وظهر الجركن في أمريكا ...!!

**abogogo** · 05-11-2012 08:10 AM

ظهرت طوابير الوقود في الولايات المتحدة بعد أيام على مرور الإعصار «ساندي»، حيث وقفت السيارات في طوابير طويلة أمام محطات الوقود في الولايات الشرقية التي أضر بها الإعصار، كما وقعت مشاجرات داخل المحطات وبالقرب منها، بسبب نقص الوقود، وظهرت «الجراكن» في أيدي أصحاب السيارات الذين حاولوا تأمين احتياجاتهم من الوقود.

ووفقًا لموقع «بي بي سي»، فقد عادت الحافلات تسير بشكل طبيعي، كما استؤنف العمل تدريجيًا في المترو وقطارات الضواحي مع إعادة افتتاح الخطوط المؤدية نحو لونج أيلاند والضواحي الشمالية، إلا أن المترو الذي ينقل عادة نحو 6 ملايين مسافر في اليوم، لا يزال يتوقف عند الشارع الـ34، بسبب حرمان جنوب مانهاتن من التيار الكهربائي.
وللحد من ازدحام السير، فرضت الشرطة على السيارات القادمة إلى مانهاتن أن تنقل 3 أشخاص على الأقل، ونبهت شركة نيويورك تاكسي كوميشون، التي تدير شبكة من آلاف سيارات الأجرة في الولاية إلى أن عدد هذه السيارات المعروفة بلونها الأصفر، سيكون أقل مؤقتًا، بسبب النقص في الوقود.
المصدر :طوابير الوقود في أمريكا بسبب «ساندي».. ومشاجرات و«جراكن» أمام المحطات | المصري اليوم، أخبار اليوم من مصر

**Elawany13** · 05-11-2012 08:38 AM

هههههههههههه
محدش احسن من حد

بس تفتكر هيفضلوا سنين ماشين بالجراكن زى المصريين
ولا هوه اسبوع بالكتير ويرجعوا احسن من الأول !!

**kar!m** · 05-11-2012 09:32 AM

و مع ذلك شوف الناس واقفه في الطابور ازاي.

احنا معندناش ثقافة الطابور أصلا .. امبارح كنت بشتري فاهكه من فكهاني جنبنا .. لو تشوف الناس اللي عاوزة توزن و تحاسب واقفه ازاي على شكل دايره حواليه .. و اللي يمد ايده بالخضار من فوق و حاجه نيله.

**ahmedeihab** · 05-11-2012 11:45 AM

اللهم لا شماته

محدش احسن من حد

بس شفتوا منظمين بردو حتى فى الجركن

^_^

**semi** · 05-11-2012 12:04 PM

حد خد باله من عربية الشرطة اللي واقفة داخل البنزينة
بتضمن ان النظام موجود وبتمنع السوق السودا
يعني الناس منظمة واللي مش عجبه هيتبع النظام غصبا عنه
انا مش عارف لو ضربنا اعصار هنعمل ايه والله
لما شوية مطر بيوقفوا شوارعنا
بص عليهم في خلال شهر البلد دي هترجع زي الأول واحسن