الموضوع: استفسار هام لخبراء الفلوانس .. محتاج مساعدتكم

المشاركة الأصلية كتبت بواسطة amr_moh

good luck both astra and fluence are great
renault got a better agent and features for less price ..astra looks very sport and new

الف شكر لحضرتك .. يمكن هى دى خلاصة العربيتين تقريباً .

تحياتى

المشاركة الأصلية كتبت بواسطة ahmed a.maksoud

ال esp هى إختصار ل electronic stability program و ساعات بيبقى أسمه esc أو electronic stability control

و ظيفته بأختصار هو محاولة منع العربية من أنها تتزحلق بالجنب ( تعرض ) يعنى بفرض أنك فى ملف و داخل بسرعة عالية.....هتلاقي نفسك ماسك فى الدركسيون بأيديك الأتنين و مع ذلك ممكن تحس أن العربية مش ماشية مظبوط مع إتجاه الدركسيون اللى أنت بتحاول توديها فيه............ساعتها ال esp يبتدي يشتغل علشان يحاول يقلل أو يمنع الموضوع ده

شوف الفيديو ده............نفس العربية بيدخل نفس الملف مرة و ال esp شغال و مرة و هو مطفي

https://www.youtube.com/watch?v=fiups9ctll8


على حد علمي النظام الذكي لركن السيارة مش نازل فى الفليونس

عموماً هو ان العربية تركن نفسها بنفسها لما تشغل النظام ده فى مكان يسمح بركن العربية

ford's self-parking system - youtube

bmw 730i automatic parking system, car parks itself - youtube

يا باشا ايه الجمال ده .. الف الف شكر .. بس هى كده حاجة مهمة لثبات واتزان العربية .. طب هو الالمانى دائما موجودة فيه وبيهتم بيها بعكس بقية الانواع الأخرى !!

اما النظام الذكى .. انا عارفه بس اللى خلانى اسأل هو انى اعتقد انى لازما يكون فيه كاميرا خلفية وسبويلر خلفى والأثنين دول مش موجودين فى الفلوانس ورغم كده مكتوب نظام ذكى لركن السيارة .. الكلام ده من على النت .. مش عارف ممكن يكون غلط ..

وياباشا الف شكر لحضرتك بجد وجزاك الله كل خير :)

وتحياتى لشخصكم الكريم دائما :)

المشاركة الأصلية كتبت بواسطة karemof

السلام عليكم
الله يبارك في حضرتك، متشكر ليك جدا
بالنسبة لموضوع الشكل الجديد والموتور لم أتأثر به للأسباب التاليه
- أنا مستني بقالي كتير قوي بين تفكير و لف وحجوزات فمكنش ينفع أستنى أكتر
- التغيير في الشكل لا يذكر أقصد أنه مش تغيير حقيقي مجرد تعديلات بسيطة
- الله أعلم حتنزل مصر أمتى وكمان الأسعار حتبقى كام وخصوصا حالة البلد الاقتصادية والدولار، أصلي مش حستنى شهر ولا أتنين دي سنه ممكن يتغير فيها حاجات كتير

وعليكم السلام ورحمة الله وبركاته ..

باشا انا معاك فعلا انه مش مضمون ان السعر يظل كما هو وكمان الله اعلم الجنيه هيفضل يوقع لغاية فين :( !! .. لكن انا بس اللى كان نفسى فيه هو الموتور الجديد لكن الشكل عادى .

ومليوووووووون مبرووووك .. وشكلى هنضم ليك فاختيارك قريب بإذن الله :)

تحياتى لحضرتك :)

المشاركة الأصلية كتبت بواسطة limo81

جامده الحته دى

بجد نظرية تستحق الإحترام والتقدير .. ياله لو الكلمتين دول نزلو فى اعلان تليفزيونى + كمان الحسبة بتاعة الكماليات وفرقها مع فرق اعادة البيع .. يمكن الثقافة اللى عند شعبنا تتغير :)

المشاركة الأصلية كتبت بواسطة limo81

طب انا محتار بينها وبين الهوندا سيتى
سعرهم واحد تقريباً...والسعر مش هيبقى مشكله ليا خصوصا انى هاجيبها قسط تبع الشركه عندى
وطبعا انتم عارفين كلام الناس ع الاتنين (قطع غيار+أسعار توكيل ...........*)
تنصحونى بإيه

والله يا باشا انا فالأول برضو حد قالى على السيتى بس بصراحة لا تقارن مبدئيا من حيث الوسع والشكل الخارجى .. أما باقى التفاصيل فيفدك الخبراء هنا واللى بصراحة ما شاء الله عليهم .. احساسى حتى الأن ان قبل ما هاشترى العربية هكون مقتنع اقتناع تام بيها وده هيكون من خلالهم .. جزاهم الله كل خير وجعله فى ميزان حسناتهم ان شاء الله .

مع امنياتى ليك بالتوفيق دائما :)

الف شكر ليك يا أ/السيد

فليونس بدون تردد ح تلاقى فيها كل مليم دفعنه و اكتر