اختصارا لاى تطويل عشان الموضوع تشعب لحاجات ملهاش علاقة ببعضها...
عشان ترجلش فرامل اليد لازم الاول ترجلش التيل من العجل عشان تضمن ان المسافة بين التيل و الطمبورة واحدة فى العجلتين و عشان تضمن قوة فرملية متساوية من العجلتين عند الاستخدام...
اساسا رجلاش الهاند مش هو الرجلاش الاساسى للفرامل الخلفية انما كل دورة المحافظة على مدى حركة معين لعصاية الهاند بريك و انت بتستخدمها و لو عملت رجلاش للهاند فقط هتفضل دواسة الفرامل واطية
رجلاش الهاند بريك بيكون حسب عدد التكات الموصى بيها فى كتالوج العربية
رجلاش فرامل اليد ملوش علاقة الموتور شغال ولا لا
رجلاش دواسة الفرامل بيتم فقط فى حالة تغيير الماستر العمومى للحفاظ على الخلوص الموصى به فى كتالوج السيارة و لا يستخدم لتعويض اى تاكل فى تيل الفرامل لان ببساطة لو عملت كدة هتلاقى الفرامل افشت لما تغير التيل الامامى
رجلاش دواسة الدبرياج بيتم للحفاظ على قيم الخلوص الموصى بها فى كتالوج الصيانة... اساسا دواسة الدبرياج مش بتحتاج رجلاش دورى الا لو عندك حاجة غلط فى الدبرياج بتاعك
MMamdouh
المفضلات