الموضوع: لو سمحت متمشيش عكس

المشاركة الأصلية كتبت بواسطة m_adeleid

برضو معاك حق في كلامك
بس اللي روح الناس سهله عنده مش الباشا لا الباشا التاني اللي راكب الموتوسيكل
هوا صعبان علينا دلوقت لانه وقع
طب غير كده وسيله انتقاله من بايك الي عربيه او نص نقل او مقطوره مع ثبات فكره علي انه يخالف وشوف الكوارث اللي بجد
وعلي فكره لو حتي عدي عليه و موته ولاحياخد يوم حبس لانه ببساطه ماشي في طريقه عادي جدا
شفت بقي ان التاني هوا اللي لاخايف عليك ولا عليا ولا علي اسرته و لا علي نفسه
اصل الموضوع ده بالذات شائك قوي بالنسبه ليا و بيحصلي كتير قوي في المشي العكسي و في كسر الاشارات برضو مش بعرف اسكت وعملت عشرات الحوادث قصد في اللي ماشي مخالف قدامي وعلشان محدش يفهم غلط اني بطبق القانون بايدي لا
الموقف بيكون مثلا ان اشارتي خضرا وكل العربيات اللي جايه في الاشاره التانيه واشارتهم حمرا ماشيين عادي جدا(والاشاره شغاله عادي مش بايظه) بقوم مكمل في طريقي عادي جدا وهكذا
وشويه تاني ارجع اقول افرض عملت في حد حاجه و ضميرك حيعذبك او لو حصلك حاجه و العيال والبيت
صراعات
اسف اني طولت بس اكبر مشكله في مصر هي المصريين

القوانين فى مصر لا تطبق اذا احنا ممكن نرخم على بيكسر القوانين
بس عن نفسى فيه فرق مثلا لو انا واقف فى اشارة واتفتحت اشارتى ولو فيه عربية من الجهه الاخرى معدية ممكن ارخم عليه بحكم تكافئ القوة لكن مثلا فيزبا او شخص معدى لازم ههدى واعديه غصب عنى لانى لو خبطه مش ساعتها هقول هو اللى بيكسر اشارتى لو ساعتها هقول عشان انا ربنا مدينى قوه كعربية صفيح وهو فزبة او شخص عادى فخبطه
كلامك كله مظبوط بس لازم نفرق انا اجى اعاقب واحد راكب حديد ومتامن والجزاء يجى فى الحديد مش يجى فى شخص
والله لو صاحب الموضوع عمل الحركة ديه قبل كده فى عربية يبقا جدع حتى العربيتين لو اتخبطوا عادى لكن انا شايف ان هو هنا استقوه بعربيته على فرد اعزل
واحب اقول لصاحب الموضوع فيه وقعات عادية بالبايك ممكن تقعد الواحد 4 ايام او اكتر فى البيت مش بيتحرك حتى مافكرتش ان لو ده شخص اجرى فى الاربع ايام دول مين هياكل عياله
بلاش نتريق على بتوع التكاتك لو بعد كده ده بقا منهجنا لاننا هنكون زيهم واللعن او يمكن هما طبعوا عادتهم علينا
انا كمان بتأسف لردى الطويل

المشاركة الأصلية كتبت بواسطة eng f3lix

يا جماعة بس عايز افهمكو حاجة
انا لما الراجل بتاع الفيسبا ده شافني جاي عليه افتكر اني فقدر السيطرة على العربية راح نط بسرعة من الفيسبا وجري على الرصيف ههههههههههههههههههههههههه ههههههههههههههههههههههههه هههههههه وسرعته كانت تقريبا 10-20 كيلو يعني مكانش ماشي بسرعة

يعني موقعش على دماغه ولا اتعور ولا اي حاجة

وهو انت وقفت وسالته وشوفته؟
اتطمنت عليه واتاكدت فعلا انه محصلوش حاجه؟
مش عارف ان ساعات كبرياء الوحد يمنعه انه يتالم قدام الناس؟
انت عملت حاجه غلط ويمكن غلطك اكبر من غلطه
هو مشي عكسي وجايز ميعرفش انه المفروض ميمشيش عكسي ومتقوليش ازاي ميعرفش لانه ممكن يكون من الناس اللي من البيت للشغل وعايش في الطحونه
جايز فاكر انه عشان راكب فيزبا فلا تسري عليه قواعد المرور

هو غلط وخالف قاعده من قواعد المرور

وحضرتك غلطت وكنت عايز تاذيه جسديا يعني لو حصله حاجه يبقي شروع في قتل
ولو مات ده اسمه قتل مع سبق الاصرار والترصد

احنا مش رجال القانون عشان نطبقه بدراعنا

لو عايز صحيح تعمل حاجه كويسه كنت ممكن وقفته ونصحته في الله او اخدت رقم الفيزبا وبغلت عنه
او شفت اسم المحل وعملت محضر في المحل

لكن سوري من غير زعل ابلطج علي واحد راكب الهواء ومعندوش اي وسائل امان ده مش لاقي ليه مبرر وياريت اشوفك عامل موضوع انك عملت كده مع عربيه مثلا لكن كل مواضيع علي موتوسيلاكت وبتتفاخر كمان

المشاركة الأصلية كتبت بواسطة eng f3lix

حضرتك عايش برة مصر؟

ابلغ عن مين واخد نمرة مين
يا فندم انا بتعمد اعمل عبيط في وش اي حد جاي عكس عشان موسعلوش وفي الاخر بعمل اللي في دماغي ومش هاممني يحصل حاجة
المهم اعمل حاجة صح

البني ادم ده شوفته نط من الفيسبا وجري في المرايا يعني مجرالوش حاجة
بلاش ارجكوك تكبر الموضوع واقرى كلامي كويس

ياسيدي لفاضل انت تعمل اللي عليك واديك شفت او ممكن تكون سمعت عن الست اللي وقفت عكسي في وش واحد وانتشر علي الفيس والداخليه عملت حاجه

كنت ممكن تصوره وتكبر اسم المطعم وتحطها علي النت
في مليون طريقه تحاول تصلح بيها

انا عارف ان قصدك خير لكن يتعمل بطريقه اجيابيه مش سلبيه

سيبلك من الواد وانه سليم مش جايز الفيزبا اتكسرت ولا حاجه فيها باظت وهيضطر يشتغل كذا يوم ببلاش عشان يصحلها؟