ازاي ترجلش دوسات وفرامل اليد للفيرنا بالصور+الشرح

**aymn6666** · 03-11-2012 03:49 PM

المشاركة الأصلية كتبت بواسطة nicegypt

استاذى العزيز .. اولا انا مستغرب ان حضرتك بتقول انك مش بتزعل من النقاش
وشايف عكس كدة تماما !! خلينى اقولك ان الناس اللى ردت على حضرتك سواء " l0new0lf " واحمد كار
الناس دى بتتكلم عن خبرة وباردو بمجهودات شخصية واشتغلو ف عربيتهم بأيدهم وقصدهم هو النصيحة فقط اللى حضرتك
مازلت غير متقبلها .

اولا بالنسبة لموضوع تدوير العربية عشان رجلة فرامل اليد .. تصدق بالله اول مقريتها تنحت قدام الشاشة :)

خلينى اقول لحضرتك حاجة .. انا معايا ريجاتا 85 فيها نفس السوستة الطويلة اللى داخل طمبورة الفيرنا
ودى اللى بترجلش منها الدراع المتصل بفرامل يد خلف الطمبورة
بص كدة ف ضهر الطمبورة هتلاقى دراع صغير مربوط ف واير فرامل يد .. اللى حضرتك عملتة ببساطة
انك سبت اصل الموضوع " وهو رجلشة فرامل اليد من السوستة اللى جوة الطمبورة "
وشغلك كلة كان ف الجزء الخارجي وسبت اهم موضوع وهو اللى جوة مش المنظومة اللى برة
اللى بعد اساس الرجلشة .. حضرتك شديت سلك فرامل اليد ع الاخر مش رجلشة .. ماشى كويس بس ازاي ؟
انت كدة شديت الدراع على اخرة والسوستة جوة بتتحرك على نفس مكانها وكدة الحمل بقا على السلك بشكل اكبر .. + حمل على الطنابير وبعد فترة مش هتحس بحاجة لان المسكن هيخلص
لان السوستة بترجع التيل لوحدها فى حالة انة تأكل بحيث يكون اقرب ما يكون من الطمبورة
وتحميلك دة هيخلص على التيل بسرعة والطنابير هتتاكل وهتسخن طبعا .. وكل دة لانك سبت اصل الموضوع وهو رجلشة السوستة
اللى جوة الطمبورةعموما الناس هنا قصدها النصيحة لا اكثر ولا اقل ..
فتقبل اي نصيحة قد تضيف لك ولي معلومة .. دمت بكل ود

انا كاتب اني مبزعلش من النقاش
لاكن لمل حد يقلك (معلومه ليك وللزمن) اعتقد ان ده اسلوب خارج عن نطاق انك بتحترم الي قدامك
انما شوف انت حضرتك قفلت الموضوع ازاي

**aymn6666** · 03-11-2012 03:57 PM

المشاركة الأصلية كتبت بواسطة ahmedcar

ياباشا رجلاش البدال ده معمول علشان لما تغير الماستر الرئيسى نفسه

لكن اللى حضرتك عملته ده تعالى قبل الى مشوار و العربيه بارده ارفع فرده قدام و حركها هتلاقيها حره او تقيله سنه بسبب اللى الرجلاش اللى عملته لكن بعد مشوار محترم بالعربيه تعالى حرك نفس الفرده هلاقيها تقيله معاك او مابتتحركش زى الاول خالص

عموما الرجلاش اللى قدام ده هيأثر على الطنابير و التيل اكتر حاجه و بعد كده البلى بتاع العجل

والله الفرامل معايا زي الفل ولا في تقل في اي عجله وعلي طول بجس الجنوط بعد اي مشوار علشان اشوف الحراره ومن حين لاخر بجرب فرامل اليد وانا علي سرعه 100 والفرامل تمام ومفيش اي انحراف للعربيه لمل بشد الهاند
ونفرض ان حضرتك غيرت المستر الرئيسي لما حتركب الوصله في الدواسه حتلف الوصله علي اي اساس يعني ممكن تلف زياده او ناقص المقاس الي كان موجود يبقي لازم ترجلس علي احساسك بعد ماترفع العجل الامامي لا ايه

**AHMEDCAR** · 03-11-2012 08:18 PM

الماستر الرئيسى لما بيتغير و خصوصا لو مش اصلى بتكون الابعاد مش مزبوطه قوى بالتالى بناخد الفقد ده من خلال الرجلاش

**aymn6666** · 03-11-2012 11:15 PM

المشاركة الأصلية كتبت بواسطة AHMEDCAR

الماستر الرئيسى لما بيتغير و خصوصا لو مش اصلى بتكون الابعاد مش مزبوطه قوى بالتالى بناخد الفقد ده من خلال الرجلاش

طيب سعتها حترجلش ازاي وبنئا علي ايه
يعني ايه الخطوات الي لما تركب الوصله بتاعت المستر في مكنها الي في الدواسه
وبعدين ايه الي يضمن انك مزودش الرجلاش علشان متاثرش علي الطنابير وبلي العجل زي ماشرحت
خلي بالك انا بناقش معاك الموضوع علشان لو حد قراه يبقي فاهم الموضوع من كل الجوانب
او لو راح عند الميكانيكي يبقي فاهم

ليك مني كل احترام

**l0new0lf** · 04-11-2012 02:40 AM

المشاركة الأصلية كتبت بواسطة aymn6666

طيب سعتها حترجلش ازاي وبنئا علي ايه
يعني ايه الخطوات الي لما تركب الوصله بتاعت المستر في مكنها الي في الدواسه
وبعدين ايه الي يضمن انك مزودش الرجلاش علشان متاثرش علي الطنابير وبلي العجل زي ماشرحت
خلي بالك انا بناقش معاك الموضوع علشان لو حد قراه يبقي فاهم الموضوع من كل الجوانب
او لو راح عند الميكانيكي يبقي فاهم

ليك مني كل احترام

اللى بيتعمل من الدواسات ده اسمه تعلية او توطية الدواسه حسب رجل و راحة السائق
انما لما بتغير ماستر عمومى المفروض لو فكيته كنت هتشوف صباع بين السيرفو و الماستر العمومى هو ده اللى بيتعمل منه الرجلاش بتاع الماستر العمومى

المشاركة الأصلية كتبت بواسطة aymn6666

علشان يطلع شغل فنادق

يا ترى اخباره ايه!!

**alaamousa** · 04-11-2012 06:28 AM

استاذ ايمن بارك الله فيك وتقدر تفيد الهيونداويا والفيرناويا يا باشا موضوعاتك مميزة

**aymn6666** · 04-11-2012 01:08 PM

المشاركة الأصلية كتبت بواسطة alaamousa

استاذ ايمن بارك الله فيك وتقدر تفيد الهيونداويا والفيرناويا يا باشا موضوعاتك مميزة

ربنا يكرمك وشكرا علي الدعوه

**AHMEDCAR** · 04-11-2012 01:16 PM

المشاركة الأصلية كتبت بواسطة aymn6666

طيب سعتها حترجلش ازاي وبنئا علي ايه
يعني ايه الخطوات الي لما تركب الوصله بتاعت المستر في مكنها الي في الدواسه
وبعدين ايه الي يضمن انك مزودش الرجلاش علشان متاثرش علي الطنابير وبلي العجل زي ماشرحت
خلي بالك انا بناقش معاك الموضوع علشان لو حد قراه يبقي فاهم الموضوع من كل الجوانب
او لو راح عند الميكانيكي يبقي فاهم

ليك مني كل احترام

هقولك بترجلش ازاى بعد مابتركب الماستر و بتاخد الهواء بتاعك صح

بتاخد الرجلاش من الفرد اللى وراء زى ماشرحتلك فى الفيديو و يكون قبليها انت فاكك رجلاش فرامل اليد على الاخر تمام و بعد ماتخد رجلاش الفرد اللى وراء تقوم رافع العربيه و تاخد رجلاش فرامل اليد فى حدود المسموح انها تكون من 3 الى 6 تكات

بعد كده جرب عربيتك لقيت بدال الفرامل واطى او الفرامل مش كويسه و ده هيكون مستبعد ان شاء الله

تقوم عامل من البدال الامامى و طبعا لازم تخلى بالك ان الطنابير و اجزاء الفرامل تكون بارده و ايضا تكون مدور العربيه وانت بتاخد الرجلاش من البدال الامامى علشان السرفو مايحجرش معاك و تبقى رافع العربيه من قدام و تختبرها لان دى ممش اى حد يعمها و انا بصراحه ازبهليت لما انت عملتها بس الحمد لله ان عربيتك محصلش ليها اى مشاكل بعد كده علشان كده البدال الامامى بالذات لايفضل اللعب فيه نهائيا الا على ايد حد متخصص و فاهم هو بيعمل بالظبط

**aymn6666** · 04-11-2012 02:47 PM

المشاركة الأصلية كتبت بواسطة ahmedcar

هقولك بترجلش ازاى بعد مابتركب الماستر و بتاخد الهواء بتاعك صح

بتاخد الرجلاش من الفرد اللى وراء زى ماشرحتلك فى الفيديو و يكون قبليها انت فاكك رجلاش فرامل اليد على الاخر تمام و بعد ماتخد رجلاش الفرد اللى وراء تقوم رافع العربيه و تاخد رجلاش فرامل اليد فى حدود المسموح انها تكون من 3 الى 6 تكات

بعد كده جرب عربيتك لقيت بدال الفرامل واطى او الفرامل مش كويسه و ده هيكون مستبعد ان شاء الله

تقوم عامل من البدال الامامى و طبعا لازم تخلى بالك ان الطنابير و اجزاء الفرامل تكون بارده و ايضا تكون مدور العربيه وانت بتاخد الرجلاش من البدال الامامى علشان السرفو مايحجرش معاك و تبقى رافع العربيه من قدام و تختبرها لان دى ممش اى حد يعمها و انا بصراحه ازبهليت لما انت عملتها بس الحمد لله ان عربيتك محصلش ليها اى مشاكل بعد كده علشان كده البدال الامامى بالذات لايفضل اللعب فيه نهائيا الا على ايد حد متخصص و فاهم هو بيعمل بالظبط

تمام وانت كده هتفهمني
انا الي بعمله بالرجلاش اني مبخليش في فاصل في الدواسه
بمعني ان لما ندوس علي بدال الفرامل في سنه ميته يعني ملهاش تاثير لان الماستر بيبقا لسه مضغضش زيت
انا بخلي الدواسه تشغل المستر من اول مدوس الفرامل من غير الجزء الفاضي مايكون موجود
يعني تقليل مشوار الدواسه
وده تحس بيه لما العربيه تبقا لسه زيرو مبيبقاش فيه الجزء الفاضي ده بتبقي اول لما تلمس الدواسه المستر بيحضر علي طول
انا عارف ان الموضوع عايز فهم لنقطه دي
لان كده حتبقي اكن دايسن فرامل علي طول ومحملين علي الطنابير والتيل والموتور كمان ذي ما حضرتك شرحت
فايه رايك في الموضوع من الناحيه دي

-

الموضوع: ازاي ترجلش دوسات وفرامل اليد للفيرنا بالصور+الشرح

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

ازاي تظبط رجلاش فرامل اليد لسيارتك بالصور+الشرح

كسوة عصاية الفتيس وفرامل اليد الجلد

التحرك وفرامل اليد مرفوعة

مشيت كيلو ونص وفرامل اليد مرفوعة ؟

الفتيس الاوتوماتيك وفرامل اليد؟؟؟

الكلمات الدلالية لهذا الموضوع

المفضلات

المفضلات

ضوابط المشاركة