كليو ولا لوجان ؟؟ لوجان ولا كليو ؟؟

**Ahmad Allawy** · 10-07-2008 11:32 PM

اكيد طبعا يا باشا..
ربنا يباركلك فيهم كلهم..
بس رأيك ايه..؟؟ هي الكليو اشد ولا الكورولا..؟؟
مع التحفظ علي اختلاف الفئات يعني..
و عشان منعملش بلبلة و مناقشات ساخنة بين الناس في حوار الاسيوي و الاوروبي..
ممكن سعاتك لو حبيت تبعتلي علي الخاص.. :)

**Chicco** · 10-07-2008 11:42 PM

بصراحة شديدة الكليو في مصر أحسن من الكورولا في كندا
انما الحمد لله الاتنين مقضيين متطلباتي في البلدين
و تكالنا على الله يا باشا :)

**Ahmad Allawy** · 11-07-2008 12:32 AM

المشاركة الأصلية كتبت بواسطة Chicco

بصراحة شديدة الكليو في مصر أحسن من الكورولا في كندا

انما الحمد لله الاتنين مقضيين متطلباتي في البلدين
و تكالنا على الله يا باشا :)

انت قولتلي دكتور ف ايه..؟؟ :) :) :)
دكتور طبيب ولا دكتور في السياسة..؟؟!!! :) :)
ما شاء الله .. ايه الدبلوماسية دي.. :)

**Chicco** · 11-07-2008 12:46 AM

المشاركة الأصلية كتبت بواسطة Ahmad Allawy

انت قولتلي دكتور ف ايه..؟؟ :) :) :)
دكتور طبيب ولا دكتور في السياسة..؟؟!!! :) :)
ما شاء الله .. ايه الدبلوماسية دي.. :)

دكتوراه في حتي

أخجلتم تواضعنا يا باشا :o

**Ramy_Tantawi** · 11-07-2008 01:30 AM

السلام عليكم.

طبعاً مش هاختلف في اي كلام من الاخوه قالوه جزاهم الله خير وطبعاً دكتور هشام ربنا يكرمه اوجز واكفى .

انا رأيي الشخصي واتمنى يكوت فيه اضافه . الكليو بأمانه مش عائليه مش عارف ليه يعني الكليو مع قريبي هي عربيه محترمه جداً لكن آخرها معاه هو وزوجته جنبه وبنوته الصغيره ورا ربنا يحميها . لغاية كده هي عربيه محترمه جداً ومكفياه وزياده الحمد لله .

اللوجان اوسع بالذات من الخلف الكنبه واسعه من الخلف عكس الكليو وحجم الشنطه مقارب جداً هم الاتنين شنطهم حدث ولا حرج ممكن تعزل فيها لو تحب :) لكن اللوجان مش عارف تبصلها كده تحس انها عربيه عيله تشيل وتحط فيها براحتك مش عارف ليه الانطباع ده عندي من أول ماالعربيه دي نزلت ويمكن هي العربيه الاولى لرينو اللي الواحد يشوفها ومايخافش من رقتها وعذوبة تصميمها اقصد ان الرينو انطباع الغالبيه عنها انها عربيه محتاجه اللي يحسس عليها ويعاملها برفق وحنيه . اللوجان حاسس انها هاتكسر القاعده دي على الاقل في الانطباع العام للشكل الخارجي .

الكليو حمالة اسيه بطريقه غير طبيعيه وعن تجربه استهلاك بنزين رائع وشبابيه اكتر من اللوجان في الشكل واعتقد فرق الموتور ممكن مايكونش محسوس اوي لئن الكليو خفيفه ورشيقه لكن موزونه عشان ماحدش يخاف منها وطبعاً الحكم من ملاكها اكيد افضل مني بمراحل .

انا حاسس اني توهت حضرتك اكتر وزودت الحيره اللي عند حضرتك ...... عموماً اتمنى من الله سبحانه وتعالى يعينك على الاختيار الصح ان شاء الله والمناسب .

**Chicco** · 11-07-2008 01:42 AM

المشاركة الأصلية كتبت بواسطة Ramy_Tantawi

.......
انا رأيي الشخصي واتمنى يكوت فيه اضافه . الكليو بأمانه مش عائليه مش عارف ليه يعني الكليو مع قريبي هي عربيه محترمه جداً لكن آخرها معاه هو وزوجته جنبه وبنوته الصغيره ورا ربنا يحميها . لغاية كده هي عربيه محترمه جداً ومكفياه وزياده الحمد لله ......

ألف شكر على كلمات الأطراء الرقيقه ...كلك ذوق يا أخي الفاضل ....و عندك حق يا باشا ....أنا دايما أقول ان الكليو مثالية لعائلة صغيرة :)

بس هي نسبة و تناسب ....يعني أنا لما أقعد قدام بارجع الكرسي للاخر و ساعتها أغلب العربيات بتبقى الكنبة الخلفية ضيقة ..... مثلا لما قعدت في الكنبة الورانية في الكليو و كانت أختي اللي سايقة و مطلعة الكرسي لقدام كنت قاعد معقول مش هايلة بس مقبولة

....
طبعا كده و لا كده يفضل الأخ الفاضل صاحب الموضوع يجرب بنفسه و يشوف الأخبار إيه :)

**itsonlyme** · 11-07-2008 11:33 PM

أنا رحت شفت اللوجان النهاردة في المصرية للسيارات والعربية عجبتني أوي.
وسع العربية دي مش معقول. قعدت أمام وكنت مرتاح أوي وبعدين رجعت قعدت وراء وكان في مسافة كبيرة ما بين رجلي والكرسي الأمامي. مع العلم أني طويل. 180سم.

الشنطة واسعة بردو.

شكل العربية معقول جدا من الداخل والخارج. أعتقد ان في ناس كتير ممكن ميعجبهاش شكلها بس أنا شايف ان شكلها كويس.

العربية عجبتني أكتر مما كنت متوقع بس الفرش بتاع ااأرضية والسقف سيئ من وجهت نظري. شكله ميستحملشي غير انه مكانشي ماسك في الأرضية ولا السقف!

**Chicco** · 12-07-2008 01:57 AM

المشاركة الأصلية كتبت بواسطة itsonlyme

أنا رحت شفت اللوجان النهاردة في المصرية للسيارات والعربية عجبتني أوي.
وسع العربية دي مش معقول. قعدت أمام وكنت مرتاح أوي وبعدين رجعت قعدت وراء وكان في مسافة كبيرة ما بين رجلي والكرسي الأمامي. مع العلم أني طويل. 180سم.

الشنطة واسعة بردو.

شكل العربية معقول جدا من الداخل والخارج. أعتقد ان في ناس كتير ممكن ميعجبهاش شكلها بس أنا شايف ان شكلها كويس.

العربية عجبتني أكتر مما كنت متوقع بس الفرش بتاع ااأرضية والسقف سيئ من وجهت نظري. شكله ميستحملشي غير انه مكانشي ماسك في الأرضية ولا السقف!

هو ده الكلام ..ما ينفعش الواحد يشتري عربية من غير ما يجربها ....برضه يا ريت حضرتك تجرب قعدة الكليو و تشوف ....اللي بينفع لواحد مش بينفع للتاني ....و أي توكيل محترم مفروض كمان يوفر تست درايف لعربياته .....المفروض

**Ramy_Tantawi** · 12-07-2008 02:11 AM

السلام عليكم.

التيست درايف عند رينو موجود وممكن اي حد يحجز ان شاء الله عن طريق الاتصال بي 16202 والتفاصيل عندهم ان شاء الله اكتر طبعاً مني.

سؤال جانبي لدكتور هشام فرصه نستغله هنا بس مش كاطبيب زي المره اللي فاتت جزاه الله خير المره دي كا عضو من اعضاء الاسره الرينوهاويه . هو في لوجان وكليو في كندا ؟ اقصد يعني الرينو عموما في كندا انتشارها عامل ازاي وايه الماركات اللي حضرتك بتحس انها مكتسبه ثقة السوق اكتر من غيرها في العموم في كندا واشكر حضرتك على سعة صدرك وجزاك الله خير يا دكتور.

**Ahmad Allawy** · 12-07-2008 02:22 AM

المشاركة الأصلية كتبت بواسطة itsonlyme

أنا رحت شفت اللوجان النهاردة في المصرية للسيارات والعربية عجبتني أوي.
وسع العربية دي مش معقول. قعدت أمام وكنت مرتاح أوي وبعدين رجعت قعدت وراء وكان في مسافة كبيرة ما بين رجلي والكرسي الأمامي. مع العلم أني طويل. 180سم.

الشنطة واسعة بردو.

شكل العربية معقول جدا من الداخل والخارج. أعتقد ان في ناس كتير ممكن ميعجبهاش شكلها بس أنا شايف ان شكلها كويس.

العربية عجبتني أكتر مما كنت متوقع بس الفرش بتاع ااأرضية والسقف سيئ من وجهت نظري. شكله ميستحملشي غير انه مكانشي ماسك في الأرضية ولا السقف!

بصرة.. انا كمان شوفتها هناك النهاردة.. يمكن شوفتني و شوفتك بس منعرفش بعض.. :) :) :)
عموما.. انا شايف فيها حاجة.. انها عكس العربيات الصيني.. بمعني:::
العربية دي اساسياتها كويسة جدا جدا جدا موتور و عفشة رينو.. تكنولوجي قديمة نسبيا سهلة الاصلاح.. رخيصة نسبيا..
اتساع العربية في منتهي الجمال.. الصالون و الشنطة..
وده المهم في العربية.. غير كده يعتبر كله رفاهية..
يعني التقفيل و الخامات عليها تحفظات.. و السعر برضه عليه تحفظ.. بس المشكلة ان السوق كله علي دلوقتي.. مع امكانية ان لو سعرها نزل شوية هتبقي انسب..

العربياتا لصيني بقي كماليات و بس.. اساسيات متضمنهاش.. الله اعلم بيها..

كل واحد بقي ادري بظروفه.. وهو عايز ايه م العربية..

الموضوع: كليو ولا لوجان ؟؟ لوجان ولا كليو ؟؟

LinkBack

أدوات الموضوع

عرض

-

-

-

-

-

المواضيع المتشابهه

ناوى على لوجان بس خايف ياريت الى معاه لوجان يخش يطمنى

سيريون جيتز بونتو لوجان و لا كليو ؟؟

اقل مقدم وتقسيط وفترة سداد للسيارة لوجان؟؟؟؟؟؟؟ لمالكي لوجان

رينو كليو أو رينو لوجان أو فيات سيينا ؟؟

الفرق بين رينو كليو ورينو كليو كلاسيك

الكلمات الدلالية لهذا الموضوع

المفضلات

المفضلات

ضوابط المشاركة