مياة الرداتير عتجنينى

**aali6632** · 06-11-2012 11:31 PM

احلى مساء على رجلة المنتدى ولاسكوده
ياجماعة انا عندى العبية فليشيا 95 مياه الرداتير كل يوم ازود الاربه مياه الى المكس وبعد ماروح الشغل يعنى مشور حدود 8 كيلو القى المياه تحت الاالعلامة الاولى وقبل مامشى من الشغل ازود مياه تانى واول مروح القى نفس الموضوع والحرارة لا تزيد عن 90 بقاله اسبوعيتن والزيت لونه عادى مش طحينة اعمل مش عارف اعمل والعيب يكون فين مع العلم ان الرداتير جديد بقاله حدودعملة 8 شهور وبراجع على التوصيلات والقفسن مش لقى حاجة ارجو الافادة لو فى اى حاجة ممكن اعمله

**aw2100** · 07-11-2012 02:12 AM

العيب دة ممكن يكون من غطاء قربة الرادياتير او من خرطوم مشروخ بتتبخر المية منه وانت ماشى وعادة بتكون حتة خرطوم صغيرة واصلة فى الموتور من تحت شبة القمع بتركب فى الماسورة اللى بتمشى من تحت الدينامو ودى انا غيرتها مرة وكان فيها شرخ بيضيع المية وانا ماشى وماتلقيش حاجة وانت واقف او راكن العربية والله اعلم !!

**aw2100** · 07-11-2012 08:14 PM

بص لو الجكمان بينقط مية زى الحنفية ممكن يكون الجوان او وش السلندر نفسة اتشرخ لاقدر الله لكن لو مابينقطش مية كتير يبقى العيب فى خرطوم فية شرخ رفيع بيبان مع ضغط الموتور فى المشى عموما تغيير جوان الوش فيروس وانفلونزا الفليشيا وملهوش سبب ممكن تكون بقالك فترة كبيرة ماغيرتهوش

**sakr_skoda** · 07-11-2012 08:32 PM

طيب ايه رئيك تجرب موضوع البلوك سيل دايما بانصح بيه قبل ما تدخل فى دوامة الفك والتركيب....*

موضوع نقصان الميه ليه اسباب عديده وهى :

1- شرخ فى جسم القربة ودى بتظهر لما الضغط بيزيد فى دورة التبريد وحصلتلى شخصيا وغيرت القربة....

2- طلومبة المية برضوا ممكن تنقط لما الموتور يشتغل لو مبطل ولا الهوا....

تنفيس فى خراطيم المياه لا يظهر الا بالضغط العالى فى دورة التبريد ....

فالنصيحة البلوك سيل هو الحل ودا مجرب منى شخصيا بعد ما طلعت عينى....*

اه نسيت على فكرة لو فير شرخ فى وش السلندر او تلف فى الجوان لا قدر الله كان يظهر ذالك فى زيت السيارة لأن وش السلندر عبارة عن شرايين متجاورة واحدة للزيت والاخرى للمياة....*

**aw2100** · 07-11-2012 09:22 PM

انا حصل عندى شرخ فى الوش تحت قاعدة الصباب فى الوصلة اللى بين مجارى المية وغرفة الأشتعال اللى فوق البستم وكانت المية بتتبخر من الجكمان زى العربيات الغاز بتطلع بخار كتير قوى والعربية سحبها ضعيف وكان الزيت عندى زى الفل مش مطحن ودة اللى كان مجننى ساعتها ولكل قاعدة شواذ !!!

**المنسي** · 08-11-2012 12:51 PM

جوانات وجمالكة فى حدود 50 جنيه ومصنعية بالكتير 150 جنيه مش اكتر من كده واعمل حسابك على تغيير زيت بعدها وكمان تغيير مية التبريد وغسيل الدورة كويس بعدها وبعد ماتعمل تغيير الجوان وتمشي بالعربية 200 كيلو هترجع تانى للميكانيكي يشد تانى على الوش

**aw2100** · 08-11-2012 03:29 PM

المشاركة الأصلية كتبت بواسطة المنسي

جوانات وجمالكة فى حدود 50 جنيه ومصنعية بالكتير 150 جنيه مش اكتر من كده واعمل حسابك على تغيير زيت بعدها وكمان تغيير مية التبريد وغسيل الدورة كويس بعدها وبعد ماتعمل تغيير الجوان وتمشي بالعربية 200 كيلو هترجع تانى للميكانيكي يشد تانى على الوش

انا غيرت الجوان من حوالى 6 شهور بس الميكانيكى مقليش ارجع اشد على مسامير الوش والعربية مشية تمام كدة يبقى فية مشكلة؟؟؟ ارجع وقول للميكانيكى يشد على الوش ولا انت شايف ايه؟