الموضوع: عايز اجيب موتور مياه ..لعمارة او لشقة !!!!!

أخى الكريم
أنا أسكن بالدور الخامس و الدور شقتين ( 12 شقة بالأرضى )عندى طلمبة مياه صينى 1 حصان مركبة بالشقة وليست بالأرضى
ولا يمكن وضعها بالمنور لرفض السكان والمياه مقطوعة ولا تأتى إلا بعد الفجر حتى بالموتور ما هو الموتور المناسب لى
علماً بأن المياه تضعف ولا تنقطع تماماً وكذلك كل العمارة على خط مياه واحد ويوجد عدد 2 موتور بالأرضى كل واحد منهم واحد حصان ( 1 خاص بالدور الثانى - 1 خاص بالخزان أعلى العمارة )

طرحت على السكان فكرة وضع موتور 3 حصان للعمارة كلها وإلغاء كل المواتير الموجودة فما رأيك هل هذا أفضل لى أم أركب موتور عندى بالشقة بس يكون إيطالى وأقوى من 1 حصان ؟؟؟؟

أرجوا الإفادة ويا ريت تقولى أجيب الموتور منين فى الأسكندرية أو لو ممكن من القاهرة ويشحن للأسكندرية ؟؟

المشاركة الأصلية كتبت بواسطة gelgel2004

1/ موتور 2 حصان مع 3 بلونة للدور الارضى 12 شقه
2/ موتور 2 حصان مع 3 بلونه للادوار الباقيه .
3/ ضرورى الصواعد و التغذيه تكون من البولى
4/ شيك بلف ايطالى قبل كل موتور
5/ لو قدرت تنظف الوصله اللى مت بين العمومى و العداد - ستذهل من النتيجه.
6/ باكد ان المواسير و الوصلات لازم بولى و خصوصا الدخلات اللى على الشقق
7/ البالونات علشان متستهلكش بسرعه تجيب البالونات الكبيره ( من 50 الى 75 لتر )
افضل الانواع و الارخص من الكالبيدا هو النوع كوميت - ايطالى - من شركة الكريم 51 و 53 شارع الجمهورية - مصر - 25908691
8/ معرفش مين بالاسكندريه بيبيعه لكن ممكن اشحنه لحضرتك مع ميدل ايست سيرفيس

ألف شكر على سرعة الرد وآسف لأنك فهمتنى خطأ بسبب عدم دقة شرحى لمشكلتى
أنا قصدى أقول لحضرتك إن إحنا 5 أدوار علوى + دور أرضى
يعنى إجمالى الشقق 12 شقة فى البيت بالكامل وكلنا على عداد واحد والمواسير حديد العمومى 1 بوصة والتوزيع على الشقق 3/4 بوصة
ومتركب 2 موتور فى الأرضى بقوة 1 حصان لكل موتور ( موتور للدور الثانى وموتور لخزان على السطح )
وأنا مركب موتور صينى و معاه فلو ماك إيطالى عندى فى الشقة فى الدور الخامس ومش بيجيلى مياه إلا بعد الفجر فقط لمدة ساعتين ده و الموتور بتاعى شغال
ومش ممكن أنزل الموتور بتاعى فى المنور أرضى لرفض السكان علشان كده عايز حل من إثنين

1- موتور أركبه عندى فى الشقة بالدور الخامس يجيب مياه كويسة طول النهار مع وجود المواتير اللى راكبة بالأرضى زى ما هيه
2- الحل الثانى نلغى كل المواتير الموجودة ونركب موتور واحد على العمومى بعد العداد يغذى كل الشقق ال12

ويا ريت أعرف هل ممكن أستفيد من الفلو ماك اللى عندى فى أى من الحالتين ؟؟

وعايز أعرف الموتور المناسب لكل حالة من الحالتين السابقتين ( ماركته - قدرته - سعره - أجيبه منين حتى لو إتشحن لى من القاهرة ) لأن كل حاجة حتبقى على حسابى لوحدى من غير مشاركة من باقى السكان وعايز آخذ قرار من الإثنين اللى ذكرتهم

وآسف للإطالة مع كل الشكر

انا كنت اشتريت طلمبة مياه اسير من اربع سنوات و حاليا بدات اسمع صوت للرومان بلى فهل حد عندة فكرة عن مقاس الرومان بلى و منين اجيب الميكانيكل سيل بتاعها
ملحوظة الطلمبة واحد حصان و لاسف الطلمبة راكبة فى الساحل و انا من القاهرة و شكرا مقدما

السلام عليكم

رمضان كريم عليكم اولا و كل سنة و حضراتكم طيبين

انا حاليا ساكن فى الدور التامن بعد الارضى كل دور شقتين و عدد الشقق 16 شقة و مصنع بدروم فى الارضى ... انا عايز اركب موتور لوحدى لان موتور العمارة ضعيف و بيشتغل علطول و بيعمل قفلة و كل شوية انزل اشغله .... فا ممكن حضراتكم تقترحوا نظام كويس اركبه سواء مالك فلو او بلونة مع الحاجات اللى هجيبه و نوع الماتور اللى هجيبه و قوته كام حصان و لوف يه نصايح تانية حابب اسمعها

كمان فيه ناس مركبة مواتير ( كل واحد مركب 1 حصان و العدد قابل للزيادة) ... فا انا عايز اركب الموتور و تكون المية عندى من غير مشاكل ولا حد يسحب منى ولا حاجة ( هركب وصلة بعداد و الموتور هيكون فى المدخل)

مستنى الردوود و اجيب منين و عايز اعرف هل انا هجيب رفع ولا احيب سحب و رفع (تحضير ذاتى) .... و ياريت اقصى ارتفاع فى الحالتين او النوعين الموتور هيرفعهم

و ازاى اتاكد ان الموتور من جوه ملفوف نحاس و ان الساقية و الريش نحاس/زهر


و شكرا و جزاكم الله خيرا

المشاركة الأصلية كتبت بواسطة gelgel2004

موتور من 1 الى 1.5 مع 2 بلونة مع فلو ماك و اوتوماتيك ايطالى - و الوصلات من الاول للاخر بولى 3/4 مع داخل للشقة 1/2 بوصه
كابل الكهرباء لتشغيل الموتور 1 ملم معزول و معتمد ( السويدى او سيمون او كابلات )

و شيك بالف قبل الدخول و مبلاش بعد الخروج علشان الفلو ماك ( موديل بريو 2000 ) فيه الخاصية دى
و المستورد الكريم للاستيراد - 51 و 53 شارع نجيب الريحانى / من الجمهورية
ت 25908691

طب نوع الموتور اللى اجيبه ايه؟؟!!!

و ليه احيب بلونتين ... مش واحدة بس كفاية؟؟!! .... كمان لما اجيب ماك فلو مع الجهاز هيبقى تكاليف اكتر ... ياريت تقترحلى حاجات معقولة و بأسعار كويسة

كمان هجيبه رفع ... ولا رفع و سحب .... و ياريت الاسعار؟؟؟!!