الموضوع: تنضيف البوابة وغيره للشارك

المشاركة الأصلية كتبت بواسطة M_Marwan

أخطر حاجه فى الشارك هى فك فلتر الهوا وتنظيفه بواسطه عامل او حد مش خبره

وياما حذرنا من الموضوع ده لان موتور الشارك حساس اوى للتراب

المهم حصل خير حضرتك دلوقتى لازم البوابه تتنضف اطلع على الرواس وهما حيظبوطلك العربيه ان شاء الله

شكراً جزيلا استاذي الفاضل M_Marwan بس المشكله انى مش موجود فى مصر .. انا فى الخليج
لو فيه اى مقترحات تناسبني أكون ممنون طبعا .. شرفتنى بمرورك الكريم

المشاركة الأصلية كتبت بواسطة m.mohsen_saleh

البوابات الالكترونية لا تحتاج لتنظيف. ممكن البومة تحتاج لتنظيف بوابة لكن الشارك لأ. أنا شغال في توكيل كرايسلر و عمري ما سمعت عن حد بينظف بوابة، و لو حد قالك هنظفهالك هو عارف انها مش هتفرق حاجة مجرد هياخد منك فلوس
و ممكن يبوظلك البوابة عشان دي حساسة جدا مش زي العادية اللي بسلك

موضوع فلتر هواء الشارك فعلا مشكلة معروفة، ان محدش بيقفله كويس، تركيبه عايز حرفة عالية، حتى في توكيل دايموند بيغلطوا و بيسلموا العربية من غير ما يركبوا الفلتر صح

معلومة للجميع الاضافة اللى بتتحط للزيت دي مش امان للعربيات اللى عداد الكيلومتر فيها عالي عشان الجوانات بتبقى حالتها أصلا سيئة و متلصمة، و الاضافة اللي بتتحط دي حامية جدا لو فيها أي جوان بيشاور عقله هيضرب ، و هتكتئب من العربية لما تغيير زيت و بعد يومين تلاقي الزيت بيتسرب. و طبعا يا أستاذ مروان ملهاش أي علاقة بالتراب اللى دخل الموتور و لا هيعمل حاجة لأن الهواء بيخش غرفة الاحتراق مش بيخش على الزيت !

و نفس الكلام لمنظف الرشاشات ده. ده مجرد زيت فتيس أوتوماتيك و عليه جاز ، مش بقول كده عشان أقلل منه بس ده تكوينه فعلا . و بكل تأكيد ملوش علاقة بالتراب اللي دخل عندك عشان دي بيخش مع البنزين يسلك الرشاشات أول مايخش غرفة الاحتراق يبقى دوره خلص و بيكون اتحرق خلاص

بداية خالص تحياتي لحضرتك ..
وكلامك حقيقى مقنع لدرجه كبيرة ..
شرفتنى بمرورك ..