الموضوع: النيو صني اتخبطت

اعتقد بردوا انا كان لى مشاركة بس تاهت فى موضوع .. وحكيت وقولت فيها
ان الصنى الشكل القديم اللى صاجها اقدم كانت ماشية على سرعة 30 على غيار الثانى .. وصاحب العربية صديق لصديق اعرفه .. وقالى كنت مرهق ومش شايف ونايم على روحى ودخلت فى عربية مرسيدس القديمة من خلفها والخسائر كانت عنده كابوت من قدام الشفة بتاعته اتعوج والاكصدام من الجز الشمال اتدمر والفانوس بجزء من الرفرف
وكنت ارسلت الراجل ده الى اوتو ايجيبت عشان يصلح عربيته هناك

ايه الهدف من الحكاية دى اللى حكتها .. عشان اقولكم حسب الخبطة .. داخلة فى حاجة صلبة ولا داخلة فى ايه والقوة اللى كانت داخلة فيها حتى ولو كانت مش قوة كبيرة لان فيه رد فعل .. وكمان لان صاج العربيات الحديثة مش صاج 128
وكمان خبطة العربية فى حاجة صلبة زى ما قولت غير انها تخبط فى حاجة مرنة .. لو اتخبط فى حائط او عربية من العربيات القديمة .. اعرف انك حتنزل حتلاقى كارثة فى عربيتك لو كانت من العربيات الحديثة .. على عكس لو حبطت عربية حديثة لان اكصدامات العربيات الحديثة اكصدامات مرنة بتروح وبتيجى

الحال ده فى كل العربيات الحديثة .. زى ما فى عربيات غير انها مرنة .. فى عربيات الرفارف فيها ماليانة انحناءات .. وده لو اتخبط .. مش حيرجع سليم .. ومفيش سمكرى حيقدر يتعامل معاه ويرجعه سليم .. فلازم تروح تشترى رفرف جديد عشان تركبه مكان اللى باظ !!

فكل عربية فيها مميزات وعيوب .. وعمرنا ما حناخد حاجة كاملة
الاهم ان الحاجة تكون بسيطة وسهل انها تتلم .. وزى ما قولنا بردوا قبل كداااااااااااا
اهم حاجة ان اللى فى الكابينة سليم جوة .. واغلب مصنعى العربيات بيهتموا دلوقتى برسلامة السائق والراكب
وده فى اغلب العربيات سواء الصينى او اليابانى او الكورى او الاوربى

والف حمد لله على السلامة
وان شاء الله العربية ترجع افضل من الاول
ولو حضرتك مامن .. ان شاء الله التامين حيتكلف بكل حاجة
ولو حضرتك مش مامن .. ان شاء الله تتعمل باقل تكلفة .. ولو محتاج مساعدة من التوكيل لو انت مش مامن انا تحت امرك

تحياتى