مياة الرداتير عتجنينى

**EngAhmedSayed** · 08-11-2012 07:36 PM

المشاركة الأصلية كتبت بواسطة aw2100

العيب دة ممكن يكون من غطاء قربة الرادياتير او من خرطوم مشروخ بتتبخر المية منه وانت ماشى وعادة بتكون حتة خرطوم صغيرة واصلة فى الموتور من تحت شبة القمع بتركب فى الماسورة اللى بتمشى من تحت الدينامو ودى انا غيرتها مرة وكان فيها شرخ بيضيع المية وانا ماشى وماتلقيش حاجة وانت واقف او راكن العربية والله اعلم !!

111111111111111111111111111

**المنسي** · 10-11-2012 11:57 AM

المشاركة الأصلية كتبت بواسطة aw2100

انا غيرت الجوان من حوالى 6 شهور بس الميكانيكى مقليش ارجع اشد على مسامير الوش والعربية مشية تمام كدة يبقى فية مشكلة؟؟؟ ارجع وقول للميكانيكى يشد على الوش ولا انت شايف ايه؟

اهم حاجة ان العربية مبتسخنش زى الاول والمية فى القربة مفيهاش فوران وعايز تتاكد اكتر اكبس دورة التبريد كويس وشوف لو فيه تسريب اعمله وبعد كده لاحظ المية بتنقص معاك كل اد ايه وبما انك بقالك 6 شهور فانا عايز اعرف انت بتزود المية كل اد ايه وحتة انك ترجع تانى للميكانيكي يشد على الوش مبحبهاش بعد فترة طويلة كده لسبب بسيط ان الجوان بعد اسبوع من تركيبه لما تيجي تشد على الوش مش هيحصل له حاجة اما لو جيت بعد فترة طويلة وعملت شد على الوش الجوان اساسا خلاص مع الجمالكة هيكون ملا الفراغات ياريت اكون قدرت اصل المعلومة

**المنسي** · 12-11-2012 10:05 AM

المشاركة الأصلية كتبت بواسطة aali6632

انا روحت لميكانيكى ثالث قلى دة مش جوان ده وش السلندر عايز يتشدعلية ده المسامير مهوية شوية فربط عليها وظبط تكيهات وخد 20 جنيه ومشيت حولى 25 كيلو بس المياه حساس انها قلت شوية صغرة جدا عكس قبل التربيط كنت كل 10 كيلو القربه بتنقص عند العلامه الى تحت وكله على الله وشكرا

طيب كده كويس وبرده شوف غطا القربة حالته ايه لانه ساعات بينفس وتلاقى المية بتقل كتير

**A.Saad** · 13-11-2012 09:54 AM

والعربية بارده
تظبط المياه فى القربة والردياتير للمستوى الصح

**المنسي** · 13-11-2012 02:11 PM

المشاركة الأصلية كتبت بواسطة aali6632

ياجماعة السلامة عليكم
انا لاحظة حاجة دلواتى لما بمشى بالعربية حدود من 16 الى 20 كيلو بلقى المياه نزلت شويى ولما بهوي غطا القربه بسمع صوت هو وبلقى المياه علية للمستوى الى انا مالى علية وقلول كيفية تفريغ الهواء من دائراة التبريد وملي المياه بالطريقة الصحيحة وانا اكون شاكر ليكم

العربية لو حطيت المية وهية باردة عند العلامة اللى تحت وطلعت بيها مشوار ورجعت بصيت على المية هتلاقيها وصلت للعلامة الماكس وده ليه علشان سخونة المية اما موضوع سحب الهوا من دورة التبريد هتعمل الاتى هتفك الخرطوم اللى راجع من الموتور ورايح على القربة وتكون العربية دايرة وسخنت وهيكون معاك جركن المية وبعد كده تزود بنزين من الاكسلاتير وتزود مية فى القربة لغاية ماتلاحظ ان قوة دفع المية اللى خارجة من الخرطوم اللى فكيناه بقت شديدة بعد كده تروح موصل الخرطوم تانى فى القربة وتشد على القفيز اللى بيربطه كويس علشان ميسربش مية وترجع تزود مية تانى لغاية علامة الماكس وتقفل غطا القربة ويبقي كده سحبنا الهوا من دورة التبريد

**aw2100** · 13-11-2012 03:10 PM

المشاركة الأصلية كتبت بواسطة aali6632

ياجماعة السلامة عليكم
انا لاحظة حاجة دلواتى لما بمشى بالعربية حدود من 16 الى 20 كيلو بلقى المياه نزلت شويى ولما بهوي غطا القربه بسمع صوت هو وبلقى المياه علية للمستوى الى انا مالى علية وقلول كيفية تفريغ الهواء من دائراة التبريد وملي المياه بالطريقة الصحيحة وانا اكون شاكر ليكم

دة طبيعى انا عندى كدة وكل مالعربية تسخن المية بتنزل فى القربة اكتر ولو سبت العربية تبرد لتانى يوم المية بترجع لمستواها الطبيعى ولو سفرت مشوار كبير حتلاقى القربة نفسها بتتنفخ وكانها حتنفجر كل دة طبيعى والسبب ان المية وجزء الهواء الفاضى اللى فى القربة من اعلى يتمدد مع الحرارة مما يضغط على مستوى المية فى القربة بالأضافة لتمدد اجزاء المحرك والرادياتير والخراطيم مع الحرارة العالية اهم حاجة تراقب المية بعد مالعربية تبرد تانى يوم حتلاقى المية فى القربة ترجع لمستوها الطبيعى ملحوظه لو فية تنفيس فى دورة التبريد مش حتحس بكل دة علشان الضغط العالى بيتسرب من مكان التنفيس !!

**المنسي** · 13-11-2012 03:40 PM

المشاركة الأصلية كتبت بواسطة aw2100

دة طبيعى انا عندى كدة وكل مالعربية تسخن المية بتنزل فى القربة اكتر

العكس هو اللى بيحصل ان المية والعربية بعد مشوار طول هتلاقيها زادت فى القربة

ولو سبت العربية تبرد لتانى يوم المية بترجع لمستواها الطبيعى

فعلا لو سبت العربية وجيت تانى يوم هتلاقى المية فى المستوى اللى كانت عليه قبل المشوار

ولو سفرت مشوار كبير حتلاقى القربة نفسها بتتنفخ وكانها حتنفجر كل دة طبيعى

جزئية انها تتنفخ دى خلى بالك لان ممكن يكون جوان والمية بيحصل لها فوران وده اللى مش طبيعي

والسبب ان المية وجزء الهواء الفاضى اللى فى القربة من اعلى يتمدد مع الحرارة مما يضغط على مستوى المية فى القربة

بالعكس الهوا اللى موجود فى القربة اعلى المية ميضغطش على المية لكن بينزل لاجزاء الموتور فهتلاقى ان المية زيادة فى القربة بعد اى مشوار

بالأضافة لتمدد اجزاء المحرك والرادياتير والخراطيم مع الحرارة العالية اهم حاجة تراقب المية بعد مالعربية تبرد تانى يوم حتلاقى المية فى القربة ترجع لمستوها الطبيعى ملحوظه لو فية تنفيس فى دورة التبريد مش حتحس بكل دة علشان الضغط العالى بيتسرب من مكان التنفيس !!

لو فيه تنفيس فى دورة التبريد المية هتقل بشكل ملحوظ بالظبط زى ماتكون بتغلى مية ومش حاطط غطا محكم فطبيعى المية هتتبخر وتقل يارب اكون وضحت ولو حد شايف كلامى غلط يوضح لى الصح