربنا يقدم الى فيه الخير ان شاء الله
كان لى استفسار بعد اذنكم هل السقف بتاع الكوبيه بنوراما كله عادا الحته الى فى نص السقف يعنى الجزء الى فوق الامامى و الخلفى زجاج ام الجزء الخلفى فقط هو الى بانوراما و يا ريت لو حد عنده الموصافات الفنيه للموديل ده يبقى 10000 شكر ليه

استاذ Mohab.Nabil يا ريت تكلمنى عن تجربتك فى الشراء من قسم المستعمل معلمتهم عمله ازاى و ايه الاجرائات الى بتحصل و هل العربيه بتطلع فيها رخصه و نمر ولا لا و كده يعنى

تحياتى

**A.Adel** · 31-10-2012 04:42 PM

لو فيه أي حاجة لقيتها بعد ما اشتريت ,هيعملوهالك متخافش
دكتور شريف ده محترم جدا

أنا عندي زراير المراية اللي جنب السواق كانت بايظة
غيرولي كل الزراير اللي موجودة جمب السواق
و كان مفتاح العجل ضايع ,جابلي طقم على حسابهم

متخافش يعني :)

**A.Adel** · 31-10-2012 04:43 PM

هو أنا بس عندي سؤال :)

إزاي حضرتك بتشتري عربية ومن الواضح إن حضرتك متعرفش عنها أي حاجة !!!!!!!!
يعني فكرت في بدايل تانية ممكن تكون انسب لحضرتك ؟؟

**haissam24h** · 30-10-2012 05:29 PM

لا تثق بكلام التوكيلات ممكن تكون العربيه مقلوبه ومتصلحه ويقولك ديه بلزق شركتها خد تقرير مكتوب ومختوم
وضيف جمله تضمن حقك اذا فى مشكله هما يتحملو كل المسئوليه بالتعويض الازم

**A.Adel** · 31-10-2012 04:24 PM

المشاركة الأصلية كتبت بواسطة haissam24h

لا تثق بكلام التوكيلات ممكن تكون العربيه مقلوبه ومتصلحه ويقولك ديه بلزق شركتها خد تقرير مكتوب ومختوم
وضيف جمله تضمن حقك اذا فى مشكله هما يتحملو كل المسئوليه بالتعويض الازم

مفيش توكيل هيخاطر بسمعته عشان كام الف جنيه

الفكرة من ال trade-in إنه بيسهل على العميل اللي حابب يغير بـعربية من عندهم في مقابل إنه بياخد منه العربية بسعر أقَل من السوق شوية

**aliabdo** · 30-10-2012 05:31 PM

معلش لو تقدرو تقولو لى هل فى فروق بين السى فور العاديه و الكوبيه غير الاتنين باب و انها مانيول يبقى جزاكم الله كل خير ؛ و هل فى اى مشاكل ظهرت فى الموديل ده ؟

**A.Adel** · 31-10-2012 04:19 PM

المشاركة الأصلية كتبت بواسطة aliabdo

معلش لو تقدرو تقولو لى هل فى فروق بين السى فور العاديه و الكوبيه غير الاتنين باب و انها مانيول يبقى جزاكم الله كل خير ؛ و هل فى اى مشاكل ظهرت فى الموديل ده ؟

مفيش فرق غير في الشكل و الموديل ده أحلى فيه المانيوال عشان 2006 و نص 2007 كان فيهم مشكلة صغيرة كده في ال body valve بتاع الفتيس الاوتو

و عموما المانيوال في الفرنساوي ممتع أكتر من ال auto