الموضوع: نصيحه عند تغيير كبالن الأبيزا

السلام عليكم و رحمة الله
حابب اعلق على الاخ صديقنا صاحب الموضوع AGATY1ST

هو كاتب في الخلاصة :
عدم الطرق على الكبالن عن الخلع او التركيب ... معلش مع احترامي الكامل لكلامة طبعا .. لكن الكلام ده مش صح
حضرتك ممكن تفتح برنامج ELASwin و هتعرف هما بيفكوا الكبلن ازاي ... هتلاقي ادوات فك و تركيب الهيئة الامامية (المسعادين - المقصات - الاكسات او الكبالن) اللي بيتقال عليها باللغة الانجليزية drive shafts
طبعا انا ذكرت اسم البرنامج علشان محدش يقولي انا ايه مصدري و جبت الكلام ده منين ، الحمد لله بفضل الله اغلبية المعلومات اللي بحطها في المشاركات ليها اثباتات فعلية

موضوع فصل الحركة على الملفات دي افتكاسة الصناعية المصريين و تم تأييدها من العقول المصرية (طبعا اي حاجه تسبب في درء المفسدة هههههههه احنا بنعملها على طول من غير ما نفهم ليه طلاما مش هتخلينا نصرف ههههههههههه دي طبيعة فينا) .. اما الدليل حلبات الرالي اللي بتتعمل في اوربا اللي كلها مدقات و افشخنات و حركات شوفوا العربية بتتهبد و تترزع كام مرة ..... محدش يقولي دي متصممة لكدا !! لو متصممة لدا ايه اللي بيخليها سعات تتحرق او تتكسر او .. او .. أو ==== في الاخر اسمها عربية زيها زي عربيات الشوارع
العربيات الوحيدة اللي مبحصلهاش حاجه نوعين
1- need for speed .
2- عربيات الملاهي .
كلامي السابق مش معناه اننا هنمسك عربيتنا نفضل نهبدها في الارض و نامرك بيها و ندخل شوارع مكسرة على سرعات عالية عادي
لكن طلاما هنتكلم على ايه اللي بيخرب الكبالن فا اهم حاجه الاطمئنان على القطع الكوتش الي محافظ على شحم الكبلن - عدم السير بسرعة في الطرق الغير ممهدة - عدم مفاجاة الكبلن بمطب صناعي ..
لكن بردوا ليه عمر يعني هيخرب هيخرب امتى بقا و فين و ازاي (العلم عند الله) و لكن احنا بناخد بالاسباب .. يعني ما اهنش العربية

انما ايه معنى افصل الحركة عن الملفات طب و لو مافصلتهاش هيحصل ايه ؟؟؟
مافيش تحميل على كبلان لانها ممسوكة كويس من جوة و من بره على محورين و المحورين واحد فيهم داخل في شمعدان ... فين التحميل بقا ؟؟؟
الحمل الوحيد اللي هو نقل الحركة من الجير بوكس الى العجلات و ده الطبيعي .. امال هنقل الحركة في ايه ؟؟ في حلة فاضية مثلاً ؟؟؟
منقدرش نقول ان الالتفاف اثناء التعشيق يسبب اعطال و تلف الكبالن ...!!!
بإختصار شديد ان التلف بيحصل فجاه و بدون ابداء مقدمات للتف الا اذا احنا كنا شيفين بعنينا مثلا ان الكبلن الكوتش بتاعه اتقطع و كبرنا دمعنا و مشينا عليه و هو مقطوع .
او ما اتبعناش اسلوب قيادة هادىء اثناء السير على طرق غير ممهدة بنسبة 80%

ردا على كلام الاستاذ سيد في موضوع عكس اتجاه الحركة بين المكائن الطولية او العرضية فا الاوربيين بصفة عامة عندهم الحرفية و التقنات انهم يخلو المحرك في وضع رأسي و بردوا هعملولوا الات الجر الخاصة فيه على اساس ما يرونه مناسبا لسياراتهم و هذا قمة الابداع و التكنولوجيا
لو نيجي نشوف الموضوع اللي عملته بتاع تيست درايف للجبارة EXEO هنلاقي الموتور بالطول اكنه جر خلفي و لكن الات السحي امامية ..

خلاصة الكلام لو اتبعنا اسليب قياده سليمة في وجود طرق سليمة (مش موجود في مصر) لن نشعر باستمرار على مشكلات و اعطال متكررة و متداولة زي اللي موجوده في مصر .

شكرا جزيلاً