اقتباس المشاركة الأصلية كتبت بواسطة medokassem مشاهدة المشاركة
شوف يا باشا انا من ساعة مجبت العربية من ٨ شهور حتي الان عومت مني مرتين بس والحمد لله اول مرة كنت بجري مع ابن خالي التيدا علي طريق الجامعة عندنا في الزقازيق وداخل ملف مستشفي الجامعة هو ملف بزاوية تقريبا ٧٠ وانا مش هتكلم علي الملف ده ايهاب باشا اللي هو level power واحد من الناس اللي عرفين الملف وهيحكيلك علي اسطورة الملف ده ما علينا انا دخلته فوق ال ١٠٠ وعلي الواسع عشان كنت سخنلن مع بن خالي وبن خالي دخل بالتيدا علي الضيق علي ٨٠ وقالي كنت حاطط ايدي علي قالبي وانا داخله بالسرعه دي وعلي الضيق انا بقي ايه اللي حصلي لقيت العربية عايزة تنطر من ورا ناحية برة انا شلت رجلي من علي البنزين وملمستش الفرامل ولقيت الدركسيون لف نص لفة وانا مسكه وهو بيلف حسيت بالعربية بتعدل من ورا والحمد لله الامور عدت بعديها وقفت انا وبن خالي نشوف اللي حصل لقيته بيقولي اقسم بالله انا قولت انك اتقلبت ده اكصدام العربية الوراني جنبه كان هيلمس الارض تخيلو بقي العربية كانت مايلة ازاي من ورا طبعا عدت بستر ربنا والعربية من بعد الملف ده بقيت احترمها
المره التانية
كنت داخل علي السلام من مصر اسماعلية الصحراوي وكان الطريق ماشي علي ٦٠وانا علي ١٢٠ شوفت عرزة ضيقة داخلتها قطم عشان ديقة. وانا بدخلها ولسه معدلتش الطارة لقيت ميني بص اقمت جاي قاطم عرزة ضيقة تاني. يعني غرزتين في نفس الوقت يمين في شمال وقطم لقيت العربية لعبت من ورا بس اتعدلت لوحدها كانها كانت عايزة تلف بس الحمد لله
المازدا حلوة بس مهياش بي ام ولا مرسيدس اصل لو هيا العربية اللي هتاخد بيها الغرز الصد رد علي ١٥٠ امال سبت ايه للبي ام والمرسيدس بس يا باشا هيا دي القصة كلها واي استفسار انا في الخدمة
اولا بطل تهور شويه ياميدو و حرام عليك الملف ده ناس لبسته بالهبل و السور بتاع المصنع و امطافى يشهد ده غير موضع الغرزيتين دول
اما بالنسبه للعربيه معايا من 2009 زيروا الحمد لله محصلش معايا الكلام ده و بالنسبه للغرز عادى بتاخد الغرز زى مانت عايز بس طبعا ربنا هو البيسطر فى الاول و الاخر.