الموضوع: استفسار هام لخبراء الفلوانس .. محتاج مساعدتكم

المشاركة الأصلية كتبت بواسطة ahmed a.maksoud

الأسترا تزيد عن الفليونس فى الأتي

1- الموتور 115 حصان مش 110 زى الفليونس
2- فيها esp
3- الجنوط 17 مش 16
4- زينون
5- سبويلر خلفى

و مفيهاش الأتي
1- نظام زرار start/stop لتشغيل و إطفاء المحرك
2- فتحة سقف
3- حساسات إضاءة و مطر
4- بلوتوث
5- إشارات فى المرايا الجانبية

الكلام ده جايبه من على موقع تاني و مش متأكد إذا كان صحيح 100% ولا لأ

بس هنفترض أنه صحيح......شوف أنت أيه الأهم بالنسبة ليك فى البنود اللى فوق

و لازم تعرف أن منصور مش بنفس كفاءة و سلاسة توكيل رينو فى التعامل مع العملاء

أعتقد قطع الغيار ممكن تكون متقاربة جداً

الف شكر يا باشا وجزاك الله كل خير ..

يعنى لوممكن توضيح لــ esp اللى موجود عامة فى العربيات الألمانى .

+ هو ايه النظام الذكى لركن السيارة اللى فى الفلوانس .

وشاكر جدا لحضرتك وتحياتى لشخصكم الكريم :)

المشاركة الأصلية كتبت بواسطة ahmed a.maksoud

صراحة أنا قريت فى أكتر موضوع أن قطع الغيار ملهاش حل غير التوكيل......و أسعاره عالية

مش عارف هل أنت تقصد أسعار التوكيل ولا فيه مصدر تاني بره التوكيل ممكن تجيب منه ؟

بالنسبة لموضوع بيع العربية للتوكيل.......عادة التوكيل بياخد العربية بسعر أقل من سعرها فى السوق بحوالي 5000 على الأقل علشان يكسب فيها.

أنا عارف أن سعر 2009 فى السوق بيعمل حوالي 80 85 الف.......كون أن التوكيل اشتراها منه ب 90 ده معناه غالباً أن حالة العربية شاذة.....ماشية كم قليل قوى مثلاً.

هو عموماً أسعارها فى المستعمل زى أسعار الميجان تقريباً.......بس القصة أن لحد دلوقتي الفليونس متفوقة عليهم فى الحتة دى شوية........الأمبريزا الجديدة لسه مش باين هتاخد طريق مين فيهم.

بس مما لا شك فيه أنها عربية هايلة.

بصراحة مقدرش أنكر ان الشكل الخارجى للإمبريزا عاجبنى جدااااا .. اما قطع الغيار فهى توكيل ومفيش غيره بس الأسعار عندة زى الكورولا وساعات زى اللانسر وساعات اقل منهم اللى اتنين حتى كان عندهم ورقة فيها مقارنة بين اسعار قطع الغيار وان شاء الله هجيبها وارفعها هنا فالمنتدى قريب ..

أما الفلوانس فبصراحة انا بدأت بشكل كبير اقتنع بيها من خلال كلامكم المقنع جدا .. وان شاء الله اقدر استقر عليها ..

والف الف الف الف الف شكر لحضرتك ويارب يجعله فى ميزان حسناتك .. وجزاك الله كل خير ..

تحياتى :)

المشاركة الأصلية كتبت بواسطة dozo

يا باشا لاشكر على واجب احنا هنا اخوه و الهدف هو اننا كلنا نستفيد .
- بص ادخل على قسم opel حتلاقى topic مثبت (مواصفات و اسعار الاسترا السيدان الجديده)
خش على الصفحه 13 مشاركه ا/ hossam optrawy حتلاق لينك موضح مواصفاتها بالتفصيل انا حاولت ارفعه الجهاز بيهنج و ركز على اول عمود من على الشمال لان ده اللى الفئه 155000 و قارن بينها و بين الكماليات اللى ا/ ahmed a.maksoud قالهالك على الفيلوانس و انا معاه تماما فى ان توكيل الرينو احسن و ربنا يوفقك

يا باشا شاكر جدا لحضرتك ولمتابعتك وردك وكرمك والله :)

التوكيل بعتلى pdf فيه كل شى .. وبالنسبة للفئة انجوى 155000 كاتب :

• أوتوماتيك / 6 سرعات
منع انغلاق الفرامل ABS • نظام
• چنوط معدن 16 بوصة
16R 60/ • مقاس الإطارات 205
• زجاج كهربي أمامي وخلفي
4 وسائد هوائية •
• تكييف هواء مانيوال
• ضبط مقعد السائق في 4 اتجاهات
• عجلة قيادة قابلة للإمالة والانضغاط
• حليات المقعد بلون أسود مميز
• مصباح استوب مثبت بالخلف علوياً
• مسند ذراع أمامي
60/ • الكنبة الخلفية قابلة للطي 40
• مقابض الأبواب بلون السيارة
• مرايا جانبية بلون السيارة
• المرايا الجانبية كهربية الضبط
• المرآة الداخلية قابلة للإمالة
• مصباح قراءة مزدوج
• مصباح داخلي لمنطقة الكونسول
ESP • برنامج الاتزان الإلكتروني
• فرملة اليد تعمل بالكهرباء
• مساعد للطرق الصاعدة
• حساسات للركن الخلفي
• راديو ومشغل اسطوانات 300
7 سماعات •
• مدخل للصوت
• مفتاح بالريموت كنترول
• وحدة رفع للزجاج
• مانع للسرقة
• التحكم في الراديو من عجلة القيادة
• عجلة قيادة ثلاثية الأذرع
• پاور ستيرنج حساس للسرعة
• ضبط مستوى الكشافات الأمامية يدوياً
• شاشة بيانات ثلاثية
• سنترال لوك
• مثبت سرعة
• مانع لزيادة السرعة

يعنى لو قارنا بين الفلوانس واسترا انجوى وامبريزا

تنصحنى بايه :)

تحياتى لشخصكم الكريم :)

المشاركة الأصلية كتبت بواسطة karemof

السلام عليكم
في كام نقطة عايز أتكلم فيها وأكيد مش حاضيف كتير عن خبراء الرينو أنا لسه مستلم قريب
- بالنسبة للمقارنة بينها والأسترا والأمبريزا طبعا كلهم عربيات ممتازة بس لو فكرت بالفكر المصري حتلاقي الفلوانس أنتشارها أكتر وتوكيلها أفضل بشهادة الأعضاء وغالبا حتلاقي سعر أعادة البيع أفضل كمان
- ده لينك لموضوع كان فيه فيديو مقارنة بينها وبين الفانتازيا
http://www.nilemotors.net/nile/276537-a.html
- أنا كنت بفكر في موضوع العربية من سنتين بالظبط وكنت حجزت كارينز بس ربنا أراد أني مستلمش لعدم مصداقية التوكيل، وبعدين حسيت أن العربيات الأوروبي بتحترم البني أدم أكتر وفيها كل الكماليات الي محتاجها واللي مش محتاجها من أول فئة ويمكن ده كمان في مصر ظاهر قوي وخصوصا من جشع التجار بتوع الكوري واليباني زي الأخ غبور مثلا، وعلشان كدة حصرت تفكيري بين الفانتازيا والفلوانس، بس الفلوانس كسبت معايا لفرق السعر
- أكيد طبعا فكرت في سعر اعادة البيع، بس لقيت مثلا أني مش بتاع تغيير عربيات كتير وخصوصا أني جايبها قسط، الى جانب أن السعر مش واقع قوي زي الميجان مثلا، أعرف واحد كان جايب أول فئة أوتو 2010 باعها قريب ب96000 وده كان عامل بيها بتاع 100000 كيلو
- موضوع ثقافة البيع والشراء في مصر غريبة شوية يا أما تمشي بفكرك يا أما بفكر عموم الناس، ليك حق الأختيار، أنا فكرت فيها أني بركب عربية لنفسي مش علشان الناس، زي كده مثلا اللي بيجيب صالون علشان الناس وفي الأخر بتلاقي محدش بيقعد عليه وحاجز مكان في البيت على الفاضي علشان الناس رغم انه أولا وأخيرا بيته لراحته مش لراحة الناس
- سعر أعادة البيع للبي أم مش كويس قوي طيب هي الناس بطلت تركب بي أم
- الى جانب كفاية أعضاء قسم رينو وكمان ملاك العربية اللي حببوني فيها على الرغم أني عمري ما كنت أتوقع أجيب رينو خالص بس النصيب بقه :) والحمد لله حمدا كثيرا
أسف على الأطالة

ألف مليون مبرووووووووووك يا باشا :)
وربنا يديك خيرها ويكفيك شرها يااااارب :)
والله يا باشا هو طبعا الفانتازيا فانتازيا برضو بس هو السعر :) يعنى لو هيأثر عليا كنت جبتها على طول علشان حببها جدا رغم انها هتغير شكل السنة اللى جايه ..

أوافقك تماما فى النظرية دى .. فعلا هى للأسف ثقافة شعب :(

والله يا باشا انا كمان زيك لو جبت الفلوانس والله هيكون السبب الرئيسى المنتدى الرائع ده وحضراتكم بكلامكم المقنع جدا .. بس عندى سؤال هو الشكل الجديد بالموتور الجديد والحاجات دى مأثرتش فى قرارك .

وشكرا جزيلا لحضرتك والف مبروووووووووووك مرة تانية وتحياتى لشخصكم الرائع :)