ارتفاع استهلاك البنزين أم بداية تعطل العوامة؟

**Yasser Selim** · 09-11-2012 05:18 PM

بعد التحية على الإخوة الكرام أعضاء المنتدى الجميل والمحترم،

لاحظت في الآونة الأخيرة تزايد استهلاك بنزين سيارتي النيسان صني على نحو غير معتاد، وعليه قمت بتغيير البوجيهات ثم تم ضبط حساس الأكسجين في التوكيل. ولكن لاحظت بعد ذلك أن ما تم لم يكن له تأثير يُذكر وعليه بدأت في مراقبة مؤشر البنزين ولاحظت أن المؤشر يزيد ويقل أحيانا، فهل ما أعتقده تزايد في استهلاك البنزين هو مجرد بداية تعطل العوامة أم ماذا؟

نشكر مقدما مشاركاتكم القيمة

**Heshoo Shosha** · 09-11-2012 06:07 PM

أكيد عوامة .. طالما المؤشر بيطلع وبينزل ..

**gadoo30** · 09-11-2012 10:14 PM

المفروضالاستهلاك بيتحسب يدوى حتى لو مفيش عوامة
انت بتفول للزور وتفر عداد الرحلات
بعد ما تمشى مسافة كويسة 300 او 400 كم تفول تانى للزور ويفضل من نفس البنزينة ويا سلام لو من نفس المسدس وتشوف خدت كام لتر فى تلك المسافة
تقسم عدد الكيلوهات على عدد اللترات وتضرب فى 20 يديك الاستهلاك الفعلى فى الصفيحة
على فكرة انا بحسبها مع كل تفويلة فى عربيتى

**Youssef.Awad** · 10-11-2012 10:30 PM

عطل غريب بالنسبة الى ارتفاع وانخفاض مؤشر عداد البنزين والعربية فى مستوى ثابت بدون ميلها يمين او شمال
واحتمال يكون العوامة فعلا .. لكن لازم حضرتك تتابع الاستهلاك بالطريقة المذكورة فى المشاركة السابقة ولا تعتمد على قراءة المؤشر
وفى حال تلف العوامة فعلا .. اغلب الظن هاتغير طلمبة كاملة بالفلتر والعوامة والمصفاة
ياريت تقولنا عربيتك عاملة كام كم وموديل كام ؟

**Dr'AhmZZong** · 11-11-2012 02:17 PM

الصني فيها عيب شائع : لعب المؤشر نتيجة ميل العربية لاي اتجاه و ديه مشكلة في العوامة ..

و كمان الصني لما اللمبة بتنور بيبقى فيها حوالي 15 لتر !!!!!! و ده كتير !