استفسار عن فورد اسكورت

**mustafa007** · 04-11-2012 07:57 AM

السلام عليكم ورحمة الله وبركاته .
اولا انا احب اشكر كل الى بيفيد بمعلومه انا اتعلمت منكم الكتير بفضل الله واسال الله ان يجعله فى ميزان حسناتكم .
ان شاء الله ان هخلص فى فور اسكورت 98 حاله جيده فبريكه جوه وبره مش متهانه يعنى وسعرها 30 الف . العربية 1600 كربرتير
ان عجبانى العربيه بس ناس كتير بتخوفنى منها ....... وانتم اعلم بحالها فياريت تطمنونى .
هل سعرها كده كويس هى عامله 100 الف كيلو وحالتها جيده جدا .
واخيرا كنت عايز اعرف ايه الفرق بين 1600 كربرتير و 1600 زيتك وده هيفرق فى ايه فى العربية .

شكرا ........

وبارك الله فيكم .

**egytamer** · 04-11-2012 11:48 PM

بص يا اخي العزيز الي اعرفو واسمعو عن ال 1600 الكربراتير ان قطع غيارها قليلة شويتين والكنترول بتاعها نادر جدا فلو حصل حاجة وباظ لاقدر الله هتحتاس يبقي الاحوط تخليك في الي موجود كتير الي هوا 1300 كربراتير او 1600 زتيك

**MAHAMAD ELATAR** · 06-11-2012 04:16 PM

أخى الفاضل أخوك محمد من اسكندرية أنا معايا أسكورت 1600 كربيروتر .. اسمه الموتور الروسى بص هى كويسه بس الزيتك افضل بكتير . مشكلة الموتور بتاعى ان حاجته فعلا نادره ماكذبش عليك انا مفيش حاجة ليه ماعرفتش اجيبها بس كل مسأل حد بيفهم فالفورد يقولى قطع غياره نادره بس انا بعرف اجيبها لانى ليا ناس خارج مصر .. مش عايز اطول عليك يكفينى انى اقولك ان الكارته الألكترونى بتاعته مش موجوده ولو لقيتها بتساوى 1000ج والكربريتور مش موجود ولو لقيته حيعدى 600ج . فنصيحة اخ هى عربية حلوه بس حتتعبك

**aYaBooY** · 08-11-2012 08:44 AM

زي ما قال تامر خليك في 1300 او 1600 زيتيك

**mido51eg** · 08-11-2012 10:58 AM

فيه معلومة تانية عن الفورد ال 1600 كربراتير قالهالي حمدي فورد الميكانيكي:
الموتور بتاعها لو ضغط الزيت قل شوية صوت الكوستبانات بيبقى عالي جدا لدرجة تقترب من صوت المواتير الجاز. فيه حد من ملاك العربية دي يقدر يؤكد او ينفي المعلومة دي لللإفادة؟

**aYaBooY** · 09-11-2012 10:51 AM

لو الموتور على تكيهات شاكوش و مسمار زي الفيستا و الاسكورت 1300 يبقي المعلومة ديه صح لكن لو الموتور على كوستبان و كاتينة كاوتش يبقي المعلومة غلط و ديه وجهة نظري