الموضوع: عايز اجيب موتور مياه ..لعمارة او لشقة !!!!!

المشاركة الأصلية كتبت بواسطة gelgel2004

تحت امرك
كوميت 1/2 حصان و 2 بلونه و اوتوماتيك و عداد قراءه ضغط من الكريم للاستيراد
الموتور 500 جم و المجموعه اظن 150 جم
او تجيب 3/4 سحب و طرد ( تحضير ذاتى ) مع بلونه واحده واوتوماتيك و عداد و المواسير بولى 3/4 و افيز تثبيت المواسير كل 90 سم .و تكون بولى بتاع الصواعد موش العاديه ونوع البالونه زيلمت ايطالى
الكريم للاستيراد
25908691

25885038

تحياتى

الف شكر يا باشا على تعبك معانا انا كان عندى موتور قديم من غير بالونه و كنت بشغله و بفصله لما اعوز فتعب و بقى ضعيف جدا و عايز اتخلص من القصه دى و اركب ماتور جديد و اوتوماتيك ف كده كده انا عندى المواسير و كل حاجه

بس ياترى ليه مش بتفضل كالبيدا ؟؟

و يا ترى عندك فكره كالبيدا 3/4 حصان بيعمل كام

معلش تاعبينك معانا

عندى موتور رفع 0.5 حصان كالبيدا مركب عليه بالونه و اتوماتيك ، و ساكن فى الدور الثالث فى عمارة من 12 دور ، 6 شقق بكل دور ، ولكن الساكنين فعليا حوالى 40 ، المهم الموتور ده بيغذى شقتى فقط و متركب فى المنور . المشكلة دلوقتى ان من عددة اشهر الموتور بيعلق مرة يشتغل بدون ما يفصل حتى بعد قفل الحنفيات و الانتظار لفترة طويلة انه يفصل ما بيفصلش ، لحد ما اروح افصله من مفتاح الكهرباء بعد كده رحنا فكينا البالونة و ضبطنا ضغط الهواء بتاعها و ركبناها و لكن لاقينا الموتور بيشتغل مع فتح الحنفية على طول و يفصل الموتور بعد قفل الحنفية مباشرة مع ملاحظة ان الموتور ما بيملأش البالونة بالمياه خالص و بعدها بيوم لاقينا الموتور بيفصل و بيشتغل بسرعة عدة مرات فى الدقيقة ، المهم أحضرنا فنى المواتير و فك البالونة و بعد كده فك القربه لاقينا ان فى مياه متحوشة فى البالونة الحديد ( فى الفراغ بين القربه و الجسم الداخلى للبالونة الحديد ) الفني قال ، بعد فحصه للقربه ، ان فيه تسريب من القربه ضعيف جدا و لازم تغيروها و لكن اركبها دلوقتى و تشتغل و بعد فتره ركبوا قربه غيرها . المهم الموتور اشتغل كويس لمدة شهر تقريبا ، بلاقى صوت الموتور مش منتظم بمعنى مرة صوته يعلى و بعدين يقل و كأنه سرعته مش منتظمه غير ان الميه من الساعة 12 ظهرا الى 6 أو 7 مساءا مقطوعة كل يوم فى هذا التوقيت برغم من بشغل مفتاح الكهرباء للمونور لكن الموتور مش بيجيب ميه
السؤال دلوقتى : 1- نفترض ان أصلا المياه ضعيفه من البلديه فى فترة 12 ظ الى 6 مساءا مش المفروض ان الموتور يسحب و يرفع مياه للشقة و لا لأ ؟؟؟؟؟؟؟؟؟؟؟؟ ده الميه بتفضل مقطوعه عندى لحد 7 مساءا.
2- ما سبب عدم انتظام صوت الموتور ؟
3- لما الميه بتيجى بعد انقطاعها بشغل مفتاح الكهرباء فملاقيش ميه و اسمع صوت الموتور ضعيف اروح اغلق مفتاح الكهرباء ثم اشغل المفتاح مرة اخرى و اصبر شويه دقيقة مثلا الاقى الموتور اشتغل و صوته عادى و يجيب ميه عادى بعد ثوانى من عمل الموتور ( طبعا ده بيكون الساعة 7 مساءا ) لكن الموتور مش بيفصل بيفضل شغال على طول حتى بعد غلق الحنفيات و الانتظار لفترة ، فأذهب لاغلاقه من مفتاح الكهرباء . ما سبب فى عدم فصل الموتور اوتوماتيكيا ؟ مع العلم ان الموتور بيفصل اوتوماتيك فى الفترة الصباحية .
4- هل القربه لها علاقة بانقطاع الميه فى هذه الفترة و هل لها علاقه ايضا بعدم فصل الموتور اتوماتيكيا ؟؟؟؟؟؟
وأسف جدا جدا على الاطاله و ارجو ان تفيدونى و شكرا