الموضوع: استفسار هام لخبراء الفلوانس .. محتاج مساعدتكم

المشاركة الأصلية كتبت بواسطة dozo

مع احترامى لرايك esp حاجه و variable power steering, speed proportiona حاجه تانيه خالص و esp لوحده بيدفع فيه فلوس كتيره لدرجه انه مش موجود غير فى الالمانى فقط و مش كله كمان و الفرنساوى العالى بيجو 508 و سيتروين ds5 طبعا انا بتكلم عن العربيات اللى بتنزل مصر و مش معنى كده ان الفيلوانس مش ثابته بس مفيهاش esp .
- بالنسبه لصاحب الموضوع الاسترا 155000 مش فاضيه هى بتنقص جنوط و مرايات ضم تقريبا و esp اساسى فى جميع فئات الاسترا.
حقولك تانى الفيلوانس عربيه ممتازه و توكيلها رائع و اعطالها مش كتير حسنت الفكره عن الرينو كتير بعد الميجان و انا مع راى ا/ ahmed a.maksoud يا اما تستنى الشكل الجديد يا اما متبعش غير بعد 6 او 7 سنين و ربنا يوفقك

يا باشا شاكر جدا لحضرتك وجزاك الله كل خير .. انا انهاردة شوفت العربية على الطبيعة وفعلا الرينو جميلة وممتازة وشوفت عربيات تانية كتير .. اقدر اقول ان حصرت اختياراتى ما بين ثلاثة : رينو 142000 أو 150000 و سوبارو امبريزا 150000 أو 160000 واسترا 155000 .. ياريت تساعدونى على الإختيار .. وختاما يعجز لسانى عن شكركم بجد غاية فى الإحترام والإخلاق والذوق .. شكرا جزيلا .. تحياتى :)

المشاركة الأصلية كتبت بواسطة yalahwy2010

أنا عندى إقتراح لحضرتك عشان موضوع سعر إعادة البيع
حضرتك ممكن تشترى حاجة كسر زيرو......يعنى تجيب حاجة ماشية كيلوات قليلة بالكتير 20000 كم.....وتكون مافيهاش حاجة رشة خالص....وتكشف عليها فى التوكيل وتكون فى الضمان.....وتجيبها أقل من سعرها زيرو بحوالى 25000 جنيه.......فبالتالى لو حضرتك حبيت تبيع بعد سنتين تلاتة....الخسارة مش هتعدى ان شاء الله بالكتير من 5 إلى 10 آلاف جنيه
وتعتبر دى كدة خسارة مقبلولة
تانى حاجة بقى بالنسبة لموضوع سعر إعادة البيع.....أحب أطمئن حضرتك وأقلولك ان ان شاء الله حضرتك مش هتحتاج تبيع لأن الحمد لله مشاكل العربية المزكورة من ملاكها تكاد تكون بسيطة جدا .....وبالمقارنة بالعربيات اللى فى فئتها السعرية .....الفلوانس تعتبر أحسنهم كقيمة سعرية
أنا هحاول أسرد لحضرتك بعض المميزات اللى بصراحة بتشدنى جدا للفلوانس...وبتخللينى ما أفكرش فى انى أغير فى الوقت الحالى:-
1. واسعة جدا ما شاء الله....وشنطتها ملعب....تشيل شنط أسرتين لو مسافرين يقعدوا بعيد عن البيت أكتر من اسبوع مثلا
2. كمالياتها فوق الممتازة......زى مثلا (سمارت كى.....شاشة الأعطال والكمبيوتر.....مرايات ضم....اشارات فى المرايات.....بتفتح الشنطة من برة عادى......كشافات إضاءة فى عتب الأبواب......ستاير فى الأبواب والكنبة الخلفية.....مثبت ومحدد سرعة ....إلخ إلخ إلخ)
3. فراملها فوق الممتازة....بالمقارنة بالفانتازيا والسيفك
4. المالتى فنكشن بتاع الكسيت مكانه جميل جدا وصوت الكاسيت بتاعها نقى ونضيف
5. بلوتوث وكاركيت مريح وجميل جدا
6. عالية عن الأرض جدا جدا جدا.....تشيل 3 ورا وتطلع على أتخن مطب فى مصر وانسى الإحتكاك
7. ثابتة فى الملفات وتناور بيها كويس جدا
8. مريحة فى سواقتها جدا....بمعنى ان الدريكسيون وانت بتركن مثلا تلاقيه مية فى إيدك....وطبعا بيتقل جدا على الطرق السريعة......والبوار بتاعها مشواره محترم....يعنى اما تييجى تلف بالعربية....بتييجى معاك من أول مرة....
9. العزل بتاعها جميل جدا جدا.....بتقفل الإزاز وتستمتع بيها فى السفر ....وتشغل الكاسيت وتعييش
10. الفئة اللى ب 142000 فيها فرش جلد (50% جلد وحتت قماش)....بس الأبواب كلها جلد...والمسند اللى فى النص جلد......وده طبعا بيبقى سهل فى تنضيفه وبيددى شياكة فى العربية

السلبيات اللى عيشتها بنفسى وشوفتها من خلال الأعضاء:-
1. طارة الدريكسيون كانت بتقشر.....بس فى موديلات 2010 و 2011....ومتهيألى عالجو العيب ده فى الموديلات الأحدث......وانا الحمد لله غيرتها فى الضمان بالنوع الجديد اللى مش بيقشر
2. مؤشر البنزين كان بيهيس...يعنى تفول العربية والمؤشر ما يوصلش للآخر.....فا غيرولى طلمبة النزين فى الضمان وبقت تمام
3. المساحات بتاعتها بتبوظ بسرعة....وغالية فى التوكيل.....بس موجود منها أنواع أرخص عند محلات الرينو....فا تم تغييرها والحمد لله الجديدة شغالة كويس وب 70 جنيه

بصراحة الفلوانس بسعرها اللى معروض ..تعتبر صفقة رابحة وتمنها فيها....وموضوع سعر إعادة البيع أنا شايفه بيتحسن مع الوقت......وطبعا ده لما يزيد عليها الطلب وأصحابها ما يرضوش يفرطوا فيها بسهولة.....

والله يا باشا كلامك رووعة بس منين اقدر الاقى كسر الزيرو بالأوصاف دى ويكون مضمون .. لكن لا خلاف على الفلوانس رائعة بجد وتسحق اكثر من سعرها الحالة بالمقارنة بغيرها بصرحة رووعة انا شوفتها النهاردة بس مش عارف ليه اللون الأسود من الداخل حسيت انه مضلم العربية اووى وكمان الشاشة الكبيرة بتكون فى أى فئة انا شوفت 142000 وكانت شاشة صغيرة بس ملونة ..

ختاما انا الإختيار الأن بين ثلاثة تقريبا نفس مشكلة اعادة البيع وهم : فلوانس - سوبارو امبريزا - استرا
فحضرتك تنصحنى بإيه ..
انا حابب وسع وكماليات الفلوانس .. اما امبريزا فلها احساس خاص بحص انها مكس بين شياكة الكلاسيك واناقة المودرن .. ده حسيته لما شوفتها بصراحة فخلاص هختار ما بينهم :
فلوانس 142000 أو 150000
سوبارو امبريزا 150000 أو 160000
استرا 155000

منتظر رأى حضرتك .. وجزاك الله كل خير ياااااارب :)

تحياتى لشخصكم الكريم :)

المشاركة الأصلية كتبت بواسطة ahmed a.maksoud

تمام كده.......الله ينور

و ممكن برضه تأخد بأقتراح المهندس فهمي أنك تشوف حاجة كسر زيرو.

تحياتي ليك يا باشا

يا باشا شاكر جدا لحضراتكم .. وبجد والله رجاله بما تعنية الكلمة ويااارب يجعله فى ميزان حسناتكم ان شاء الله .. شكرا شكرا لمجهودكم واهتمامكم ولردكم .. ربنا يجازيكم كل خير :)

تحياتى :)

المشاركة الأصلية كتبت بواسطة ahmed a.maksoud

مقارنة محيرة جداً و تخللى راس الواحد تلف بصراحة :)

بص أنا لو مكانك هستبعد السوبارو ل 3 أسباب هما التوكيل و قطع الغيار و سعر إعادة البيع.......مش لأن العربية وحشة خالص.

يبقى الإختيار بين الفليونس و الأسترا

خلينى أبص بصة كويسة على إمكانيات الأسترا و أرجعلك.




يا باشا أخجلتم تواضعنا.

يا باشا والله ما عارف اشكركم ازاى انتم عقولكم وتفكيركم ما شاء الله بجد رووعة .. بس هو ليه حضرتك بتقول كده على السوبارو رغم انها نفس اسعار قطع غيار كورولا ولانسر بل وفى حاجات فيها ارخص منهم الإثنين .. ودفع رباعى ويابانى .. وكمان كان فيه حاجه غريبة وانا فى التوكيل كان فيه حد بيبع لهم عربية موديل 2009 كان شريها ب 135000 وباعها لهم ب 90000 .. ايه رأى حضرتك غريبة صح ولا انا اللى فى حاجة مش فاهمها !!

وشكرا لجضرتك وتحياتى لشخصكم الكريم دائماً :)