لو سمحت متمشيش عكس

**semi** · 02-11-2012 03:02 PM

واحد عملها في من كم يوم كنت ماشي في ملف في مدينة نصر يوترن
ومكنتش اعرف انه كده عكس لان مفيش اي اشارات تدل على ده بتاتاً
ولقيته بيحدف علي بطريقة غريبة وكان هيجيبلي جنب العربية وطبعا انا قلقت جامد
وحسيت اد ايه البني ادم ...... كل واحد يحط الوصف المناسب
ومن كم يوم برضه كنت ماشي في شيراتون وواحد حدف علي خلاني اطلع بره الحاره بتاعتي
وكنت بحاول ارجع لحارتي لقيت عربية جايه ادامي وواحد بيديني كلمتين مش اتناقشت معاه خالص ومشيت
شوية وواحد لقيته بيقول الشعب مش هيتغير وبيلسن علي والمفاجأة انه كان بيقول الكلام ده
للشخص المتخلف اللي طلعني بره حارتي اصلا واصدر حكم علي بناءا على علمه المحدود كأي انسان
وبرضه مش اتناقشت معاه ومشيت لان الآية اصبحت مقلوبة

الخلاصة مينفعش حد مننا يصدر احكام او يحاسب اي حد
لانه مش آله هيعرف نوايا الاشخاص وهل هو مصر على خطأه وعلى علم به او لا
هل هو كان مضطر يعمل كده عنده مصيبة عنده كارثة او انه بيدلع
انت مش جهة تحقيق هتقعد تحقق معاه وتعرف كان قصده او لا
فمش تصدر اي احكام من نفسك بناءاً على حقائق انت بنتها بدون اي علم وتنفذ الاحكام دي من نفسك
كل اللي ممكن تعمله انك توضحله خطأه بطريقة محترمة او انك تمتنع خالص
ويكفي ساعتها انك تغير المنكر بقلبك انك تقول لا يمكن اعمل زي الشخص ده مهما حصل
دي نصيحة ورأي شخصي اللي حابب يقتنع بها كان بها مش حابب ولا كأنه قراها اصلا

**tutankhamoun** · 02-11-2012 03:02 PM

أنا بعتبر اللي بيمشي عكس الأتجاه أنه مش بني آدم .... بل أقل من الحيوانات .

و الله العظيم تلاتة 99 % منهم بيبقوا عارفين أنهم في طريق عكسي و بكل بجاحة يقف يتخانق معاك أنك وقفته أو خليته يلف حواليك علشان أنت وقفت في وشة .

و أنا عندي صور مصورها بنفسي لسيارات ماشية عكسي أدامي في طريق الواحات - طريق مصر أسكندرية - طريق المنيب - الدائري - داخل أكتوبر .

و بقف أدامهم كلهم و مش بخلي حد يعدي مرتاح من قدامي لو هو عكسي لازم أخليه يتعذب شوية يتعطل .... يلف من حوالين عربيتي ....و بصوره برضه و عيني عينك أدامه ....

ممكن لما البهايم دي يتعمل فيها كدا تبطل البلطجة المرورية دي .

بس بجد مصر لازم يكون فيها شرطة مُخصصة للمرور فقط لا غير .... و دي تكون وظيفتها من دقيقة التخرج و حتى المعاش .
ميكونش وراه حاجة غير المرور .

**tutankhamoun** · 02-11-2012 03:05 PM

على فكرة أنا مرة كنت في المعادي و تهت و مشيت في طريق عكسي (مكنتش أعرف أنه عكسي )
مفيش و لا بني آدم وقفني يقولي أن أنا ماشي عكسي .... أنا اللي وقفت واحد معاه عربية و بسأله قالي أنت كدا عكسي ..... وقفت ولفيت و مشيت مع الناس مظبوط .... ده في حالة أني مكنتش عارف لأني مش من سكان المعادي و معرفش شوارعها قوي .

أنما الدائري - طريق مصر أسكندرية - الواحات - داخل مدينة 6 أكتوبر

الطريق واضح و صريح و فيه حارتين رايح جاين .... يعني اللي يمشي عكسي في الطرق دي و الطرق اللي شبهها يستاهل اللي يجراله

**m_adeleid** · 02-11-2012 05:46 PM

المشاركة الأصلية كتبت بواسطة shaddadfalcon1

ياسيدي لفاضل انت تعمل اللي عليك واديك شفت او ممكن تكون سمعت عن الست اللي وقفت عكسي في وش واحد وانتشر علي الفيس والداخليه عملت حاجه

كنت ممكن تصوره وتكبر اسم المطعم وتحطها علي النت
في مليون طريقه تحاول تصلح بيها

انا عارف ان قصدك خير لكن يتعمل بطريقه اجيابيه مش سلبيه

سيبلك من الواد وانه سليم مش جايز الفيزبا اتكسرت ولا حاجه فيها باظت وهيضطر يشتغل كذا يوم ببلاش عشان يصحلها؟

هوا ليه كل الكلام ده بيتقال لصاحب الموضوع مش صاحب الفيسبا؟
مش هوا اولي برضو يسمع الكلام ده
والمفروض هوا اللي يكون خايف علي نفسه و علي فيسبته فبالتالي يمشي بما يرضي الله
كلنا سواسيه في احترام القانون مفيش فرق بين مقطوره و فيسبا علشان مندخلش في صراع مين اقوي من مين
محدش اقوي من القانون
عمرك محتلاقي موضوع اصلا كده ولا ردود عليه كده الا في مصر
لأن ببساطه مفيش كده الا هنا

**m_adeleid** · 02-11-2012 05:50 PM

المشاركة الأصلية كتبت بواسطة tutankhamoun

على فكرة أنا مرة كنت في المعادي و تهت و مشيت في طريق عكسي (مكنتش أعرف أنه عكسي )
مفيش و لا بني آدم وقفني يقولي أن أنا ماشي عكسي .... أنا اللي وقفت واحد معاه عربية و بسأله قالي أنت كدا عكسي ..... وقفت ولفيت و مشيت مع الناس مظبوط .... ده في حالة أني مكنتش عارف لأني مش من سكان المعادي و معرفش شوارعها قوي .
مش مهم خالص تكون من سكان المنطقه علشان تعرف اتجاهات الطرق
ده مش دورك ده دور الافتات
والا لو كده بقي كل واحد يلف في المنطقه اللي يعرفها بس
عموما البلد الوحيده اللي ممكن تتوه فيها هيا مصر مع انك مولود فيها و اهلها بيتكلمو نفس اللغه
لكن مش بيفهمو بعض

أنما الدائري - طريق مصر أسكندرية - الواحات - داخل مدينة 6 أكتوبر

الطريق واضح و صريح و فيه حارتين رايح جاين .... يعني اللي يمشي عكسي في الطرق دي و الطرق اللي شبهها يستاهل اللي يجراله

**shaddadfalcon1** · 02-11-2012 10:24 PM

المشاركة الأصلية كتبت بواسطة m_adeleid

هوا ليه كل الكلام ده بيتقال لصاحب الموضوع مش صاحب الفيسبا؟
مش هوا اولي برضو يسمع الكلام ده
والمفروض هوا اللي يكون خايف علي نفسه و علي فيسبته فبالتالي يمشي بما يرضي الله
كلنا سواسيه في احترام القانون مفيش فرق بين مقطوره و فيسبا علشان مندخلش في صراع مين اقوي من مين
محدش اقوي من القانون
عمرك محتلاقي موضوع اصلا كده ولا ردود عليه كده الا في مصر
لأن ببساطه مفيش كده الا هنا

هههههههههه وهو احنا شوفنا صاحب الفسيبا ياباشا

احنا والله بننصح صاحب الموضوع لان ده مش اول موضوع يعمله علي انه زنق فزبه او موتوسكيل وجايز مره الفاس تيجي في الراس ويموت الراجل وساعتها في النيابه هيقوله ايه؟ كان ماشي عكسي وكنت بعلمه الأدب؟
طيب لو لمفيش حد شايف ممكن يطلع منها لكن لو حد واقف وشاهد هيقول انا شايف صاحب العربيه الظالم وهو بيكسر علي صاحب الفيزبا الغلبان وموته يابيه

**mohdfouda** · 02-11-2012 10:45 PM

انا رأى انك عملت الصح حتى لو خبطته كمان دى زى ما تكون موتت واحد بيشرع فى قتل حد تانى

المشى عكس دى جريمة بكل معانى الكلمه ده بنى ادم مش همه نفسه ولا همه نفوس البنى الادمين اللى حواليه يعنى وجوده فى اى مجتمع فيه بنى ادمين غلط

**M.Ayman** · 02-11-2012 10:56 PM

المشاركة الأصلية كتبت بواسطة mohdfouda

انا رأى انك عملت الصح حتى لو خبطته كمان دى زى ما تكون موتت واحد بيشرع فى قتل حد تانى

المشى عكس دى جريمة بكل معانى الكلمه ده بنى ادم مش همه نفسه ولا همه نفوس البنى الادمين اللى حواليه يعنى وجوده فى اى مجتمع فيه بنى ادمين غلط

:o ده بجد !!!!!!

يعني سؤال بس هي الروح عندك رخيصه كده ؟

معاك ان سائق الموتوسيكل غلطان من ساسه لراسه بس معلش هو لو شاف انه هيخبط حد هيقف و يستناه يعدي و من الاصل هو اه غلطان بس هو داخل و ناوي يعدي من غير اذية حد كلام حضرتك ينطبق علي واحد داخل بلطجه واللي في سكتي هموته كده ده اسمه شروع في قتل ،،، ارجوكم فرقوا بين غلط و اخر و علي فكره انا اخويا و هو بيعدي الشارع من فتره خبطه موتوسيكل كان بياخد ملف عكسي طبعا بدون قصد و اخويا الحمد لله حصله كدمه بسيطه و الراجل وقع و الموتوسيكل نزل عليه و اتكسر المرايه و جزء من جمب الفزبه لدرجة ان اخويا هو اللي راح يقومه و يطمن عليه ،،،، يا جماعه خلوا في طبعنا شوية رحمه علشان يمكن نغلط من غير قصد و نلاقي اللي يرحمنا

**khaled_legend** · 02-11-2012 11:45 PM

تصرف غير صحيح لان ممكن تخبط سيارتك او سائق الموتوسيكل يقع علي دماغه و يحدث له اصابه بالغه و لكن بيني و بينك "الاشكال دي متجيش الا بكده فعلا"

**m_adeleid** · 03-11-2012 06:51 AM

المشاركة الأصلية كتبت بواسطة shaddadfalcon1

هههههههههه وهو احنا شوفنا صاحب الفسيبا ياباشا

احنا والله بننصح صاحب الموضوع لان ده مش اول موضوع يعمله علي انه زنق فزبه او موتوسكيل وجايز مره الفاس تيجي في الراس ويموت الراجل وساعتها في النيابه هيقوله ايه؟ كان ماشي عكسي وكنت بعلمه الأدب؟
طيب لو لمفيش حد شايف ممكن يطلع منها لكن لو حد واقف وشاهد هيقول انا شايف صاحب العربيه الظالم وهو بيكسر علي صاحب الفيزبا الغلبان وموته يابيه

ولو ان اللي حقوله ده في شر جامد بس للأمانه ولا حياخد ساعه واحده حبس
حتي لو كسر عليه وخبطه
ربنا ما يحطنا في مواقف زي دي ولا نضطر نشوفها

الموضوع: لو سمحت متمشيش عكس

LinkBack

أدوات الموضوع

عرض

-

-

-

المواضيع المتشابهه

لو سمحت الناسى الى بتشتغل او بتفهم فى نطام الصوت ضرورى لو سمحت

لو سمحت

لو سمحت

لو سمحت

لو سمحت

الكلمات الدلالية لهذا الموضوع

المفضلات

المفضلات

ضوابط المشاركة