النيو اكسنت اتخبطت اعمل ايه؟ :(

**karamella13** · 29-08-2009 07:46 PM

السلام العليكم و رحمه الله و بركاته
رمضان كريم و كل سنه و انت طيبين
العربيه و انا ماشى على كوبرى اكتوبر واحد الله يسامحه كسر على فجأه (127 فيات) ...فخبط العربية من ناحية الاكصدام :((
طبعا الاكصدام جزأ منه اتخلع (ناحية الخبطه) وكان شكله صعب جدا

مش هطول عليكم ..روحت لى ميكانيكى قالى ان فى جزأ منه عايز يتلحم عند بتاع الفايبر(60جينه) ..و فى حاجه مش فاكر اسمها (بتغطى العجله من جوه مصنزع من البلاستك ) بـ60 جنيه و مصنعية 30 جنيه
المهم ... الميكانيكى قالى مدام انى عامل تأمين على العربية (الوثاق للتامين) اعمل محضر ان العربية وهى مركونه اتخبطت و تامين هو اللى هيشيل الليله كلها...
السؤال هو ازاى اعمل الاجراءات بالتفصيل؟؟
وهل الاجراء ده هيخرج العربية من الضمان ؟؟؟

**meshmeshahanem** · 29-08-2009 11:04 PM

انا عربيتي الجيتز كانت اتخبتط زيك كدا وكانت الاصابات تقريبا واحده والحته اللي بتغطي العجل اسمها الكرتيره ونصيحه مني ودي العربيه للحرفيين هناك فعلا شغلهم 100\100 بس اهم حاجه ميعملش الاكصدام بالنار يعمله بالهوا السخن
اما بالنسبه لموضوع التأمين فأنا مش عرفه عشان انا مش مأمنه

**karamella13** · 30-08-2009 01:54 AM

ايو صح الكارتيره.... برافو عليكى
طيب موضوع التامين ايه الحل فيه؟؟؟؟

**meshmeshahanem** · 30-08-2009 02:03 AM

انا معرفش نظام شركات التأميين ايه عشان انا مش مأمنه زي مقولت بس ممكن تتصل بالشركه اللي مأمن تبعها وتقول ان العربيه اتخبطت وعايز اعرف ايه اللي حيتم
او احد الاعضاء اللي مأمنيين يردوا في موضوع التأميين ده

**GBYTE** · 30-08-2009 02:20 AM

موضوع البلاغ حسب شركة التامين فى شركات من غير محضر لغاية 10000

**ezzatfox** · 30-08-2009 03:44 AM

انت مش محتاج تعمل محضر و لا حاجة .. لان تكلفة الاصلاح بالنسبة لك بسيطة و اق شركة تأمين لا تشترط عمل محضر لحد 3000 او 5000 جنية و انت تكلفتك هتبقى اقل
المفروض انك تعمل مقايسة الاول سواء فى التوكيل او فى احد المراكز المعتمدة و بعدين تاخد المقايسة و تطلع على شركة التأمين تعمل اخطار بالحادث و تكتب فية انها اتخبطت و هى واقفة.. هيتحدد مكان للمعاينة و خلاص على كدة
و حسب شركة التأمين فى شركات بيبقى ليها مراكز معينة للاصلاح يعنى انت مبتدفعش حاجة خالص .. و لو عايز تعملها فى التوكيل او فى حتة تانية بتدفع انت الفاتورة و بعدين بيطلع شيك من شركة التأمين بالمبلغ

**sss2000** · 30-08-2009 12:43 PM

الحمد لله انها جت علي قد كدة بس طالما انك مأمن ما تسيبش حقل ورحلوهم وشوف اية الاجراءات المطلوبة

**karamella13** · 30-08-2009 09:32 PM

شكرا جدا جدا على الافاده
معلش دى اول مره اعمل حدثه وانشاء الله الاخيره ...فالواحد معلوماته ضعيفه عن الاجراءات دى
وخصوصا ..لما الحادثه حصلت المفروض كنت عملت محضر للخبطنى ..بس للاسف الراجل ضحك عليه وقالى انه هيشيل التكلفه كلها ولما كلمته الندل قالى كتير وانت الغلطان
ربنه يسامحه

**Eng_Mostafa_89** · 01-09-2009 06:14 AM

الحمد لله على كل حال

**pero2020** · 01-09-2009 06:02 PM

انت تروح علي شركة التامين هيقولوك وادي العربية التوكيل واحنا هنبعت حد يشوفها ويقيم وبعد كدة يبتدي الشغل فيها بس خالي بالك بسرعة عشان سمعت انا الشركة دي هتقفل